Rektori i Universitetit të Tiranës, Prof. Dr. Artan Hoxha, priti në një takim Ambasadoren e Japonisë në Tiranë, Shkëlqesinë e Saj, znj. KATO Kikuko, ku u diskutua për forcimin e bashkëpunimit akademik mes Universitetit të Tiranës dhe institucioneve të arsimit të lartë japoneze.

Gjatë takimit, u vlerësua bashkëpunimi i deritanishëm me Ambasadën e Japonisë dhe u theksua rëndësia e zgjerimit të mëtejshëm të këtyre marrëdhënieve. Ambasada e Japonisë shprehu mbështetjen e saj për vendosjen e urave të reja të bashkëpunimit në fushën e arsimit dhe kërkimit shkencor. Një nga pikat kyçe ishte promovimi i bursave japoneze dhe programit prestigjioz MIRAI, që ofron mundësi unike për studentët dhe të rinjtë shqiptarë.

Në këtë takim morën pjesë edhe Zv. Rektorja e Universitetit të Tiranës, Prof. Dr. Anila Paparisto,  Drejtoresha e Kërkimit Shkencor, Projekteve dhe Marrëdhënieve me Jashtë, Dr. Erida Elmazi si edhe z. TSUBOI Kohei, përgjegjës i sektorit të kulturës dhe shtypit në Ambasadën e Japonisë.

Ky takim shënon një hap të rëndësishëm drejt zgjerimit të bashkëpunimeve ndërkombëtare dhe fuqizimit të lidhjeve mes dy vendeve në fushën e arsimit dhe shkencës.

The post Takim i rëndësishëm me Ambasadoren e Japonisë në Tiranë appeared first on UNIVERSITETI I TIRANËS.

1. 1. Lifelong learning in data; 
   2. Integrate innovation ecosystems; 
   3. Foster green and digital transition; 
   4. Excellence in comprehending, analyzing, utilizing, managing and safeguarding data. 

Deklaratë e përbashkët e cila përcakton misionin dhe qëllimet afatgjata të Aleancës (Kliko këtu)

Universiteti Evropian UNINOVIS DATA FOR L.I.F.E, i cili do të ketë zyrën e tij fizike në Universitetin partner Sorbonne Paris Nord, Paris, Francë, do mundësojë bashkëpunimin midis universiteteve partnere si dhe me partnerët e asociuar (Universiteti i Shkencave të Palikuara në Hague, Hollandë, Universiteti Teknik i Austrisë, etj., institucione shtetërore qendrore, lokale, biznesin, etj) në secilin shtet përkatës për zhvillimin e programeve të reja, kërkimin shkencor, ofrimin e shërbimeve dhe rritjen e kapaciteteve në funksion të zhvillimit akademik, ekonomik, teknologjik, social dhe kulturor.   

Studentët dhe personeli akademik i Univeristetit të Tiranës do të kenë mundësinë të jenë pjesë e programeve të përbashkëta apo të dyfishta midis universiteteve të aleancës  si dhe do të mund të kryejnë një pjesë të studimeve të tyre në njërin nga universitetet partnere.  

Gjithashtu, diploma e përbashkët do ju mundësojë studentëve të zgjedhin universitetin në të cilin duan të zhvillojnë një pjesë të studimeve të tyre, praktikën dhe aktivitete të tjera mësimore – shkencore.  

Personeli i Universiteteve të aleancës do të angazhohen në zhvillimin e projekteve në fushat prioritare lokale, rajonale dhe ndërkombëtare.  

The post Nënshkrimi i deklaratës së përbashkët së Universitetit të Tiranës me 6 (gjashtë) universitete evropiane në kuadër të aleancës UNINoVIS appeared first on UNIVERSITETI I TIRANËS.

E nisëm nga një mësonjëtore, për të ringritur dhe shpëtuar së pari gjuhën tonë. Udhëtuam në rrugë aspak të lehta. Patëm heronjtë dhe dëshmorët e shkollës. Dhe ja ku jemi sot. Festojmë 65 vjetorin e universitetit të parë shqiptar. Ditëlindja e shkollës dhe universitetit të parë, është dita me e rëndësishme për një komb, pas asaj të pavarësisë. Shekuj më parë, Shqipëria ka shënuar hapje akademish, bibliotekash dhe shtypshkronjash. Por historia nuk ka qenë shumë në favorin tonë. Megjithatë, ky vit shënon ditëlindjen zyrtare të universitetit të parë në Shqipëri.

Ai është Universiteti i Tiranës, i cili hapi dyert pikërisht në vitin 1957.

Një mbrëmje gala e mrekullueshme, dedikuar këtij jubileu të rëndësishëm për të gjithë kombin shqiptar.

The post 65 vjet UT, universiteti i parë në Shqipëri! appeared first on UNIVERSITETI I TIRANËS.

• Asistencë teknike dhe konsultime për strategjinë e zhvillimit afatmesëm dhe afatgjatë, staf akademik të përfshirë në modulet mësimore për Masterin Ekzekutiv mbi Negociatat,
• Organizimin e përbashkët të aktiviteteve trajnuese mbi temat specifike të negociatave për anëtarësim,
• Shkollë të përbashkët verore rajonale për çështjet e BE-së,
• Organizimin e sesioneve informuese mbi Kolegjin dhe ofertën e tij akademike në Tiranë,
• Përfshirjen e të diplomuarve shqiptarë të Kolegjit në aktivitetet e ISE, duke përfshirë mësimdhënien, shqyrtimin periodik të mundësive për aplikime të përbashkëta për projekte për fondet e BE-së.

The post Marrëveshje Bashkëpunimi midis Universitetit të Tiranës dhe Kolegjit të Evropës në Bruges, Belgjikë appeared first on UNIVERSITETI I TIRANËS.

Universiteti i Tiranës dhe Universiteti Polis, me prezencën e rektorëve Prof. Dr. Artan Hoxha dhe Prof. Dr. Besnik Aliaj, kanë nënshkruar një marrëveshje bashkëpunimi, e cila përfshin shkëmbimet akademike, kërkimin shkencor, inovacionin dhe projektet e përbashkëta kombëtare dhe ndërkombëtare.

Aktualisht të dy institucionet kanë bashkëpunuar në  kuadër të reformës në arsimin e lartë dhe kërkimin shkencor, në kuadër të Konferencës së Rektorëve, si dhe ne kuadër të dy projekteve evropiane Erasmus+.

Të dy institucionet do të zhvillojnë bashkëpunime të cilat konsistojnë në:

– hartimin dhe aplikimin në projekte kombëtare, mbarëkombëtare dhe ndërkombëtare, kryesisht të financuara nga BE, si: Erasmus +, Horizon Europe etj.

– organizimin e aktiviteteve të përbashkëta, – debate, konferenca, simpoziume, workshop-e, shkolla verore dhe dimërore, në fusha të ndryshme të shkencës, si: juridike, ekonomike, teknologjike dhe sociale, etj;

– lehtësimin e procedurave të transferimit të studentëve ndërmjet universiteteve etj.

Pjesë e takimit ishin edhe Zv.Rektori i UT-së Prof. Asoc.Dr. Bernard Dosti. Drejtore e Drejtorisë së Kërkimit Shkencor, Projekteve dhe Marrëdhënieve me Jashtë në UT, Dr. Erida Elmazi dhe nga Universiteti Polis, Dr. Ledian Bregasi, Dekan i Fakultetit të Arkitekturës dhe Dizajnit, Dr. Flora Krasniqi, Drejtore Zyra e Projekteve dhe Marrëdhënieve me Jashtë.

The post UT dhe “Polis” marrëveshje bashkëpunimi në fushën akademike dhe shkencore appeared first on UNIVERSITETI I TIRANËS.

Ndërkohë që marrëveshja e nënshkruar së fundmi, në nivel rekotarësh dhe fakultetesh të veçanta, do të hapë të tjera mundësi bashkëpunimi, edhe në fushën e kërkimit të përbashkët shkencor si dhe të shkëmbimit të përvojave mes stafeve akademike.

The post Mes studentëve shqiptarë në Universitetin e Poitiers në Francë appeared first on UNIVERSITETI I TIRANËS.

Gjatë këtyre viteve bashkëpunimi midis dy universiteteve, 122 studentë shqiptarë kanë ndjekur studimet e tyre pranë Universitetit të Poitiers dhe 21 studentë të tjerë në fushat e Ekonomisë dhe Drejtësisë nga Universiteti i Tiranës priten të nisen në Universitetin e Poitiers në vitin e ardhshëm akademik. Përsa i përket mobiliteteve hyrëse, 18 studentë francezë kanë ardhur në Shqipëri, ku 8 prej të cilëve ndodhen aktualisht në Universitetin e Tiranës. Gjithashtu falë këtij bashkëpunimi afatgjatë, kanë patur mundësi të kryejnë vizita reciproke 32 profesorë shqiptarë dhe 26 profesorë francezë, të cilët kanë kontribuuar me zhvillimin e projekteve të reja në Universitetin e Tiranës.

Në fjalën e tij Rektori, Prof. Dr. Artan Hoxha, vlerësoi përkushtimin e zj. Lande në themelimin dhe zhvillimin e qëndrueshëm të marrëdhënieve midis dy universiteteve. Si Rektor i Universitetit, ai theksoi angazhimin dhe mbështetjen për çdo projekt dhe mundësi bashkëpunimi në të ardhmen.

Dekani i Fakultetit të Ekonomisë Prof. Dr. Dhori Kule, në recensën e tij, theksoi rolin jashtëzakonisht të rëndësishëm në lidhjen dhe konsolidimin e marrëdhënieve të bashkëpunimit midis Universitetit të Poitiers dhe Universitetit të Tiranës për ndërtimin e një partneriteti funksional, startegjik, afatgjatë dhe të nivelit më të lartë.

Prof. Dr. Sherif Bundo në recensën e tij, krahas vlerësimit dhe falenderimit për kontributin e zj. Lande, shprehu angazhimin për vijimin e këtij bashkëpunimi frytdhënës dhe sesi ky bashkëpunim mund të shërbejë si model suksesi edhe me partnerë e tjerë ndërkombëtarë në të ardhmen.

Zj. Lande u shpreh se ndihej e nderuar për këtë titull të lartë nga Universiteti i Tiranës dhe theksoi gadishmërinë për të vijuar këtë bashkëpunim dhe për ta zgjeruar edhe më tej në të ardhmen. Si Ambasadore e Universitetit të Tiranës në Universitetin e Poitiers, Profesoreshë Lande shprehu impenjimin dhe gadishmërinë e saj për të intensifikuar edhe më tej bashkëpunimet në të ardhmen në të gjitha fushat me interes të përbashkët.

The post Sot më datë 03.06.2021, Senati Akademik i Universitetit të Tiranës nderoi me titullin “Doctor Honoris Causa” Prof. Evelyne Lande appeared first on UNIVERSITETI I TIRANËS.

Gjatë takimit u  trajtuan çështje që kanë të bëjnë me zhvillimin e Universitetit dhe rolin e tij për integrimin e vendit tonë në Bashkimin Europian. 

Rektori i Univeristetit të Tiranës vlerësoi interesin dhe mbështetjen e Ambasadës Franceze për bashkëpunimet me universitete franceze dhe projektet kërkimore e kulturore, të cilat janë duke u zhvilluar aktualisht. 

Të dyja palët shprehën gadishmërinë për të intensifikuar pjesëmarrjen në projekte të përbashkëta në fushën e arsimit, kërkimit shkencor dhe promovimit të vlerave të qytetarisë Europiane. 

The post Rektori i Universitetit të Tiranës, Prof. Dr. Artan Hoxha, më datë 27.01.2021 zhvilloi një takim me Ambasadoren e Francës në Shqipëri, Sh. S. Zj. Elisabeth Barsacq. appeared first on UNIVERSITETI I TIRANËS.

The post Konferenca “Kadare në Letrat Botërore” appeared first on UNIVERSITETI I TIRANËS.

Ky Memorandum ka si qëllim nxitjen dhe rritjen e bashkëpunimit në fushën e arsimit të lartë dhe ndërkombëtarizimit.  

UT dhe UET shprehin gadishmërinë për të bashkëpunuar për përmirësimin e proceseve kërkimore dhe mësimore si dhe nismave me interes të përbashkët.  

The post Memorandum Mirëkuptimi ndërmjet Universitetit të Tiranës dhe Universitetit Europian të Tiranës appeared first on UNIVERSITETI I TIRANËS.