Rritje e numrit të studentëve dhe programeve

Rektori Hoxha bëri të ditur se këtë vit priten mbi 11 mijë studentë në të tre ciklet e studimit. Nga rreth 20.200 maturantë në shkallë vendi, 60% kanë zgjedhur Universitetin e Tiranës, ndërsa në krahasim me vitin e kaluar janë 160 studentë më shumë që kanë preferuar këtë institucion.
“Ky është një tregues i qartë se studentët shqiptarë po e shohin gjithnjë e më shumë të ardhmen e tyre akademike te Universiteti i Tiranës. Programet tona janë të konsoliduara dhe të përditësuara me zhvillimet e kohës, duke garantuar arsim cilësor dhe mundësi të reja profesionale,” theksoi rektori.

Programet më të kërkuara dhe sfidat

Fushat që po shënojnë rritje këtë vit janë drejtësia, ekonomia, shkencat sociale, historia dhe filologjia. Gjithashtu, interes i lartë po vërehet në shkencat e natyrës dhe teknologjinë e informacionit, të cilat ofrojnë perspektivë të gjerë punësimi dhe kërkim të aplikuar.
Megjithatë, sfidë mbeten programet e mësuesisë, ku interesi është më i ulët, duke reflektuar një prirje të maturantëve për të zgjedhur fusha të tjera më të lidhura me tregun e punës.

Mbështetje financiare për studentët

Një nga pikat e forta të Universitetit të Tiranës janë bursat dhe lehtësitë financiare. Vetëm këtë vit akademik:
• 2668 studentë përfitojnë bursë mujore prej 10.000 lekësh,
• studentët e programeve me interes kombëtar përfitojnë bursë deri në 40.000 lekë,
• studentët e ekselencës janë të përjashtuar nga tarifat,
• studentët me notë mesatare 9 paguajnë vetëm gjysmën e tarifës së studimit.

Procesi i regjistrimit dhe ndërkombëtarizimi

Procesi i regjistrimit për këtë vit zhvillohet në dy raunde: i pari me 7 faza dhe i dyti me 5 faza, me fazën e parë që nis që nesër, më datë 29.08.2025.
Paralelisht, Universiteti i Tiranës po forcon hapjen e tij ndërkombëtare. Ai është pjesë e 12 rrjeteve evropiane të arsimit të lartë dhe së fundmi është bashkuar në një aleancë me 8 universitete prestigjioze të Europës, duke ofruar mbi 20 programe në gjuhë të huaj dhe diploma të dyfishta në bashkëpunim me pesë universitete partnere.

Trajnimi i mësuesve dhe sfida e ligjit për arsimin e lartë

Në përgjigje të pyetjeve të gazetarëve mbi procesin e trajnimit të mësuesve, rektori theksoi se UT ka marrë përsipër në mënyrë të konsoliduar përgatitjen dhe formimin e vazhdueshëm të mësuesve të arsimit parauniversitar, duke krijuar një lidhje më të ngushtë mes shkollës dhe universitetit.
Në lidhje me debatin për ndryshimin e ligjit për arsimin e lartë, Rektori Hoxha u shpreh se nuk është koha për një ligj të ri, por për një rishikim të tij pas një analize të plotë:
“Ligjet nuk duhen shfuqizuar, por përmirësuar. Ligji për arsimin e lartë ka treguar se i ka rezistuar kohës dhe i është përgjigjur qëllimit për të cilin është miratuar, por pas 10 vitesh zbatim ka ardhur koha për amendime që t’i përgjigjen realitetit të ri të arsimit dhe zhvillimeve që ka përjetuar Shqipëria.”

The post Viti i ri akademik, Universiteti i Tiranës mbetet zgjedhja kryesore e maturantëve appeared first on UNIVERSITETI I TIRANËS.

The post Intervistë me studentë pjesëmarrës në “Konferencën Shkencore Ndërkombëtare Studentore” appeared first on UNIVERSITETI I TIRANËS.

Universiteti i Tiranës organizoi “Konferencën Shkencore Ndërkombëtare Studentore” , për herë të parë e këtyre përmasave, me pjesëmarrjen e 295 studentëve dhe studiuesve, nga 29 institucione publike dhe private, ku u prezantuan plot 128 studime e punime nga të gjitha fushat: gjuhësi, albaniologji, shkenca juridike shkenca sociale e shkenca të natyrës.

The post Intervistë me studentë pjesëmarrës në “Konferencën Shkencore Ndërkombëtare Studentore” appeared first on UNIVERSITETI I TIRANËS.

Universiteti i Tiranës organizoi “Konferencën Shkencore Ndërkombëtare Studentore” , për herë të parë e këtyre përmasave, me pjesëmarrjen e 295 studentëve dhe studiuesve, nga 29 institucione publike dhe private, ku u prezantuan plot 128 studime e punime nga të gjitha fushat: gjuhësi, albaniologji, shkenca juridike shkenca sociale e shkenca të natyrës.

Ne po sjellim opinionet e disa prej të rinjëve që morën pjesë në këtë konferencë.

Erikson Nikolli, ka mbaruar së fundmi studimet për Master Shkencor Arkeologji pranë Departamentit të Arkeologjisë dhe Trashëgimisë Kulturore në Fakultetin e Historisë dhe Filologjisë (UT).

Çfarë teme keni zgjedhur për punimin tuaj?

Tema që kam zgjedhur të trajtojë në Konferencën Shkencore Ndërkombëtare Studentore, ka të bëjë me disa vepra arti të autorit Maks Velo të cilat ishin të censuruara në periudhën e komunizmit, pas dënimit të autorit me akuzën e agjitacionit dhe propagandës. Maks Velos iu dogjën rreth 468 vepra të ndryshme arti dhe vetëm 35 shpëtuan. Sot jemi të lumtur që këtyre 35 veprave që i përkasin periudhës së parë artistike të autorit, i shtohen edhe 5 të tjera të cilat u zbuluan së fundmi nga ne. Firma e autorit ishte mbuluar me anë të bojës në mënyrë që të mos lexohej nga shikuesit, pasi tashmë konsiderohej si një armik i regjimit dhe i influencuar nga rrymat moderne të artit.

Përse zgjodhët këtë temë dhe përse zgjodhët ti kushtoheni kërkimit?

Zgjodha të trajtoja këtë temë për shkak të rëndësisë së madhe që kanë këto vepra për të plotësuar veprimtarinë artistike të Maks Velos. Këto vepra janë një pjesë e jetës së autorit janë dëshmi historike të periudhës në të cilën ai jetoi, një periudhë ku liria e të shprehurit në forma të ndryshme, ishte e limituar dhe duhet të ndiqte paradigmën e saj. Ndaj këto vepra artistike flasin me heshtjen e tyre dhe paraqesin tek ne shikuesit, një panoramë mbi regjimin e egër të së shkuarës por njëkohësisht me zbulimin e tyre arrijmë të ringjallim autorin dhe rezistenca e tyre ndaj pluhurit të kohës emeton shpresë dhe mesazhin se liria prevalon gjithmonë. Ndaj ishim shumë të vendosur që ta conim deri në fund këtë studim dhe ta prezantonim mes kolegësh dhe brezit të së ardhmes që të vlerësonim rëndësinë që ka kërkimi shkencor dhe se produktet e tij sjellin në dritë informacione të reja të cilat ndihmojnë në zbulimin e të panjohurës, të së harruarës dhe të fshehtës.

Sa e vështirë është sot të merresh me studime apo kërkim shkencor?

Sot mundësitë për të kryer studime apo kërkime shkencore janë të shumta dhe dita ditës krijohen më shumë hapësira dhe lehtësira për ne studiuesit e rinj që të ndërmarrim iniciativa për të hulumtuar. Një shembull konkret ishte dhe Konferenca Shkencore Ndërkombëtare Studentore, që shërbeu si një medium dhe mjedis që promovon kërkimin shkencor, në të cilën morën pjesë shumë studiues të ri. Po ashtu komunikimi me specialist të fushës në mënyrë që të marrim këshilla dhe informacion sot është bërë më i lehtë dhe janë gjithmonë të hapur për të ndihmuar brezin e ri të studiuesve. 

Sigurisht që ekzsitojnë problematika si pamundësia për të parë fonde të cakuara të depozituara në institucione të ndryshme për shkak të burokracisë, ndaj një digjitalizim dhe aksesi i tyre për publikun e gjerë do të mundësonte më shumë lehtësira për të ndërmarrë kërkime shkencore si dhe për të pasur një studim sa më gjithëpërfshirës.

Një mesazh për të rinjtë e tjerë?

Do të inkurajoja të gjithë të rinjtë të përballeshin me kërkimin shkencor në mënyrë që të avancojmë fushat tona përkatëse të studimit si dhe të faktorizojmë rëndësinë dhe rolin që brezi ynë ka në sferën shkencore, i cili është një impuls dinamik dhe plot energji gati për të ardhmen.

The post Intervistë me studentë pjesëmarrës në “Konferencën Shkencore Ndërkombëtare Studentore” appeared first on UNIVERSITETI I TIRANËS.

The post Intervistë me studentë pjesëmarrës në “Konferencën Shkencore Ndërkombëtare Studentore” appeared first on UNIVERSITETI I TIRANËS.

The post Konferencë për shtyp e Rektorit të Universitetit të Tiranës, Prof. Dr. Artan Hoxha appeared first on UNIVERSITETI I TIRANËS.

The post Intervista e Rektorit të Universitetit të Tiranës, Prof. Dr. Artan Hoxha për mbylljen e semestrit të dytë të vitit akademik 2020-2021 appeared first on UNIVERSITETI I TIRANËS.

Për të ndjekur intervistën klikoni në linkun: https://www.youtube.com/watch?v=5z0RLogHZSg&feature=youtu.be&ab_channel=RTSH-RadioTelevizioniShqiptar

The post Intervista e Rektorit të Universitetit të Tiranës Prof. Dr. Artan Hoxha në emisionin “Individi dhe Shoqëria” appeared first on UNIVERSITETI I TIRANËS.

The post Sfidat e mësimdhënies online-Intervista e Rektorit të Universitetit të Tiranës appeared first on UNIVERSITETI I TIRANËS.