The post 35 vjet nga 8 Dhjetori që ndryshoi historinë! appeared first on UNIVERSITETI I TIRANËS.

Të dashur studentë,

Fillimi i vitit të ri akademik në Universitetin e Tiranës shënon jo vetëm një kapitull të ri për mijëra të rinj që i bashkohen komunitetit tonë, por edhe vijimin e një rrugëtimi të përbashkët për dijen, shkencën dhe shoqërinë.

Është një emocion i veçantë, por edhe përgjegjësi, të mirëpresim studentët që këtë vit për herë të parë ulen në auditorët tanë. Ju përgëzoj për zgjedhjen tuaj të rëndësishme për të studiuar në universitetin më të madh publik të vendit, me traditën më të gjatë akademike dhe me standarde të larta cilësie.

Universiteti i Tiranës nuk është vetëm një vend studimi, por edhe një hapësirë që promovon inovacionin, mendimin kritik, frymën e bashkëpunimit, vlerat humane dhe zhvillimin personal, duke ju bërë pjesë të një komuniteti të gjallë e dinamik.

Universiteti i Tiranës, këtë vit, është më i hapur dhe më ndërkombëtar se kurrë. Me 165 programe studimi, që janë zgjedhja e mbi 60% të maturantëve në shkallë vendi; me 175 marrëveshje bashkëpunimi, 135 partnerë Erasmus+, 8 diploma të dyfishta me universitete të shquara ndërkombëtare; me 19 programe në gjuhë të huaj, 160 projekte kombëtare dhe ndërkombëtare dhe 13 rrjete akademike, dëshmon se është i përgatitur dhe kontribuon për sfidat që kalon shoqëria shqiptare, si edhe është i lidhur ngushtë me zhvillimet globale.

Të dashur studentë, kjo është koha për t’u përgatitur për zhvillimin tuaj shoqëror dhe profesional. Të jeni aktivë, kërkues dhe të angazhuar! Ne, pedagogët dhe personeli përkushtuar i Universitetit të Tiranës, do të jemi gjithmonë pranë jush për t’ju mbështetur në çdo hap të këtij rrugëtimi. Së bashku do të vijojmë ta çojmë përpara Universitetin e Tiranës, si një model ekselence dhe cilësie në arsimin e lartë.

Inkurajojmë maturantët që kanë aplikuar në programet e Universitetit të Tiranës, por që ende nuk janë regjistruar, ta bëjnë këtë sa më shpejt dhe të mos rrezikojnë mundësinë për të studiuar në universitetin tonë.

Suksese dhe një vit akademik të mbarë për të gjithë!

Rektor i Universitetit të Tiranës

Prof. Dr. Artan HOXHA

The post Mesazhi i Rektorit të UT-ës, Prof. Dr. Artan HOXHA për fillimin e Vitit të Ri Akademik 2025-2026 appeared first on UNIVERSITETI I TIRANËS.

Rritje e numrit të studentëve dhe programeve

Rektori Hoxha bëri të ditur se këtë vit priten mbi 11 mijë studentë në të tre ciklet e studimit. Nga rreth 20.200 maturantë në shkallë vendi, 60% kanë zgjedhur Universitetin e Tiranës, ndërsa në krahasim me vitin e kaluar janë 160 studentë më shumë që kanë preferuar këtë institucion.
“Ky është një tregues i qartë se studentët shqiptarë po e shohin gjithnjë e më shumë të ardhmen e tyre akademike te Universiteti i Tiranës. Programet tona janë të konsoliduara dhe të përditësuara me zhvillimet e kohës, duke garantuar arsim cilësor dhe mundësi të reja profesionale,” theksoi rektori.

Programet më të kërkuara dhe sfidat

Fushat që po shënojnë rritje këtë vit janë drejtësia, ekonomia, shkencat sociale, historia dhe filologjia. Gjithashtu, interes i lartë po vërehet në shkencat e natyrës dhe teknologjinë e informacionit, të cilat ofrojnë perspektivë të gjerë punësimi dhe kërkim të aplikuar.
Megjithatë, sfidë mbeten programet e mësuesisë, ku interesi është më i ulët, duke reflektuar një prirje të maturantëve për të zgjedhur fusha të tjera më të lidhura me tregun e punës.

Mbështetje financiare për studentët

Një nga pikat e forta të Universitetit të Tiranës janë bursat dhe lehtësitë financiare. Vetëm këtë vit akademik:
• 2668 studentë përfitojnë bursë mujore prej 10.000 lekësh,
• studentët e programeve me interes kombëtar përfitojnë bursë deri në 40.000 lekë,
• studentët e ekselencës janë të përjashtuar nga tarifat,
• studentët me notë mesatare 9 paguajnë vetëm gjysmën e tarifës së studimit.

Procesi i regjistrimit dhe ndërkombëtarizimi

Procesi i regjistrimit për këtë vit zhvillohet në dy raunde: i pari me 7 faza dhe i dyti me 5 faza, me fazën e parë që nis që nesër, më datë 29.08.2025.
Paralelisht, Universiteti i Tiranës po forcon hapjen e tij ndërkombëtare. Ai është pjesë e 12 rrjeteve evropiane të arsimit të lartë dhe së fundmi është bashkuar në një aleancë me 8 universitete prestigjioze të Europës, duke ofruar mbi 20 programe në gjuhë të huaj dhe diploma të dyfishta në bashkëpunim me pesë universitete partnere.

Trajnimi i mësuesve dhe sfida e ligjit për arsimin e lartë

Në përgjigje të pyetjeve të gazetarëve mbi procesin e trajnimit të mësuesve, rektori theksoi se UT ka marrë përsipër në mënyrë të konsoliduar përgatitjen dhe formimin e vazhdueshëm të mësuesve të arsimit parauniversitar, duke krijuar një lidhje më të ngushtë mes shkollës dhe universitetit.
Në lidhje me debatin për ndryshimin e ligjit për arsimin e lartë, Rektori Hoxha u shpreh se nuk është koha për një ligj të ri, por për një rishikim të tij pas një analize të plotë:
“Ligjet nuk duhen shfuqizuar, por përmirësuar. Ligji për arsimin e lartë ka treguar se i ka rezistuar kohës dhe i është përgjigjur qëllimit për të cilin është miratuar, por pas 10 vitesh zbatim ka ardhur koha për amendime që t’i përgjigjen realitetit të ri të arsimit dhe zhvillimeve që ka përjetuar Shqipëria.”

The post Viti i ri akademik, Universiteti i Tiranës mbetet zgjedhja kryesore e maturantëve appeared first on UNIVERSITETI I TIRANËS.

The post Kuvendi i Gjuhës, Rektori Hoxha: Ta ruajmë dhe pasurojmë gjuhën tonë! appeared first on UNIVERSITETI I TIRANËS.

Shumë të dashur studentë!

Jam njësoj i emocionuar në çdo fillim viti akademik. Pavarësisht që vitet kalojnë dhe eksperienca duhet të bëjë të vetën, mesa duket bashkë me vitet rritet dhe përgjegjësia, sfidat e dëshira për të bërë më të mirën.

Nisja e vitit akademik është një ngjarje tepër e rëndësishme për të gjithë ne. Me lejoni t’i uroj punë të mbarë të palodhurve, personelit akademik e stafit të UT.

Shumë suksese të gjithë studentëve në çdo program studimi të secilit fakultet e njësi të UT, e në veçanti, do doja përzëmërsisht t’i uroja mirëseardhjen atyre që për herë të parë ulen në auditorët e universitetit, suksese ë rrugë të mbarë akademike!

E në fakt, ky vit i ri akademik, përkon edhe me rinovimin e të gjithë strukturave drejtuese në nivel universiteti dhe fakultetesh. Zgjedhjet e qershorit përmbyllën një fazë dhe hapën një kapitull të ri për ambiciet tona për të modernizuar, përsosur dhe ndërkombëtarizuar universitetin tonë. Ne vijmë në këtë vit akademik, jo thjeshtë me premtime, por me energji të reja dhe vendosmërinë për t’i realizuar ato.

Bashkë jemi dëshmitar të një procesi të vazhdueshëm transformimi të mësimdhënies, duke nisur nga infrastruktura, metodologjite, por edhe kapacitetet.

Pa dashur t’ju lodh, më lejoni shkurtimisht të them dy-tre gjëra konkrete:

Universiteti jonë është akredituar në nivel institucioni në vitin 2023, për një periudhë 6 vjeçare. Ne kemi nënshkruar 177 marrëveshje në kuadër të programit Erasmus. Kemi 172 partnerë ndërkombëtarë, në 40 vende të ndryshme.

Jemi në një rrugë të pandalshme ndërkombëtarizimi, për t’i dhënë më shumë vlerë studimeve dhe diplomës tuaj tashmë për një treg global. Ne po rrisim numrin e programeve të studimit në gjuhën angleze në ciklin Bachelor dhe Master të miratuara nga MAS. Gjithashtu, ofrojmë edhe 4 programe të përbashkëta me universitete të tjera evropiane me diplomë të dyfishtë. Aleancat Universitare do rrisin mundesitë për mobilitete dhe studime për diploma dyfishe ose shumëfishe me universitete të njohura evropiane.

Për të dytin vit radhazi, do të mbahet konferenca shkencore studentore ndërkombëtare, një mundësi e madhe për të rinjtë që duan të dëshmojnë atësitë e tyre në kërkimin shkencor. 

Ne kemi nënshkruar dhjetra marrëveshje me institucione dhe kompani të mëdha vendase dhe të huaja, me qëllim zhvillimin e praktikave mësimore, Intershipeve, por edhe vendosjen e lidhjeve për të identifikuar hapësirat e punësimit apo pershtatur programet e studimit me kerkesat e tregut.

Por, Universitetin e Tiranës nuk e identifikon vetëm diploma. Ai është edhe një qendër e madhe rinore, me një jetë aktive sociale e hapësirë zhvillimi talentesh në fusha të ndryshme. Ku ju të dashur studentë, keni mundësinë të përfshiheni në nisma të ndryshme me karakter social e kulturor. Të apasionuarit pas sporteve të shumta kanë këtu hapësirën për t’u ushtruar, për të kultivuar talentin dhe për të demonstruar aftësitë e tyre në gara kombëtare dhe ndërkombëtare.

Dhe kjo është mendësia e përfshirjes sociale, mendësia e një komuniteti të rinjsh, me frymë të përbashkët konstruktive, që kultivon e ushtron vlera e talente, si qytetar aktiv e të përgjegjshëm të shoqërisë, të motivuar kështu mjaftueshëm për të qenë edhe profesionistë të shkëlqyer.

Me lejoni edhe njëherë t’ju uroj të gjithëve, studentë dhe personel akademik, suksese në këtë vit akademik! 

Rektor i Universitetit të Tiranës

Prof. Dr. Artan HOXHA

The post Mesazhi i Rektorit të UT-ës, Prof. Dr. Artan HOXHA për fillimin e Vitit të Ri Akademik 2024-2025 appeared first on UNIVERSITETI I TIRANËS.

Në këtë ditë, që simbolizon përpjekjet e grave në mbarë botën për liritë dhe të drejtat e tyre, dua t’ju uroj gëzuar festën e 8 Marsit! Shpreh falenderimet dhe mirënjohjen për rolin dhe kontributin tuaj në zhvillimin e Universitetit të Tiranës.

UT ka krijuar një mjedis motivues, ku gjithësecili, pavarësisht përkatësisë gjinore, gjen mbështetje për të shprehur lirshëm mendimin dhe zhvilluar aftësitë personale në dobi të një shoqerie të emancipuar dhe gjithëpërfshirëse.

Universiteti i Tiranës do të mbështetet gjithmonë nga kontributi dhe ekselenca e stafit të tij.

Gëzuar 8 Marsin të nderuara kolege!

Me respekt,

Prof. Dr. Artan Hoxha

The post Urim për 8 Mars, dita ndërkombëtare e gruas! appeared first on UNIVERSITETI I TIRANËS.

Sot është dita kur ne, jo vetëm të përcjellim urime, por edhe të kujtojmë me mirënjohje të gjithë ata që përcjellin dhe i përkushtohen dijes. 

Mësimdhënia nuk është thjesht një profesion, por një mision! Misioni për të ndërtuar një të ardhme të sigurt, për të formuar e rritur breza të aftë për veten, familjen dhe Shqipërinë!

Ndaj në këtë ditë, unë ju uroj të nderuar kolegë Gëzuar , si dhe ju ftoj që t’i kujtojmë me respekt mësuesit tanë dhe të gjithë mësuesit e vendit tonë.

Shoqëria jonë është përballë sfidave për të ecur me hapin e zhvillimit të shkencës dhe dijes, sfidë që prek edhe universitetin, i cili edukon mësuesit e të tashmes dhe të së ardhmes.

Unë gjej rastin ti inkurajoj të rinjtë që të zgjedhin profesionin e mësuesit, për t’iu bashkuar atyre që hedhin gurin e parë në themelin e zhvillimit të shoqërisë dhe kombit.

Çdo epokë ka heronjtë e vet, por mësuesit janë heronjtë e çdo epoke.

Gëzuar të gjithëve 7 Marsin!

Profesor Artan Hoxha.

The post Gëzuar të gjithëve 7 Marsin! appeared first on UNIVERSITETI I TIRANËS.

Jam i lumtur t’ju uroj sot në emër të Rektoratit të Universitetit të Tiranës dhe Konferencës së Rektorëve të Shqipërisë, ditën tuaj, 8 Marsin. 

Edhe pse kjo është tashmë një dite feste, mendoj se ajo do të duhet të vazhdojë të konsiderohet edhe si një ditë reflektimi për të gjithë shoqërinë dhe institucionet shtetërore. Një ditë reflektimi për kuptuar se liria dhe demokracia nuk kanë asnjë vlerë nëse para saj nuk janë të barabartë si burrat ashtu edhe gratë. Një ditë reflektimi për institucionet ligjzbatuese, për të garantuar mbrojtjen e gruas nga të gjitha format e dhunës. 

Ky 8 Mars ka të freskëta disa ngjarje të rënda në dëm të jetës dhe shëndetit të gruas, që tronditën shoqërinë shqiptare, por që nuk janë ngjarje e fenomene vetëm të shoqërisë sonë. 

Ndaj, përmes këtij mesazhi, dua t’ju uroj gëzuar ditën e 8 Marsit, por edhe t’ju shpreh mbështetjen e Rektoratit të Univeristetit të Tiranës në çdo përpjekje tuajën, për të siguruar një mjedis social e shoqëror, ku burri dhe gruaja të mos vlerësohen nga gjinia, por  nga aftësitë profesionale dhe kontributi që japin në shoqëri. 

Edhe një herë, Gëzuar 8 Marsin! 

Rektor

Prof. Dr. Artan Hoxha

The post Dita ndërkombëtare e Gruas! appeared first on UNIVERSITETI I TIRANËS.

Prof. Dr. Artan Hoxha

The post Urime të përzemërta për Ditën e Mësuesit! appeared first on UNIVERSITETI I TIRANËS.

Të nderuar kolegë, studentë dhe miq!

Kam nderin dhe kënaqësinë t’Ju njoftoj të gjithëve, se sot ASCAL ka përcjellë zyrtarisht vendimin e Bordit të Akreditimit nr. 4 datë 27.01.2023, që akrediton Universitetin e Tiranës me akreditim maksimal 6 (gjashtë) vite.

Akreditimi i UT-së ishte një proces gjithëpërfshirës, i cili tregoi vlerat dhe përkushtimin e gjithësecilit prej jush.

Ky moment vjen natyrshëm si çertifikimi i punës së palodhur e të përkushtuar të personelit akademik, ndihmësakademik, administrativ, studentëve, bashkëpunëtorëve të Universitetit të Tiranës dhe të gjithë atyre ish studentëve tanë që me arritjet e tyre janë mbështetje solide e një alumni që do të bënte krenarë çdo IAL.

Universiteti i Tiranës ofron mendim shkencor bashkëkohor, zgjidhje funksionale e inovative, frymë bashkëpunimi duke u bërë faktor i rëndësishëm në zhvillimin e shoqërisë shqiptare.

Me këtë rast dua t’Ju falenderoj të gjithëve për kontributin e shkëlqyer që keni dhënë për Universitetin e Tiranës e në veçanti, të gjithë ata që u përfshinë në grupet e vlerësimit të brendshëm dhe drejtuesit e çdo njësie, që me punën e tyre voluminoze e cilësore evidentuan dhe pasqyruan arritjet, vlerat dhe potencialin që Universiteti i Tiranës ka si një universitet lider dhe qendër e rëndësishme ekselence me rëndësi kombëtare dhe rajonale.

Universiteti i Tiranës është përfshirë në një proces zhvillimi, modernizimi të programeve të studimit, ofrimit të diploma dyfishe, në gjuhë të huaj me disa nga universitetet më të rëndësishme në Evropë, kërkimit shkencor dhe inovacionit me qëllim përballimin e sfidave që Arsimi i Lartë dhe shoqëria shqiptare ka në procesin e integrimit të saj në Bashkimin Evropian.

Kontributi i gjithësecilit prej jush bën të mundur kapërcimin e këtyre sfidave e me këtë rast Ju uroj suksese dhe Ju falenderoj për kontributin Tuaj.

Me respekt dhe mirënjohje

                                                                                                   Rektori

                                                                                    Prof. Dr. Artan HOXHA

The post Bordi i Akreditimit me vendim nr. 4 datë 27.01.2023, akrediton Universitetin e Tiranës me akreditim maksimal prej 6 (gjashtë) vite appeared first on UNIVERSITETI I TIRANËS.