Universiteti i Tiranës siguron akses provë në platformën shkencore ScienceDirect Freedom Collection

education — Tue, 23 Jun 2026 12:28:41 +0000

Universiteti i Tiranës siguron akses provë në ScienceDirect Freedom Collection

Periudha e aksesit 4 (katër muaj): 1 qershor deri në Shtator
Universiteti i Tiranës, në bashkëpunim me Elsevier, ka siguruar akses provë pa pagesë për një periudhë 4 (katër) mujore në platformën ndërkombëtare ScienceDirect Freedom Collection.

ScienceDirect Freedom Collection është një nga koleksionet më të mëdha të literaturës shkencore në nivel ndërkombëtar, duke ofruar akses në mijëra revista shkencore me tekst të plotë dhe miliona artikuj akademikë.

Kjo platformë mbështet procesin e mësimdhënies, kërkimin shkencor, përgatitjen e temave të diplomës dhe doktoraturës, si dhe zhvillimin e publikimeve shkencore me ndikim ndërkombëtar.

Si të aksesohet platforma?

Hapi 1
Lidhni pajisjen tuaj me rrjetin institucional të Universitetit të Tiranës në çdo njësi kryesore, fakultet apo institut.

Hapi 2
Vizitoni platformën në adresën:

www.sciencedirect.com

Hapi 3
Nëse jeni të lidhur me rrjetin institucional, sistemi do t’ju njohë automatikisht si përdorues të autorizuar.

Hapi 4
Për një eksperiencë më të avancuar, rekomandohet krijimi i një llogarie personale me adresën zyrtare @unitir.edu.al.

Akses në Distancë me Email Institucional (Email Domain Remote Access)

Kjo metodë ju mundëson të aksesoni burimet e Elsevier nga kudo — shtëpia, udhëtimi, etj. — duke përdorur thjesht adresën tuaj zyrtare të email-it me domain-in @unitir.edu.al

Hapat për t’u kyçur (loguar):

Shkoni në faqen e burimit që dëshironi të aksesoni, p.sh. www.sciencedirect.com.
Klikoni butonin “Sign in” ose “Remote Access” (zakonisht në krye të faqes, djathtas).
Kur ju kërkohet email-i, shkruani adresën tuaj institucionale, p.sh.: emri.mbiemri@unitir.edu.al
Klikoni “Continue” ose “Next”.
Vetëm në hyrjen e parë: do t’ju dërgohet një kod kalimi (passcode) njëpërdorimësh në email-in tuaj institucional.
Hapni inbox-in tuaj, gjeni email-in nga Elsevier dhe kopjoni kodin.
Vendoseni kodin në faqen ku ju kërkohet dhe konfirmoni.
Pasi verifikoni email-in, do të keni akses të plotë në përmbajtjen e abonuar nga Universiteti i Tiranës.
Në hyrjet e ardhshme, mjafton të shkruani email-in institucional — zakonisht nuk kërkohet kodi përsëri (përveçse rastesh të veçanta, si ndryshim pajisjeje/shfletuesi).

Funksionalitete shtesë me llogari personale

Ruajtja e kërkimeve shkencore;
Krijimi i njoftimeve automatike për publikime të reja;
Ruajtja dhe organizimi i literaturës shkencore;
Personalizimi i përvojës së kërkimit;
Ndjekja e publikimeve dhe tematikave të interesit.

Përfitimet për komunitetin akademik

Akses në literaturë bashkëkohore shkencore nga botues ndërkombëtarë;
Mbështetje për kërkimin shkencor dhe publikimet akademike;
Përmirësim i cilësisë së referencave bibliografike në punimet akademike;
Ndjekje e zhvillimeve më të fundit në fushat përkatëse të studimit dhe kërkimit.

Aksesoni ScienceDirect

Universiteti i Tiranës inkurajon stafin akademik, kërkuesit shkencorë, doktorantët dhe studentët që të shfrytëzojnë sa më gjerësisht këtë mundësi, në funksion të forcimit të kapaciteteve kërkimore dhe rritjes së cilësisë së veprimtarisë akademike e shkencore.