Rreth 1300 studentë të diplomuar në Fakultetin e Drejtësisë të Universitetit të Tiranës, në vitet akademike 2023-2024 dhe 2024-2025, u bashkuan në një ceremoni madhështore diplomimi në Pallatin e Koncerteve. Dekania e Fakultetit, Prof. Dr. Dorina Hoxha, e cilësoi këtë një ditë krenarie.

“Ditën e diplomimit të studentëve tanë, është kënaqësi e veçantë të jem këtu për të ndarë një moment të jashtëzakonshëm. Nuk është vetëm një festë, por një ditë krenarie për të gjithë ne që kemi qenë pjesë e rrugëtimit të tyre akademik. Ne, si akademikë, kemi privilegjin të shohim frytin e punës sonë në suksesin e tyre. Studentë të dashur, jeni forca e re që do të mbani mbi supe ndryshimet e kohës”, – tha ajo.

Mesazhi i Rektorit të Universitetit të Tiranës dhe njëkohësisht pedagog në këtë fakultet, Prof. Dr. Artan Hoxha, ishte falënderues dhe frymëzues për të sapodiplomuarit.

“Të japësh drejtësi, të ndash të mirën nga e keqja, nuk është thjesht një punë, por është një mision. Dhe ky mision, aq sa duket i bukur, aq është edhe i vështirë, sepse kërkon jo vetëm përgatitje profesionale, por edhe ndershmëri në raport me ligjin, shtetin dhe qytetarin”, – deklaroi ai.

Rektori Hoxha tha se studentët po hyjnë në udhën e jetës në një moment kur Shqipëria është futur në procesin final të integrimit, dhe kjo do të krijojë hapësira të mëdha punësimi për të rinjtë në shumë fusha, e padyshim edhe në atë të drejtësisë.

Ministri i Drejtësisë, Besfort Lamallari, dikur student i Fakultetit të Drejtësisë në Universitetin e Tiranës, ndau me juristët e sapodiplomuar kujtime nga jeta e tij studentore dhe i nxiti të këmbëngulin për arritjen e objektivave në karrierë.

“Është një emocion i veçantë, sidomos kur flas pas dekanes, e cila ka pasur një rol të rëndësishëm në rrugëtimin tim, pasi ka qenë udhëheqëse e tezës sime të diplomës. Është shumë e rëndësishme të mos bëjmë gabimin që shpesh bëjnë studentët kur diplomohen: duket sikur aty merr fund rruga drejt dijes. Të mësoni nga çdo përvojë, çdo ndërveprim, çdo takim dhe vendim që do të merrni. Nga përvoja ime dua t’ju them se do të jeni të sigurt vetëm përmes përvojës që fitoni”, – tha Lamallari.

Kjo ceremoni ishte edhe një prezantim i parë i drejtpërdrejtë i trupës së profesoratit të këtij fakulteti me ministren e re të Arsimit, Mirela Kumbaro.

“Keni kaluar në faza që kanë vënë në sprovë durimin dhe përkushtimin tuaj. Shkolla dhe universiteti nuk janë thjesht institucione, por busulla orientuese për të gjithë shoqërinë. Si juristë të rinj, ju jeni mbajtës të kësaj busulle”, – tha Kumbaro.

The post Ceremoni madhështore për diplomimin e juristëve të rinj! appeared first on UNIVERSITETI I TIRANËS.

Në këtë ceremoni ishte i pranishëm rektori i Universitetit të Tiranës, Prof. Dr. Artan Hoxha, i cili tha se Shkencat e Natyrës janë kolona vertebrale e arsimit parauniversitar dhe nga këtu dalin mësuesit për shkollat e mesme të këtyre lëndëve. Por ky fakultet nuk përgatit vetëm mësues për Fizikën, Matematikën, Kiminë dhe Biologjinë, por përgatit profesionistë në shumë profile të tjera të Teknologjisë dhe Informacionit, Informatikës, Kimisë Ushqimore dhe Farmaceutike, Shkencave të Mjedisit etj. Diplomimi në këto profile është një mundësi e madhe punësimi për të rinjtë.

The post Diplomohen 2144 studentë në Fakultetin e Shkencave të Natyrës! appeared first on UNIVERSITETI I TIRANËS.

Diplomimi është mbyllja e një kapitulli mjaft të rëndësishëm e studentëve në aspektin e formimit të tyre akademik dhe fillimi i një rruge tjetër, drejt realizimit të ëndrrave dhe qëllimeve.

Në Fakultetin e Shkencave Sociale këtë vit janë diplomuar 799 studentë në të dy ciklet e studimit, Bachelor, Marter i Shkencave dhe Master Profesional.

I pranishëm në ceremoninë e diplomimit, rektori i Universitetit të Tiranës, Prof. Dr. Artan Hoxha, tha se profesionistët që dalin nga auditoret e këtij fakulteti kanë një rol të rëndëishëm në përparimin e shoqërisë shqiptare. Ata do të punojnë në shkolla dhe institucione, në kompani private apo studio këshillimi, për ti shërbyer shëndoshjes morale dhe psikologjike të individëve dhe shoqërisë në tërësi.

The post Diplomohen 799 studentë të Fakultetit të Shkencave Sociale! appeared first on UNIVERSITETI I TIRANËS.

Mbi 12 mijë studentë të 7 njësive përbërëse të Universitetit të Tiranës u diplomuan mbrëmë në një ceremoni të përbashkët në Stadiumin “Air Albania”. Studentët ishin diplomuar në vitet akademike 2020-2021 dhe 2021-2022. Më herët, për tre vjet me radhë, nuk ishin zhvilluar ceremoni diplomimi për shkak të kushteve kufizuese të detyruara nga pandemia e coronavirusit.

Rektori i Universitetit të Tiranës, Prof. Dr. Artan Hoxha, e cilësoi ceremoninë një festë të madhe për studentet e diplomuar, famijtet e tyre dhe vetë universitetin. Ai theksoi se UT është institucioni më i madh i arsimit të lartë, ndërsa studentët e tij një model të rinisë shqiptare, të cilët i ftoi të punojë për ti shërbyer vendit të tyre, për ta bërë më të mirë e më të bukur.

E ftuar speciale në këtë ceremoni, ish Përfaqësuesja e Lartë për Politikë të Jashtme të BE-së, Federika Mogerini, përshendeti ceremoninë duke thënë se kjo rini, është ajo që do të duhet të marrë stafetën e drejtimit të vendit dhe ta çojë atë drejt objektivit të përbashkët, integrimit në BE. Ndërsa Ministrja e Arsimit dhe Sporteve, Evis Kushi, u bëri thirrje të sapodiplomuarve që të përfitojnë nga programet e punësimit që ofrohen, si nga institucionet publike ashtu dhe kompanitë private.

Edhe vetë studentët që përshendetën në ceremoni, u bënë apel bashkëmoshatarëve të tyre që të vazhdojnë të studiojnë edhe pas diplomimit, për ti shërbyer formimit të tyre profesional e akademik. Ata u bënë thirrje, që para se të vendosin të lënë vendin e tyre, të mendojnë se kanë detyrimi ndaj tij, dhe duhet të qëndrojnë e punojnë për ta bërë atë më të mirë.

The post UT, 12 mijë studentë në një ceremoni diplomimi të përbashkët ! appeared first on UNIVERSITETI I TIRANËS.