Aleanca UNINOVIS Archives - UNIVERSITETI I TIRANËS

Thirrje për studentët e Universitetit të Tiranës

education — Thu, 11 Jun 2026 06:52:38 +0000

Thirrje për studentët e Universitetit të Tiranës

“All Colors of UNINOVIS” – Konkurs fotografie

Universiteti i Tiranës fton studentët të marrin pjesë në konkursin fotografik “All Colors of UNINOVIS – Photo Contest”, një nismë e aleancës UNINOVIS që synon të promovojë identitetin, frymën dhe ngjyrat e universiteteve partnere.

Nga data 8 deri më 30 qershor, studentët mund të realizojnë një fotografi që pasqyron ngjyrën, identitetin, atmosferën dhe jetën universitare në kampusin e tyre, për të pasur mundësinë të fitojnë 3 muaj Spotify Premium.

Si të merrni pjesë:

Të jeni student/e i/e regjistruar në një universitet partner të UNINOVIS;
Të ndiqni faqen zyrtare @uninovis.eu në Instagram;
Të publikoni fotografinë tuaj në mënyrë publike në Instagram;
Të etiketoni @uninovis.eu;
Të përdorni hashtag-un #captureuninovis;
Të dorëzoni aplikimin tuaj brenda datës 30 qershor.

Fotografia duhet të jetë origjinale, e realizuar nga vetë pjesëmarrësi, dhe të reflektojë ngjyrën, identitetin ose frymën e universitetit. Lejohet vetëm editim bazik, si prerje, ndriçim apo korrigjim i ngjyrave.

Fotografitë do të vlerësohen bazuar në kreativitetin, cilësinë vizuale, rrëfimin artistik dhe lidhjen me identitetin universitar.

Përfaqësoni Universitetin e Tiranës dhe tregoni ngjyrën e kampusit tuaj!

Shiko njoftimin në Instagram

Hashtags:

#captureuninovis #uninovis #photocontest #studentlife #campuslife #studyineurope #universityphotography #internationalstudents

The post Thirrje për studentët e Universitetit të Tiranës appeared first on UNIVERSITETI I TIRANËS.

Konkursi i Fotografisë UNINOVIS

education — Thu, 28 May 2026 10:58:38 +0000

📸 Konkursi i Fotografisë UNINOVIS

Si pjesë e aktivitetit “Të Gjitha Ngjyrat e UNINOVIS”, UNINOVIS po lançon një Konkurs Fotografie, ku ftohen studentët dhe personeli të fotografojnë jetën në kampusin universitar, duke theksuar kreativitetin, diversitetin dhe përvojat e përditshme.

Dita e Ngjyrave është krijuar për të bashkuar kampuset në të gjithë aleancën duke inkurajuar studentët dhe personelin të promovojnë dhe shfaqin ngjyrat e universitetit të tyre. Përmes këtij aktiviteti, synohet të festohet vizualisht diversiteti, përkatësia dhe identiteti ynë i përbashkët evropian.

Pjesëmarrësit duhet të paraqesin foto të frymëzuara nga ngjyrat e jetës universitare. Përmbajtja duhet të pasqyrojë jetën autentike studentore dhe diversitetin kulturor.

📅 Informacion mbi konkursin

Data e fillimit: 8 qershor

Afati i fundit për pjesëmarrje: 30 qershor

Punimet e përzgjedhura do të shfaqen në platformat UNINOVIS dhe fituesit do të shpallen pas përfundimit të afatit të aplikimit.

Të gjithë studentët e interesuar duhet të postojnë foto në mediat sociale duke përdorur hashtagun:

#captureuninovis #uninoviscolorday

The post Konkursi i Fotografisë UNINOVIS appeared first on UNIVERSITETI I TIRANËS.

UNINOVIS – Data for L.I.F.E. Alliance: CyberSecurity Hackathon

education — Thu, 28 May 2026 09:36:25 +0000

🛡️💻 UNINOVIS – Data for L.I.F.E. Alliance: CyberSecurity Hackathon

Në kuadër të UNINOVIS – Data for L.I.F.E. Alliance, Universiteti i Tiranës, përmes Departamentit të Informatikës pranë Fakultetit të Shkencave të Natyrës, organizoi me sukses javën intensive “CyberSecurity Hackathon”.

Aktiviteti mblodhi së bashku studentë nga universitetet partnere të Aleancës UNINOVIS: University of Tirana, Université Sorbonne Paris Nord dhe Kauno Kolegija, si dhe studentë nga Lynn University, Florida 🌍.

Programi përfshiu sesione trajnimi dhe përgatitje praktike për hackathon dhe garën CyberDrill në bashkëpunim me Autoritetin Kombëtar për Sigurinë Kibernetike.

Gjatë javës, studentët u angazhuan në tema të rëndësishme si cybersecurity, ethical hacking, offensive security, AI agents, threat intelligence, behavioral biometrics, mbrojtja e sistemeve digjitale dhe rritja e kapaciteteve kibernetike në sektorin publik dhe privat.

Në garën CyberDrill, pjesëmarrësit punuan në sfida praktike në kohë reale, duke testuar njohuritë, aftësitë për zgjidhjen e problemeve dhe kapacitetin për t’iu përgjigjur skenarëve konkretë të sigurisë kibernetike. Në fund të aktivitetit u shpallën fituesit dhe të gjithë pjesëmarrësit u pajisën me 2 kredite për angazhimin dhe kontributin e tyre.

Ky aktivitet dëshmoi vlerën e bashkëpunimit ndërkombëtar në fushën e Sigurisë Kibernetike, duke krijuar një përvojë të rëndësishme për studentët në zhvillimin e aftësive praktike dhe ndërtimin e lidhjeve ndërkulturore brenda Aleancës UNINOVIS – Data for L.I.F.E..

#UNINOVIS #DataForLIFE #UniversityofTirana #CyberDrill #Cybersecurity #InternationalWeeks #HigherEducation #InternationalCollaboration #AKSK

[See image gallery at unitir.edu.al]

The post UNINOVIS – Data for L.I.F.E. Alliance: CyberSecurity Hackathon appeared first on UNIVERSITETI I TIRANËS.

Aleanca UNINOVIS ka kënaqësinë të njoftojë hapjen e aplikimeve për edicionin e dytë të Programit të praktikës kërkimore (Research Internship) UNINOVIS për vitin akademik 2026/2027

education — Wed, 20 May 2026 21:51:34 +0000

Aleanca UNINOVIS ka kënaqësinë të njoftojë hapjen e aplikimeve për edicionin e dytë të Programit të praktikës kërkimore (Research Internship) UNINOVIS për vitin akademik 2026/2027. Kjo nismë është krijuar për të nxitur mobilitetin ndërkombëtar dhe për të forcuar bashkëpunimin kërkimor ndërmjet institucioneve partnere në të gjithë aleancën. Duke lidhur studiues, doktorantë dhe profesionistë të inovacionit, programi synon të krijojë partneritete afatgjata shkencore dhe të forcojë komunitetin europian të kërkimit.

Thirrja e parë tashmë e hapur: shprehje interesi për studiuesit pritës

Faza e parë e programit është tashmë zyrtarisht e hapur. Studiuesit nga institucionet partnere të UNINOVIS që janë të interesuar të mirëpresin një studiues ftohen të paraqesin një shprehje interesi (Expression of Interest – EoI), duke propozuar një temë për praktikën kërkimore.

Afatet: Raundi i parë për shprehjet e interesit — 18 maj deri më 18 qershor 2026.

Publikimi: Lista përfundimtare e mundësive të disponueshme për praktikat kërkimore do të publikohet më 25 qershor 2026 në faqen zyrtare të UNINOVIS dhe në website-t e partnerëve.

Aplikimi

Aplikimi realizohet përmes faqes zyrtare të Aleancës. Për t’u njohur më tej me thirrjen dhe procedurën e aplikimit, klikoni më poshtë:

UNINOVIS launches the II Call

Expression of Interest

Rreth programit

Programi i praktikës kërkimore UNINOVIS mbështet mobilitetin dhe bashkëpunimin ndërmjet studiuesve në kuadër të aleancës. Praktikat synojnë të:

krijojnë marrëdhënie të reja shkencore;
forcojnë bashkëpunimet ekzistuese;
stimulojnë aktivitetet e përbashkëta kërkimore;
inkurajojnë mundësi të ardhshme kërkimore ndërkombëtare.

Kush mund të marrë pjesë?

Stafi akademik dhe kërkimor;
Studentët e doktoraturës;
Stafi administrativ dhe drejtues i përfshirë në aktivitetet e kërkimit dhe inovacionit.

Kohëzgjatja e Research Internship

Minimumi: 1 javë | Maksimumi: 12 javë.

The post Aleanca UNINOVIS ka kënaqësinë të njoftojë hapjen e aplikimeve për edicionin e dytë të Programit të praktikës kërkimore (Research Internship) UNINOVIS për vitin akademik 2026/2027 appeared first on UNIVERSITETI I TIRANËS.

Celebrating One Year of UNINOVIS – One Year of Shared Data Science Excellence

education — Wed, 18 Mar 2026 07:20:08 +0000

🎉 Celebrating One Year of UNINOVIS – One Year of Shared Data Science Excellence

One year after its launch, the UNINOVIS – Data for L.I.F.E. – European University Alliance is already demonstrating the power of collaboration between European universities.

In just twelve months, the alliance has moved from vision to implementation, creating a growing European academic network connecting 8 universities, 150,000 students and more than 13,000 staff members.

Highlights from the first year include:

Around 200 student and staff mobilities
8 thematic Excellence Hubs launched
Alliance-wide research internships
Joint conferences, staff weeks and innovation initiatives
Adoption of a Quality Assurance framework and governance structure

As we celebrate this milestone, the focus now shifts from building structures to delivering impact:
#micro-credentials,
#joint_programmes,
#COIL
planning and implementation, #AI and sustainability, expanded mobility and deeper research collaboration across Europe.

One year of UNINOVIS — and just the beginning.

#UNINOVIS
#EuropeanUniversities
#DataScience
#HigherEducation
#Collaboration
#DataforLife

Lexo postimin e UNINOVIS në LinkedIn

Shfletuesi juaj nuk e mbështet elementin video.

The post Celebrating One Year of UNINOVIS – One Year of Shared Data Science Excellence appeared first on UNIVERSITETI I TIRANËS.

Në kuadër të Aleancës UNINOVIS hapet thirrja për aplikime për studentët e Universitetit të Tiranës për Blended intensive programme (BIP) në Universitetin e Sorbonne Paris Nord, Francë, për vitin akademik 2025-2026.

education — Mon, 12 Jan 2026 14:08:10 +0000

Thirrje për aplikime – BIP në Sorbonne Paris Nord (UNINOVIS)

Në kuadër të Aleancës UNINOVIS hapet thirrja për aplikime për studentët e Universitetit të Tiranës për Blended Intensive Programme (BIP) në Universitetin e Sorbonne Paris Nord, Francë, për vitin akademik 2025–2026.

Llojet e mobilitetit:

– Shkëmbimi i studentëve

Niveli i studimeve:

– Bachelor (viti III)

Fushat:

– Informatikë Ekonomike

Periudha:

– 06.04.2026 – 10.04.2026

Tema e shkëmbimit:

– BIP DATAVIZ UNINOVIS

Kompensimi: 79 Euro/ditë + kosto udhëtimi

Dokumentat e nevojshme për aplikim:

CV (në gjuhën angleze);
Kopje e Pasaportës;
Vërtetim studenti (shqip + përkthim zyrtar anglisht);
Listë notash (shqip + përkthim zyrtar anglisht);
Letër Motivimi në gjuhën angleze;
Certifikatë e gjuhës së huaj (Anglisht B2).

Afati për aplikim: 19 janar 2026, ora 10:00.

Dokumentacioni duhet dorëzuar dorazi në Rektoratin e Universitetit të Tiranës, Sektori i Marrëdhënieve me Jashtë, si dhe të skanuara të dërgohen në adresën:
iro@unitir.edu.al.

Për më shumë informacion mbi bursat mund të na kontaktoni në:
iro@unitir.edu.al

Universiteti i Tiranës ju uron suksese në aplikim!

The post Në kuadër të Aleancës UNINOVIS hapet thirrja për aplikime për studentët e Universitetit të Tiranës për Blended intensive programme (BIP) në Universitetin e Sorbonne Paris Nord, Francë, për vitin akademik 2025-2026. appeared first on UNIVERSITETI I TIRANËS.

UNINOVIS Workshop në Tiranë: koordinim, komunikim dhe vizion afatgjatë 2026–2030

education — Mon, 22 Dec 2025 12:28:46 +0000

UNINOVIS Workshop në Tiranë: koordinim, komunikim dhe vizion afatgjatë 2026–2030

Universiteti i Tiranës mirëpriti organizimin e Management Committee UNINOVIS Workshop, një aktivitet strategjik i dedikuar reflektimit mbi vitin e parë të zbatimit të Aleancës UNINOVIS dhe planifikimit të fazës së ardhshme të zhvillimit të saj.

Workshop-i synoi:

vlerësimin e ecurisë së bashkëpunimit dhe koordinimit ndërinstitucional;
identifikimin e sfidave kryesore operative dhe strukturore;
përmirësimin e proceseve të punës dhe komunikimit dhe niveleve vendimmarrëse;
si dhe forcimin e koherencës në nivel aleance.

Një vëmendje e veçantë iu kushtua çështjeve të qeverisjes së aleancës, bashkëpunimit ndërkulturor, ndërtimit të besimit dhe përgjegjësisë kolektive ndërmjet partnerëve, si dhe sigurimit të qëndrueshmërisë së UNINOVIS përtej financimit Erasmus+.

Workshop-i u përmbyll me diskutimin e strategjisë afatgjatë të UNINOVIS për periudhën 2026–2030, duke adresuar aspektet e qëndrueshmërisë përtej financimit Erasmus+, zhvillimin e formateve inovative të mobilitetit dhe kalimin nga vizioni strategjik në hapa konkretë veprimi.

[See image gallery at unitir.edu.al]

The post UNINOVIS Workshop në Tiranë: koordinim, komunikim dhe vizion afatgjatë 2026–2030 appeared first on UNIVERSITETI I TIRANËS.

Universiteti i Shkencave të Aplikuara të Hagës bëhet pjesë e Aleancës Universitare Evropiane UNINOVIS

Juxhin Caushi — Tue, 11 Nov 2025 10:14:56 +0000

Universiteti i Shkencave të Aplikuara të Hagës i është bashkuar zyrtarisht Aleancës Universitare Evropiane UNINOVIS, në të cilën Universiteti i Tiranës është anëtar që prej vitit 2023. Kjo aleancë, e përbërë aktualisht nga tetë universitete evropiane, synon të forcojë bashkëpunimin ndërkombëtar në arsim dhe kërkim, duke nxitur edukimin inovativ, zhvillimin teknologjik dhe ekspertizën shkencore në fushat e shkencës së të dhënave dhe inteligjencës artificiale. Përmes këtij partneriteti, krijohen mundësi të reja për studentët, studiuesit dhe stafin akademik për të ndarë njohuri, për të zhvilluar projekte të përbashkëta dhe për të ndërtuar ura bashkëpunimi në mbarë Evropën.

Një partneritet strategjik me ndikim ndërkombëtar

Anëtarësimi në Aleancën UNINOVIS përfaqëson një hap strategjik me rëndësi ndërkombëtare për Universitetin e Shkencave të Aplikuara të Hagës. Ky bashkëpunim jo vetëm që zgjeron mundësitë për mobilitet akademik dhe kërkim të përbashkët, por edhe krijon një mjedis të hapur për inovacion dhe bashkëpunim ndërdisiplinor.

Aleanca UNINOVIS shkon përtej edukimit tradicional, ajo promovon bashkëpunimin në fusha me rëndësi të madhe për të ardhmen si digjitalizimi, qëndrueshmëria dhe inovacioni, duke ndërlidhur akademinë, industrinë dhe shoqërinë.

Në vitet në vijim, Universiteti i Shkencave të Aplikuara të Hagës do të kontribuojë në mënyrë aktive në përmbushjen e objektivave të Aleancës UNINOVIS, me fokus në:

mësimin gjatë gjithë jetës,
tranzicionin e gjelbër dhe digjital, dhe
forcimin e impaktit shoqëror të arsimit të lartë.

Ky angazhim pasqyrongjithashtu përkushtimin e të gjithë partnerëve për të ndërtuar një të ardhme të qëndrueshme, gjithëpërfshirëse dhe inovative, në përputhje me prioritetet evropiane për arsimin, kërkimin dhe zhvillimin.

The post Universiteti i Shkencave të Aplikuara të Hagës bëhet pjesë e Aleancës Universitare Evropiane UNINOVIS appeared first on UNIVERSITETI I TIRANËS.

THIRRJE PËR APLIKIME – PRAKTIKA NË KUADËR TË ALEANCËS UNINOVIS

education — Mon, 20 Oct 2025 09:15:39 +0000

THIRRJE PËR APLIKIME – PRAKTIKA NË KUADËR TË ALEANCËS UNINOVIS

Universiteti i Tiranës, si pjesë e Aleancës Evropiane të Universiteteve UNINOVIS – “Data for L.I.F.E.”, fton studentët dhe të rinjtë e talentuar të bashkohen në një përvojë unike ndërkombëtare përmes programit të praktikave (internship) të hapur nga Aleanca.

Ky program ofron një mundësi të shkëlqyer për të zhvilluar aftësi profesionale dhe për të fituar përvojë konkrete në një mjedis universitar evropian, ku bashkëpunimi ndërdisiplinor, kërkimi shkencor dhe inovacioni janë në qendër të veprimit.

Kush mund të aplikojë?

 Stafi akademik dhe kërkimor nga çdo universitet pjesëtar i UNINOVIS;

 Studentë të doktoratës dhe hulumtues në fillim të karrierës;

 Personeli i përfshirë drejtpërdrejt në aktivitete kërkimore dhe inovacioni.

Pse të aplikoni?

Për të punuar në një mjedis ndërkombëtar, në bashkëpunim me universitete partnere nga vende të ndryshme të BE-së;
Për të përmirësuar njohuritë tuaja profesionale dhe ndërkulturore;
Për të zhvilluar kompetencat digjitale dhe kërkimore;
Për të krijuar kontakte akademike që mund të ndikojnë në karrierën tuaj të ardhshme.

Si të aplikoni?
Të interesuarit ftohen të vizitojnë linkun zyrtar të thirrjes në faqen e Aleancës UNINOVIS:

https://uninovis.eu/news-call-for-interns

Afati i aplikimit: 25 Tetor 2025.

The post THIRRJE PËR APLIKIME – PRAKTIKA NË KUADËR TË ALEANCËS UNINOVIS appeared first on UNIVERSITETI I TIRANËS.

Aleanca Evropiane UNINOVIS – Data for L.I.F.E.

education — Tue, 05 Aug 2025 10:07:08 +0000

Klikoni mbi logo për të vizituar faqen zyrtare të UNINOVIS.

UNINOVIS – The New European University është një aleancë ndëruniversitare që synon të forcojë bashkëpunimin midis universiteteve europiane përmes inovacionit, shkëmbimit akademik dhe zhvillimit të qëndrueshëm. Kjo aleancë mbledh së bashku institucione të arsimit të lartë që ndajnë një vizion të përbashkët për të krijuar një mjedis arsimor ndërkombëtar, gjithëpërfshirës dhe të orientuar drejt sfidave të së ardhmes.

Qëllimi i UNINOVIS – Data for L.I.F.E. është krijimi i një aleance prej shtatë institucioneve të arsimit të lartë, të shpërndara në të gjithë Evropën, e cila synon të kombinojë ekspertizën e saj për të përmirësuar ndjeshëm kapacitetet dhe aftësitë për të kuptuar, analizuar, menaxhuar, përdorur dhe mbrojtur të dhënat në BE. Fokusi i kësaj aleance në zhvillimin e shkencës së të dhënave dhe promovimin e kompetencave digjitale dhe teknologjike përbën elementët unikë të kontributit të saj në kapërcimin e sfidave të shekullit XXI.

Përmes pjesëmarrjes në UNINOVIS, Universiteti i Tiranës angazhohet në:

Zhvillimin e programeve të përbashkëta studimi dhe kërkimi;
Nxitjen e mobilitetit të studentëve dhe stafit akademik;
Bashkëpunimin për zgjidhjen e sfidave globale përmes dijes dhe inovacionit;
Krijimin e një kampusi virtual europian ku studentët përfitojnë nga një edukim i shumëanshëm dhe ndërkulturor.

Aleanca UNINOVIS është një pjesë e iniciativës së Universiteteve Evropiane, të mbështetur nga Komisioni Evropian, që synon të ndërtojë një hapësirë të përbashkët arsimore dhe kërkimore në Evropë.

Universitetet anëtare të UNINOVIS janë:

Për t’u njohur mbi aktivitetet e organizuara në kuadër të UNINOVIS

Për t’u njohur mbi nënshkrimin e marrëveshjes UNINOVIS

The post Aleanca Evropiane UNINOVIS – Data for L.I.F.E. appeared first on UNIVERSITETI I TIRANËS.