The post Bashkëpunim mes Universitetit të Tiranës dhe Universitetit “Nënë Tereza” në Shkup appeared first on UNIVERSITETI I TIRANËS.

Në një takim të zhvilluar në Rektorat, Rektori i Universitetit të Tiranës, Prof. Dr. Artan Hoxha, priti Zëvendës Drejtorin e Drejtorisë së Përgjithshme të Interpretimit të Komisionit Evropian, Z. Colin Scicluna, ku u diskutua një vizion ambicioz për të ardhmen e Fakultetit të Gjuhëve të Huaja.

Diskutimet u përqendruan në transformimin e Universitetit të Tiranës në një qendër rajonale për Ballkanin Perëndimor në fushën e përkthimit dhe interpretimit, përmes programeve të avancuara, shkollave verore dhe përfshirjes së drejtpërdrejtë të ekspertëve evropianë.

Një element kyç ishte ideja për ngritjen e një “Qendre Ekselence”, e cila do të kombinojë infrastrukturën moderne, kërkimin shkencor dhe trajnimin profesional sipas standardeve të Bashkimit Evropian.

Takimi vuri theksin gjithashtu në ndërlidhjen me tregun evropian të punës, përgatitjen e studentëve për proceset reale të rekrutimit dhe rritjen e pranisë së gjuhës shqipe në institucionet ndërkombëtare.

Ky bashkëpunim synon të ndërtojë një platformë të qëndrueshme zhvillimi 5–10 vjeçar, duke e pozicionuar Universitetin e Tiranës si një aktor të rëndësishëm në hartën akademike evropiane.

The post Universiteti i Tiranës drejt një roli rajonal në formimin e interpretëve! appeared first on UNIVERSITETI I TIRANËS.

Në këtë takim morën pjesë gjithashtu Ambasadori i Shqipërisë në Maqedoninë e Veriut, z. Denion Meidani, Prof. Dr. Dhimitër Bello nga Fakulteti i Historisë dhe Filologjisë, si dhe Prof. Asoc. Dr. Ervin Karamuço nga Fakulteti i Drejtësisë.

Gjatë bisedës u diskutua mbi rëndësinë e garantimit të të drejtave gjuhësore të studentëve shqiptarë, si një element themelor i barazisë dhe përfshirjes në sistemin arsimor. U theksua roli i protestës si një formë qytetare e ndërgjegjësimit dhe reagimit demokratik, si dhe nevoja për dialog institucional për adresimin e këtyre çështjeve.

Rektori vlerësoi angazhimin e studentëve dhe nënvizoi mbështetjen e Universitetit të Tiranës për çdo nismë që promovon të drejtat themelore dhe dinjitetin e studentëve shqiptarë, brenda dhe jashtë vendit.

Universiteti i Tiranës mbetet i përkushtuar në forcimin e bashkëpunimit dhe mbështetjes ndaj komuniteteve akademike shqiptare në rajon.

The post UT, mbështetje studentëve shqiptarë në Maqedoninë e Veriut! appeared first on UNIVERSITETI I TIRANËS.

Në ambientet e Fakultetit të Historisë dhe Filologjisë u zhvillua takimi me temë: “GJUHA SHQIPE SI POLITIKE SHTETËRORE: Standardizimi dhe Certifikimi në Diasporë”, ku morën pjesë pedagogë, studentë dhe përfaqësues të institucioneve të arsimit, ndër të cilët Prof. Dr. Artan Hoxha, Rektor i Universitetit të Tiranës, Ministre e Arsimit Znj. Mirela Kumbaro, Dekan i Fakultetit të Historisë dhe Filologjisë, Prof. Dr. Mark Marku dhe Znj. Mimoza Hysa, Drejtoreshë e Qendrës së Botimeve për Diasporën.

Rektori i Universitetit të Tiranës, Prof. Dr. Artan Hoxha, theksoi rëndësinë e mbështetjes institucionale për zhvillimin e programeve të diasporës dhe rolin kyç të Universitetit në forcimin e identitetit kulturor të shqiptarëve. Ministrja e Arsimit, Mirela Kumbaro, vuri në fokus bashkëpunimin ndërinstitucional dhe strategjitë për standardizimin e mësimit të gjuhës shqipe jashtë vendit. Prof. Dr. Mark Marku, Dekan i Fakultetit të Historisë dhe Filologjisë, prezantoi iniciativat akademike dhe projektet që përfshijnë pedagogët dhe studentët e gjuhës shqipe, ndërsa Znj. Mimoza Hysa, Drejtoreshë e Qendrës së Botimeve për Diasporën, theksoi rëndësinë e revistave letrare dhe arsimore, si Kursen Shqirka, që informon periodikisht mbi zhvillimet në shkollat shqiptare jashtë vendit.

Takimi shërbeu si një platformë për të diskutuar sfidat dhe mundësitë e certifikimit dhe standardizimit të gjuhës shqipe në diasporë, duke nënvizuar rëndësinë e bashkëpunimit akademik, inovacionit dhe forcimit të identitetit kulturor të të rinjve shqiptarë jashtë vendit.

The post Standardizimi dhe Certifikimi i Gjuhës Shqipe në Diasporë! appeared first on UNIVERSITETI I TIRANËS.

🔎Ai theksoi se projekti është i përfunduar në aspektin konceptual dhe se fazat e mëtejshme të realizimit do të ndërmerren në bashkëpunim të ngushtë me Universitetin e Tiranës dhe 🔎institucionet përkatëse.

👉Gjatë fjalës së tij, Kryeministri vuri në dukje rolin qendror të Universitetit të Tiranës si institucioni kryesor publik i arsimit të lartë në vend, duke nënvizuar rëndësinë e forcimit të kapaciteteve akademike, kërkimore dhe infrastrukturore të tij. Ai theksoi se krijimi i një kampusi modern universitar synon të përmirësojë ndjeshëm kushtet e studimit dhe punës për studentët dhe stafin akademik, si dhe të rrisë konkurrueshmërinë e Universitetit të Tiranës në hapësirën rajonale dhe evropiane të arsimit të lartë.

📌Kryeministri sqaroi gjithashtu se projekti për ndërtimin e Kolegjit të Europës nuk mbivendoset me projektin e Kampusit Universitar, por do të jetë i integruar funksionalisht me të. Infrastruktura akademike e këtij institucioni, përfshirë bibliotekat, sallat e konferencave dhe hapësirat e tjera studimore, do të jetë e ndërlidhur me kampusin universitar dhe do të vihet në shërbim të komunitetit akademik dhe studentor, duke nxitur bashkëpunimin akademik dhe shkëmbimin e praktikave më të mira evropiane.

✅Rektorati i Universitetit të Tiranës do të vijojë të informojë komunitetin akademik mbi zhvillimet e mëtejshme lidhur me këtë projekt strategjik, në funksion të forcimit të rolit të Universitetit të Tiranës si qendër kombëtare e dijes dhe inovacionit.

The post Kampusi i Universitetit të Tiranës në fokus të zhvillimit të politikave infrastrukturore appeared first on UNIVERSITETI I TIRANËS.

The post UNINOVIS Workshop në Tiranë: koordinim, komunikim dhe vizion afatgjatë 2026–2030 appeared first on UNIVERSITETI I TIRANËS.

Gjatë takimit u diskutua për mundësitë e vendosjes së marrëdhënieve të bashkëpunimit me universitetet më të mira kanadeze, si dhe për shkëmbimin e përvojave dhe praktikave më të mira në fushën e arsimit dhe formimit të nëpunësve publikë, me theks të veçantë në drejtësi dhe administratë publike.

Përfaqësuesit e CSPS dhe Ambasadorja Golberg shprehën interes për të zhvilluar më tej dialogun me Universitetin e Tiranës, me synimin për të forcuar programet universitare që mbështesin zhvillimin e nëpunësve publikë të aftë dhe me njohuri bashkëkohore.

Në takim ishte e pranishme edhe Dr. Erida Elmazi, Drejtore e Drejtorisë së Kërkimit Shkencor, Projekteve dhe Marrëdhënieve me Jashtë në Universitetin e Tiranës.

Ky takim shënon një hap të rëndësishëm drejt zgjerimit të bashkëpunimit akademik ndërkombëtar dhe krijimit të urave të reja mes Universitetit të Tiranës dhe institucioneve kanadeze të arsimit të lartë.

The post Takim me Ambasadoren e Kanadasë, Znj. Elissa Golberg, dhe përfaqësues të Shkollës Kanadeze të Shërbimit Publik (CSPS) appeared first on UNIVERSITETI I TIRANËS.

Universiteti i Tiranës organizoi një ceremoni solemne ku i akordoi Akademik. Prof. Dr. Sabri Hamitit titullin e lartë “Doctor Honoris Causa”, në vlerësim të kontributit të tij të jashtëzakonshëm në fushën e letërsisë shqipe, studimeve albanologjike dhe kulturës kombëtare.

Në fjalën e hapjes, Rektori i Universitetit të Tiranës, Prof. Dr. Artan Hoxha, u shpreh se ky është “një nder i veçantë për Universitetin e Tiranës”, duke e cilësuar Profesor Hamitin si “një figurë të spikatur të kulturës shqiptare bashkëkohore, shkrimtar, poet, dramaturg dhe studiues që ka ndikuar në zhvillimin e mendimit letrar dhe afirmimin e identitetit kulturor shqiptar”.

Rektori Hoxha theksoi se Profesor Hamiti “është ura e gjallë që lidh traditën me modernitetin, Prishtinën me Tiranën dhe gjithë hapësirën shqiptare me botën e dijes universale”.
Në vijim, Rektori shtoi se ky vlerësim “është simbol i bashkimit akademik mes dy qendrave tona universitare, Tiranës dhe Prishtinës, të cilat ndajnë të njëjtat ideale për ndërtimin e një hapësire të përbashkët akademike shqiptare të hapur ndaj botës”.

Në fjalën e tij falënderuese, Akademik. Prof. Dr. Sabri Hamiti shprehu mirënjohjen e tij për këtë nderim, duke e cilësuar Universitetin e Tiranës si “kupolën e studimeve albanologjike dhe institucionin që trashëgon dijen akademike të krijuesve shqiptarë”.

Ai solli në vëmendje figurat themelore të kulturës shqiptare si Sami dhe Mit’hat Frashëri, Eqrem Çabej, Lasgush Poradeci dhe Ernest Koliqi, të cilët i quajti gurë themeli të traditës kulturore shqiptare dhe të dijes akademike.

Profesor Hamiti foli edhe për bashkëpunimin e gjatë mes Universitetit të Prishtinës dhe Universitetit të Tiranës, duke theksuar se “në dekadat e fundit është krijuar një brez i ri studiuesish e profesorësh në Tiranë, me shumë sukses në punën e tyre”.

The post Universiteti i Tiranës nderon Akademik. Prof. Dr. Sabri Hamitin me titullin “Doctor Honoris Causa” appeared first on UNIVERSITETI I TIRANËS.

Rektori i Universitetit të Tiranës, Prof. Dr. Artan Hoxha, priti në ambientet e UT delegacionin e Fondacionit të Shoqatës Botërore të Juristëve, në kuadër të përgatitjeve për organizimin e Kongresit të Juristëve, i cili do të zhvillohet në Tiranë në vitin 2027.

 Gjatë kësaj vizite pune u diskutuan çështjet organizative dhe parapërgatitore për Kongresin Botëror të Juristëve 2027.

 Në takim morën pjesë:

• Znj. Angela Montoya – Drejtuese Ekzekutive (CEO) e Fondacionit

•Z. Gabriel Fernandez Rojas – Shef Kabineti i Presidentit të Fondacionit

• Z. Jacopo Docampo – Koordinator i Përgjithshëm i Fondacionit

Gjithashtu në këtë takim ishte e pranishme Dr. Enkeleda Pano, Këshilltare në kabinetin e Ministrit të Drejtësisë, Z. Besfort Lamallari, si dhe Dr. Erida Elmazi, Drejtore e Drejtorisë së Kërkimit Shkencor, Projekteve dhe Marrëdhënieve me Jashtë në UT.

Kjo vizitë u zhvillua në vijim të pjesëmarrjes së Rektorit të Universitetit të Tiranës, Prof. Dr. Artan Hoxha, në Kongresin e Shoqatës Botërore të Juristëve, mbajtur më 4–7 maj 2025 në Santo Domingo, Republika Dominikane, ku u hodhën hapat e parë drejt organizimit të Kongresit të ardhshëm në Shqipëri.

Kongresi Botëror i Juristëve 2027 pritet të jetë një ngjarje madhore ndërkombëtare, që do të sjellë në Shqipëri personalitete të njohura të fushës së drejtësisë, akademisë dhe politikës.

The post Rektori i UT pret delegacionin e Fondacionit të Shoqatës Botërore të Juristëve appeared first on UNIVERSITETI I TIRANËS.

Rektori i Universitetit të Tiranës, Prof. Dr. Artan Hoxha, së bashku me një delegacion me përfaqësues nga fakulteti i Shkencave Sociale, zhvilloi një vizitë zyrtare pranë Institutit Universitar të Lisbonës (ISCTE), ku u prit nga Rektorja e ISCTE-së, Prof. Helena Carreiras.

Në kuadër të forcimit të bashkëpunimit ndërmjet dy institucioneve, u hodhën bazat për zgjerimin e fushave të bashkëpunimit akademik dhe shkencor, përfshirë:

•zhvillimin e programeve të përbashkëta të studimit;

•rritjen e mobilitetit të stafit akademik, studentëve dhe personelit administrativ;

•zhvillimin e projekteve të përbashkëta kërkimore.

Gjatë qëndrimit në ISCTE, u zhvillua dhe një takim me kolegë të Shkollës së Shkencave Sociale dhe Shkollës së Sociologjisë dhe Politikave Publike, ku u diskutuan mundësi konkrete bashkëpunimi në fusha të përbashkëta të interesit akademik.

Gjatë takimit mes Rektorëve u nënshkrua një marrëveshjeje bashkëpunimi me spektër më të gjerë se ai i deritanishëm, duke përfshirë gjithashtu disiplinat ekonomike dhe teknologjinë e komunikimit dhe informacionit.

Ky takim institucional përfaqëson një hap të rëndësishëm drejt thellimit të marrëdhënieve akademike ndërmjet Universitetit të Tiranës dhe ISCTE Lisbonë, në funksion të shkëmbimit të njohurive dhe përvojave në arsimin e lartë.

The post Thellohet bashkëpunimi akademik mes Universitetit të Tiranës dhe ISCTE Lisbonë appeared first on UNIVERSITETI I TIRANËS.