Bashkëpunimi do të përqëndrohet kryesisht në:
-Organizimin e praktikave profesionale për studentët e UT.
-Përfshirjen e studentëve dhe pedagogëve në projekte të lidhura me IT, sigurinë kibernetike, analiza profesionale etj.
-Realizimin e aktiviteteve të përbashkëta shkencore.
-Studime dhe projekte pilot në fushën e identitetit elektronik, inteligjencës artificiale, etj.

Të dy institucionet ranë dakord për angazhimet reciproke. Konkretisht, IdentiTek, merr përsipër dhënien e informacionit dhe lehtësimin e procedurave për kryerjen e praktikave, ndërsa UT do të identifikojë studentët dhe stafin akademik që do të përfshihen në praktika e projekte.
Marrëveshja u nënshkrua nga Rektori i UT, Prof. Dr. Artan Hoxha dhe Znj. Silda Anagnosti Çepe, Administrator i kompanisë IdentiTek.

Kjo është në vijimin e marrëveshjeve që UT nënshkruan me institucione si dhe kompani publike e private, për të lehtësuar marrëdhëniet mes universitetit dhe aktorëve të tregut të punës, për aftësimin e studentëve, punësimin e tyre dhe angazhimin në projekte të përbashkëta kërkimore.

The post UT, marrëveshje bashkëpunimi me IdentiTek! appeared first on UNIVERSITETI I TIRANËS.

Universiteti i Tiranës i bashkohet deklaratës së përbashkët për rëndësinë e Aleancave të Universiteteve Evropiane

Përmes kësaj deklarate, institucionet nënshkruese i bëjnë thirrje Këshillit të Bashkimit Evropian dhe Parlamentit Evropian që të njohin në mënyrë të qartë rolin e Aleancave të Universiteteve Evropiane në Kornizën Financiare Shumëvjeçare 2028–2034 dhe në Fondin Evropian për Konkurrueshmërinë.

Nënshkrimi i kësaj deklarate nga Universiteti i Tiranës dëshmon angazhimin e tij për forcimin e bashkëpunimit në kuadër të hapësirës evropiane të arsimit të lartë dhe për promovimin e rolit të universiteteve në zhvillimin e arsimit, kërkimit shkencor, inovacionit dhe aftësive.

Lexo më shumë këtu →

The post Universiteti i Tiranës i bashkohet deklaratës së përbashkët për rëndësinë e Aleancave të Universiteteve Evropiane appeared first on UNIVERSITETI I TIRANËS.

• Prof. Tiziana Laureti, Rektore e Universitetit të Tuscia-s;

• Prof. Alessandro Boccolini, Delegat i Rektorit për Programin Erasmus+;

• Prof. Cristian Silvestri, Delegat i Rektorit për Marrëdhëniet Ndërkombëtare;

• Z. Carlo Contardo, Drejtor i Zyrës së Mobilitetit dhe Bashkëpunimit Ndërkombëtar.

Në takim u diskutua mbi forcimin e mëtejshëm të bashkëpunimit akademik dhe institucional ndërmjet dy universiteteve, me fokus të veçantë në programet ekzistuese të diplomave të dyfishta (Double Degree), si dhe në mundësitë për zhvillimin e iniciativave të reja të përbashkëta.

Në qendër të diskutimit ishte programi i përbashkët Bachelor në “Shkenca Natyrore Mjedisore” pranë Fakultetit të Shkencave të Natyrës të UT-së, i cili përfaqëson një nga gurthemelet e bashkëpunimit ndërmjet dy institucioneve dhe u ofron studentëve mundësinë e përfitimit të një diplome të dyfishtë të njohur në Shqipëri, Itali dhe në hapësirën evropiane.

Gjithashtu, u diskutua mbi fillimin e zbatimit të marrëveshjes së nënshkruar për Diplomën e Dyfishtë Bachelor në “Lettere Moderne / Gjuhë dhe Kulturë Italiane” ndërmjet Departamentit të Gjuhës Italiane të Fakultetit të Gjuhëve të Huaja të UT-së dhe Universitetit të Tuscia-s, me fokus të veçantë në organizimin e mobilitetit dhe dërgimin e studentëve në kuadër të këtij programi të përbashkët studimi.

Palët diskutuan gjithashtu për zgjerimin e bashkëpunimit në fusha të reja me interes të përbashkët, ndër të tjera në biologjinë detare, drejtësi dhe iniciativa të tjera akademike e kërkimore, përfshirë edhe mundësinë e zhvillimit të projektit “Unitus Hub”.

Universiteti i Tiranës dhe Universiteti i Tuscia-s shprehën angazhimin e tyre për të intensifikuar bashkëpunimin në arsimin e lartë, kërkimin shkencor dhe ndërkombëtarizimin e mëtejshëm të institucioneve.

Në takim, Rektori Prof. Dr. Artan Hoxha u shoqërua nga Dr. Erida Elmazi, Drejtore e Drejtorisë së Kërkimit Shkencor, Projekteve dhe Marrëdhënieve Ndërkombëtare në Universitetin e Tiranës.

The post Forcimi i bashkëpunimit mes Universitetit të Tiranës dhe Universitetit të Tuscia-s! appeared first on UNIVERSITETI I TIRANËS.

Në Dibër të Madhe u zhvillua retreat-i diplomatik i radhës, i organizuar nga Ambasada e Shqipërisë në Shkup, nën kujdesin e ambasadorit SH.T.Z. Denion Meidani.

Në këtë aktivitet morën pjesë përfaqësues të institucioneve publike, drejtues të universiteteve, personalitete të jetës publike dhe studentë nga Shqipëria dhe Maqedonia e Veriut, të përfaqësuara gjithashtu në nivel diplomatik nga ambasadorët e të dyja vendeve.

Në këtë aktivitet mori pjesë edhe Rektori i Universitetit të Tiranës, Prof. Dr. Artan Hoxha, së bashku me drejtues të institucioneve të arsimit të lartë nga Shqipëria dhe Maqedonia e Veriut.

Diskutimet u përqendruan në fushën e arsimit të lartë dhe kërkimit shkencor, forcimit të bashkëpunimit ndëruniversitar, kontributit të Universitetit të Tiranës, si universiteti shqiptar lider në rajon, në arsimimin e të rinjve shqiptarë si dhe rolin që duhet të kenë institucionet e arsimit të lartë në zhvillimin e rajonit.

Gjithashtu, një vëmendje e veçantë iu kushtua diskutimeve mbi zhvillimin e projekteve dhe programeve të përbashkëta ndërmjet universiteteve shqiptare dhe institucioneve të arsimit të lartë të vendeve të rajonit, si dhe shkëmbimin e përvojave dhe praktikave më të mira.

Retreat-i shërbeu si një mundësi për shkëmbimin e ideve dhe forcimin e urave të bashkëpunimit akademik, institucional dhe rajonal, në një atmosferë miqësore dhe bashkëbisedimi të hapur.

The post Universiteti i Tiranës në retreat-in diplomatik të organizuar në Dibër! appeared first on UNIVERSITETI I TIRANËS.

The post Bashkëpunim mes Universitetit të Tiranës dhe Universitetit “Nënë Tereza” në Shkup appeared first on UNIVERSITETI I TIRANËS.

Në një takim të zhvilluar në Rektorat, Rektori i Universitetit të Tiranës, Prof. Dr. Artan Hoxha, priti Zëvendës Drejtorin e Drejtorisë së Përgjithshme të Interpretimit të Komisionit Evropian, Z. Colin Scicluna, ku u diskutua një vizion ambicioz për të ardhmen e Fakultetit të Gjuhëve të Huaja.

Diskutimet u përqendruan në transformimin e Universitetit të Tiranës në një qendër rajonale për Ballkanin Perëndimor në fushën e përkthimit dhe interpretimit, përmes programeve të avancuara, shkollave verore dhe përfshirjes së drejtpërdrejtë të ekspertëve evropianë.

Një element kyç ishte ideja për ngritjen e një “Qendre Ekselence”, e cila do të kombinojë infrastrukturën moderne, kërkimin shkencor dhe trajnimin profesional sipas standardeve të Bashkimit Evropian.

Takimi vuri theksin gjithashtu në ndërlidhjen me tregun evropian të punës, përgatitjen e studentëve për proceset reale të rekrutimit dhe rritjen e pranisë së gjuhës shqipe në institucionet ndërkombëtare.

Ky bashkëpunim synon të ndërtojë një platformë të qëndrueshme zhvillimi 5–10 vjeçar, duke e pozicionuar Universitetin e Tiranës si një aktor të rëndësishëm në hartën akademike evropiane.

The post Universiteti i Tiranës drejt një roli rajonal në formimin e interpretëve! appeared first on UNIVERSITETI I TIRANËS.

Në këtë takim morën pjesë gjithashtu Ambasadori i Shqipërisë në Maqedoninë e Veriut, z. Denion Meidani, Prof. Dr. Dhimitër Bello nga Fakulteti i Historisë dhe Filologjisë, si dhe Prof. Asoc. Dr. Ervin Karamuço nga Fakulteti i Drejtësisë.

Gjatë bisedës u diskutua mbi rëndësinë e garantimit të të drejtave gjuhësore të studentëve shqiptarë, si një element themelor i barazisë dhe përfshirjes në sistemin arsimor. U theksua roli i protestës si një formë qytetare e ndërgjegjësimit dhe reagimit demokratik, si dhe nevoja për dialog institucional për adresimin e këtyre çështjeve.

Rektori vlerësoi angazhimin e studentëve dhe nënvizoi mbështetjen e Universitetit të Tiranës për çdo nismë që promovon të drejtat themelore dhe dinjitetin e studentëve shqiptarë, brenda dhe jashtë vendit.

Universiteti i Tiranës mbetet i përkushtuar në forcimin e bashkëpunimit dhe mbështetjes ndaj komuniteteve akademike shqiptare në rajon.

The post UT, mbështetje studentëve shqiptarë në Maqedoninë e Veriut! appeared first on UNIVERSITETI I TIRANËS.

Në ambientet e Fakultetit të Historisë dhe Filologjisë u zhvillua takimi me temë: “GJUHA SHQIPE SI POLITIKE SHTETËRORE: Standardizimi dhe Certifikimi në Diasporë”, ku morën pjesë pedagogë, studentë dhe përfaqësues të institucioneve të arsimit, ndër të cilët Prof. Dr. Artan Hoxha, Rektor i Universitetit të Tiranës, Ministre e Arsimit Znj. Mirela Kumbaro, Dekan i Fakultetit të Historisë dhe Filologjisë, Prof. Dr. Mark Marku dhe Znj. Mimoza Hysa, Drejtoreshë e Qendrës së Botimeve për Diasporën.

Rektori i Universitetit të Tiranës, Prof. Dr. Artan Hoxha, theksoi rëndësinë e mbështetjes institucionale për zhvillimin e programeve të diasporës dhe rolin kyç të Universitetit në forcimin e identitetit kulturor të shqiptarëve. Ministrja e Arsimit, Mirela Kumbaro, vuri në fokus bashkëpunimin ndërinstitucional dhe strategjitë për standardizimin e mësimit të gjuhës shqipe jashtë vendit. Prof. Dr. Mark Marku, Dekan i Fakultetit të Historisë dhe Filologjisë, prezantoi iniciativat akademike dhe projektet që përfshijnë pedagogët dhe studentët e gjuhës shqipe, ndërsa Znj. Mimoza Hysa, Drejtoreshë e Qendrës së Botimeve për Diasporën, theksoi rëndësinë e revistave letrare dhe arsimore, si Kursen Shqirka, që informon periodikisht mbi zhvillimet në shkollat shqiptare jashtë vendit.

Takimi shërbeu si një platformë për të diskutuar sfidat dhe mundësitë e certifikimit dhe standardizimit të gjuhës shqipe në diasporë, duke nënvizuar rëndësinë e bashkëpunimit akademik, inovacionit dhe forcimit të identitetit kulturor të të rinjve shqiptarë jashtë vendit.

The post Standardizimi dhe Certifikimi i Gjuhës Shqipe në Diasporë! appeared first on UNIVERSITETI I TIRANËS.

🔎Ai theksoi se projekti është i përfunduar në aspektin konceptual dhe se fazat e mëtejshme të realizimit do të ndërmerren në bashkëpunim të ngushtë me Universitetin e Tiranës dhe 🔎institucionet përkatëse.

👉Gjatë fjalës së tij, Kryeministri vuri në dukje rolin qendror të Universitetit të Tiranës si institucioni kryesor publik i arsimit të lartë në vend, duke nënvizuar rëndësinë e forcimit të kapaciteteve akademike, kërkimore dhe infrastrukturore të tij. Ai theksoi se krijimi i një kampusi modern universitar synon të përmirësojë ndjeshëm kushtet e studimit dhe punës për studentët dhe stafin akademik, si dhe të rrisë konkurrueshmërinë e Universitetit të Tiranës në hapësirën rajonale dhe evropiane të arsimit të lartë.

📌Kryeministri sqaroi gjithashtu se projekti për ndërtimin e Kolegjit të Europës nuk mbivendoset me projektin e Kampusit Universitar, por do të jetë i integruar funksionalisht me të. Infrastruktura akademike e këtij institucioni, përfshirë bibliotekat, sallat e konferencave dhe hapësirat e tjera studimore, do të jetë e ndërlidhur me kampusin universitar dhe do të vihet në shërbim të komunitetit akademik dhe studentor, duke nxitur bashkëpunimin akademik dhe shkëmbimin e praktikave më të mira evropiane.

✅Rektorati i Universitetit të Tiranës do të vijojë të informojë komunitetin akademik mbi zhvillimet e mëtejshme lidhur me këtë projekt strategjik, në funksion të forcimit të rolit të Universitetit të Tiranës si qendër kombëtare e dijes dhe inovacionit.

The post Kampusi i Universitetit të Tiranës në fokus të zhvillimit të politikave infrastrukturore appeared first on UNIVERSITETI I TIRANËS.

The post UNINOVIS Workshop në Tiranë: koordinim, komunikim dhe vizion afatgjatë 2026–2030 appeared first on UNIVERSITETI I TIRANËS.