Universiteti i Tiranës i bashkohet deklaratës së përbashkët për rëndësinë e Aleancave të Universiteteve Evropiane

Përmes kësaj deklarate, institucionet nënshkruese i bëjnë thirrje Këshillit të Bashkimit Evropian dhe Parlamentit Evropian që të njohin në mënyrë të qartë rolin e Aleancave të Universiteteve Evropiane në Kornizën Financiare Shumëvjeçare 2028–2034 dhe në Fondin Evropian për Konkurrueshmërinë.

Nënshkrimi i kësaj deklarate nga Universiteti i Tiranës dëshmon angazhimin e tij për forcimin e bashkëpunimit në kuadër të hapësirës evropiane të arsimit të lartë dhe për promovimin e rolit të universiteteve në zhvillimin e arsimit, kërkimit shkencor, inovacionit dhe aftësive.

Lexo më shumë këtu →

The post Universiteti i Tiranës i bashkohet deklaratës së përbashkët për rëndësinë e Aleancave të Universiteteve Evropiane appeared first on UNIVERSITETI I TIRANËS.

Aktorët politikë të Kosovës arritën konsensusin e nevojshëm për zgjedhjen e Presidentes së re, duke i dhënë fund një periudhe të gjatë ngërçi politik dhe institucional.

Në emër të Universitetit të Tiranës, dua të përshëndes aktorët politikë të Kosovës për gjetjen e konsensusit institucional dhe, mbi të gjitha, të uroj akademiken znj. Justina Shiroka Pula për detyrën e lartë që iu besua si Presidente e Republikës së Kosovës.

Pak muaj më parë pata kënaqësinë të zhvilloj një takim me znj. Shiroka Pula, në cilësinë e saj si Kryetare e Akademisë së Shkencave dhe Arteve të Kosovës. Në fokus të bisedës sonë ishte thellimi i bashkëpunimit institucional dhe akademik, përmes nënshkrimit të marrëveshjeve dhe zhvillimit të projekteve të përbashkëta kërkimore-shkencore, organizimit të aktiviteteve shkencore e kulturore, si dhe realizimit të botimeve të përbashkëta.

Ky bashkëpunim dëshmon edhe një herë rëndësinë e urave të forta që institucionet akademike të Shqipërisë dhe Kosovës ndërtojnë e forcojnë së bashku, në shërbim të dijes, kërkimit shkencor dhe zhvillimit të dy vendeve tona.

Jam i bindur se Presidentja znj. Justina Shiroka Pula do t’i shërbejë me dinjitet Republikës së Kosovës, duke sjellë në këtë detyrë edhe përvojën e saj të gjatë akademike dhe institucionale.

Urimet më të mira për një mandat të suksesshëm!

Prof. Dr. Artan Hoxha

Rektor i Universitetit të Tiranës

The post Mesazh i Rektorit të Universitetit të Tiranës, Prof. Dr. Artan Hoxha appeared first on UNIVERSITETI I TIRANËS.

Të dashur studentë,

Të nderuar kolegë dhe anëtarë të personelit të Universitetit të Tiranës,

Çdo brez studentësh e ndryshon universitetin me mënyrën si mendon, me pritshmëritë që sjell dhe me pyetjet që shtron. Sot, ndërsa nisim vitin akademik 2026–2027, mirëpresim një brez të ri në Universitetin e Tiranës dhe marrim përsipër përgjegjësinë për t’iu përgjigjur ambicieve të tij.

Ju  uroj mirëseardhjen me bindjen se kontributi juaj do të ndihet në jetën dhe zhvillimin e universitetit tone! Studentëve që vijojnë studimet, ju uroj një vit që thellon dijet dhe ju afron me synimet tuaja akademike e profesionale!

E nisim këtë vit mbi një bazë të rëndësishme arritjesh akademike, kërkimore dhe ndërkombëtare. Sfida jonë është që këto arritje të ndihen gjithnjë e më shumë në përditshmërinë e studentëve: në cilësinë e mësimit, në mbështetjen gjatë studimeve dhe në përfshirjen në projekte. Në zbatim të Strategjisë së Zhvillimit të UT-së 2023–2028, për këtë vit synojmë të afrojmë më shumë mësimdhënien me kërkimin, të zgjerojmë pjesëmarrjen e studentëve në bashkëpunimet ndërkombëtare dhe të dëgjojmë më sistematikisht përvojën e tyre në universitet.

Pjesëmarrja në aleancën evropiane UNINOVIS i jep këtij drejtimi një hapësirë të re. Me universitetet partnere po zhvillojmë përvoja ndërkombëtare mësimi, praktika kërkimore dhe programe të përbashkëta. Për studentët dhe stafin tonë, kjo krijon mundësi për të punuar me kolegë nga vende e disiplina të ndryshme dhe për të qenë pjesë aktive e jetës akademike evropiane.

Teknologjitë digjitale dhe inteligjenca artificiale po ndryshojnë mënyrën si mësojmë, prodhojmë dije dhe ushtrojmë profesionet. Angazhimi ynë është t’i përfshijmë këto zhvillime në mësimdhënie dhe kërkim me përgjegjësi akademike, duke forcuar mendimin kritik, krijimtarinë dhe integritetin. Duam që të diplomuarit tanë të dinë të vlerësojnë informacionin, të përdorin me kompetencë teknologjinë dhe të marrin vendime të argumentuara në një botë që ndryshon shpejt.

Si universitet publik, kemi një përgjegjësi të veçantë ndaj shoqërisë shqiptare. Përmes kërkimit, bashkëpunimit me institucionet dhe sipërmarrjen, si edhe angazhimit në komunitet, synojmë t’u japim përgjigje nevojave të vendit. Në rrugën e integrimit evropian të Shqipërisë, UT ka një rol të rëndësishëm në formimin e profesionistëve dhe në zhvillimin e ekspertizës që kërkon ky proces.

Të dashur studentë, ju ftoj ta jetoni plotësisht universitetin. Bëni pyetje, provoni idetë tuaja, përfshihuni në projekte dhe shfrytëzoni mundësitë e lëvizshmërisë. Ndërtoni miqësi, respektoni mendimin ndryshe dhe ndani me ne propozimet tuaja. Kontributi juaj e bën UT-në një komunitet më të hapur, më krijues dhe më të fortë.

Të nderuar kolegë, cilësia e Universitetit të Tiranës ndërtohet çdo ditë nga puna juaj në mësimdhënie, kërkim dhe në mbështetjen e jetës akademike. Ju falënderoj për përkushtimin dhe përgjegjësinë me të cilën e ushtroni këtë rol. Viti që nis na fton të ndajmë më shumë përvojën mes fakulteteve, të zhvillojmë bashkëpunime ndërdisiplinore dhe t’u krijojmë studentëve më shumë hapësirë për të marrë pjesë në kërkim. Përgjegjësia jonë si drejtues është të mbështesim zhvillimin tuaj profesional dhe të krijojmë kushte që idetë dhe nismat tuaja të gjejnë zbatim.

Personeli ndihmës akademik dhe administrativ ka një rol thelbësor në funksionimin e universitetit dhe në përvojën e përditshme të studentëve. Profesionalizmi, bashkëpunimi dhe komunikimi juaj i bëjnë angazhimet tona të prekshme. Ju falënderoj për punën që bëni çdo ditë, duke mbështetur procesin mësimor, veprimtarinë kërkimore dhe shërbimet universitare.

Le ta nisim këtë vit me besim te njëri-tjetri dhe me gatishmërinë për të kontribuar së bashku në zhvillimin e Universitetit të Tiranës.

Në emër të Universitetit të Tiranës dhe në emrin tim, ju uroj një vit akademik të mbarë, me mundësi të reja dhe arritje për secilin prej jush!

Prof. Dr. Artan Hoxha

Rektor i Universitetit të Tiranës

The post Mesazhi i Rektorit të UT-ës, Prof. Dr. Artan HOXHA për fillimin e Vitit të Ri Akademik 2026-2027 appeared first on UNIVERSITETI I TIRANËS.

The post Thirrje e Hapur për Financimin e Studimeve të Doktoraturës 2026 appeared first on UNIVERSITETI I TIRANËS.

The post Universiteti i Tiranës në Times Higher Education World University Rankings 2027!🇦🇱 appeared first on UNIVERSITETI I TIRANËS.

Pjesëmarrës në këtë forum ndërkombëtar të partnerëve të këtij projekti nga UT ishin: Prof.Dr. Migena Leskoviku (drejtuese e projektit) dhe Prof.Dr.Çlirim Duro, pjesëtar i ekipit të projektit.
Në këtë forum u zhvilluan sesione të dedikuara mbi eksplorimin e praktikave më të mira të ndërmjetësimit në BE dhe Ballkanin Perëndimor, për të shkëmbyer njohuri dhe për të forcuar bashkëpunimin në fushën e ndërmjetësimit. Si pjesë e aktiviteteve të këtij projekti, forumi përfaqëson një hap të rëndësishëm drejt forcimit të lidhjes mes arsimit të lartë, sistemit ligjor dhe praktikave të ndërmjetësimit në Shqipëri dhe Kosovë. Ai i përgjigjet nevojës në rritje për mekanizma alternative të zgjidhjes së mosmarrëveshjeve (ADR), veçanërisht ndërmjetësimin, si një mënyrë për të përmirësuar aksesin në drejtësi dhe për t’u përafruar me standardet ligjore evropiane.

Gjatë këtyre tri ditëve, Forumi shqyrtoi praktikat më të mira të ndërmjetësimit në BE, praktikën italiane, si dhe legjislacionin dhe praktikën e ndërmjetësimit në Itali, Letoni, Hollandë, Shqipëri dhe Kosovë. Programi përfshinte prezantime nga ekspertët pjesëmarrës nga secili institucion partner, diskutime në tryeza të rrumbullakëta, takime për zbatimin e projektit dhe vijimin e tij.

🤝 Ky Forum ishte një mundësi e vlefshme për të ndarë përvoja, për të diskutuar sfidat dhe për të punuar së bashku drejt praktikave më të forta dhe më efektive të ndërmjetësimit në Evropë.

The post Forumi Ndërkombëtar për Ndërmjetësimin | Universiteti Roma Tre, Romë appeared first on UNIVERSITETI I TIRANËS.

Konferenca Përfundimtare e projektit Erasmus+ EU-GaNoM

Universiteti i Tiranës, si partner në projektin Erasmus+ EU-GaNoM, fton stafin akademik dhe administrativ,
kërkuesit dhe të gjithë të interesuarit të marrin pjesë në Konferencën Përfundimtare të projektit, e cila do të zhvillohet
më 6 tetor 2026, nga ora 10:00 deri në 12:00 CET, në Nantes, Francë.

Pjesëmarrja në konferencë është e mundur fizikisht ose online.

Projekti EU-GaNoM ka pasur në fokus rritjen e kapaciteteve dhe trajnimin e stafit akademik dhe administrativ për hartimin,
aplikimin dhe menaxhimin e projekteve të financuara nga Bashkimi Evropian, me fokus të veçantë në programet
Erasmus+ dhe Horizon Europe.

Konferenca do të shërbejë si një mundësi për:

• prezantimin e rezultateve dhe arritjeve kryesore të projektit;
• ndarjen e përvojave dhe praktikave të fituara gjatë zbatimit të projektit;
• diskutimin mbi mundësitë dhe perspektivat e ardhshme për aplikimet në kuadër të programeve të BE-së;
• forcimin e bashkëpunimit ndërmjet institucioneve dhe aktorëve të përfshirë në kërkim, arsim dhe projekte ndërkombëtare.

Në konferencë do të prezantohet edhe Aleanca UNINOVIS, ku UT merr pjesë.

📅 Data6 tetor 2026E martë

🕙 Ora10:00–12:00 CET11:00–13:00 me orën e Tiranës

📍 VendiNantes, FrancëAteliers et Chantiers de Nantes, 2 boulevard Léon Bureau · edhe online

Regjistrimi për pjesëmarrje është i hapur.

REGJISTROHU KËTU!

• #UniversityOfTirana
• #UT
• #ErasmusPlus
• #EUGaNoM
• #UNINOVIS
• #EUProjects
• #Research
• #InternationalCooperation

Projekti EU-GaNoM bashkëfinancohet nga Bashkimi Evropian në kuadër të programit Erasmus+
(Cooperation partnerships in higher education). Më shumë informacion: www.euganom.eu

The post Konferenca Përfundimtare e projektit Erasmus+ EU-GaNoM appeared first on UNIVERSITETI I TIRANËS.

https://www.unimol.it/english/

Llojet e mobilitetit përfshijnë:

• Shkëmbimin e studentëve për studime;

Kohëzgjatja e bursave:

• Bachelor / Master (1 semestër);

Fushat e studimit:

• Biologji dhe shkencat e saj;

Lëndët e ofruara për nivelin Bachelor:

https://unitiredu-my.sharepoint.com/:x:/g/personal/iro_unitir_edu_al/IQDP8ZmnA3RURLtaAqXJwwZrAcPmPAn0LgHr4lCLth4bE6M?e=RLYZas

Lëndët e ofruara për nivelin Master:

https://unitiredu-my.sharepoint.com/:x:/g/personal/iro_unitir_edu_al/IQDQduOJER4SSZPBtKBZ9SuXAVO1eHfGnVd9WwSR_HFsIGc?e=c4Ypcv

Bursat përfshijnë:

• Kompensimin mujor (800 EUR në muaj);
• Kostot e udhëtimit (në varësi të distancës midis universitetit pritës dhe atij të origjinës)

Për të përcaktuar distancën ju lutem referohuni:

https://erasmus-plus.ec.europa.eu/resources-and-tools/distance-calculator

Studentët që përfitojnë nga mobiliteti Erasmus+ nuk do të paguajnë asnjë tarifë për shkollim në universitetin pritës. Studentët do të vazhdojnë të paguajë shkollimin e tyre dhe/ose tarifat e regjistrimit në universitetin e tyre të origjinës.

Dokumentat e nevojshme për aplikim:

• CV (në gjuhën angleze / italiane, në varësi të gjuhës që propozoni të ndiqni programin);
• Kopje e Pasaportës;
• Vërtetim studenti (në gjuhën shqipe dhe të përkthyer në mënyrë zyrtare në gjuhën angleze / italiane, në varësi të gjuhës që propozoni të ndiqni programin);
• Listë notash (në gjuhën shqipe dhe të përkthyer në mënyrë zyrtare në gjuhën angleze / italiane, në varësi të gjuhës që propozoni të ndiqni programin); për studentët Master duhet përcjellë edhe lista e notave e nivelit bachelor (në gjuhën shqipe dhe të përkthyer në mënyrë zyrtare në gjuhën angleze / italiane, në varësi të gjuhës që propozoni të ndiqni programin);
• Letër motivimi (në gjuhën angleze / italiane);
• Certifikata e gjuhës së huaj (niveli B2 i gjuhës angleze / italiane);
• Dokumenti Learning Agreement*;

*Learning Agreement është një kontratë midis universitetit të origjinës dhe aplikantit dhe shërben për të përcaktuar lëndët që do të zhvilloni në universitetin pritës. Ju duhet të plotësoni vetëm seksionin e parë ‘‘Before the Mobility. Në tabelën A përcaktohen lëndët dhe kreditet që do të merrni në universitetin pritës, në tabelën B përcaktohet se cilat prej lëndëve të Tabelës A do të njihet në Universitetin e Tiranës kur ju të keni përfunduar periudhën e shkëmbimit.

KUJDES: Ju duhet të përzgjidhni të kryeni në universitetin pritës lëndë të njëjta me ato që do të kryenit në semestrin e dytë në fakultetin tuaj, kjo në mënyrë që lëndët dhe kreditet t’ju njihen kur të ktheheni. Nëse lëndët e përzgjedhura ndryshojnë nga ato që do të zhvillonit në fakultetin tuaj semestrin e dytë, atëherë kur të ktheheni duhet të zhvilloni lëndët që nuk përshtaten në Universitetin e Tiranës.

Dokumenti ‘‘Learning Agreement’’ tek seksioni ‘‘Commitment’’ firmoset nga aplikanti, nga koordinatori akademik në nivel departamenti, koordinatori akademik në nivel fakulteti dhe në fund në Rektorat nga Koordinatori Institucional i Erasmus +. Nëse studenti bën ndryshime të lëndëve gjatë mobilitetit, pjesa During mobility duhet të firmoset nga personat përgjegjës në fakultet dhe më pas nga personi përgjegjës në Rektorat.

Për të shkarkuar formatin e Learning Agreement klikoni në adresën:

https://unitir.edu.al/wp-content/uploads/2024/09/Learning-Agreement-outgoing-student-template.docx

Afati për aplikim: 23 Tetor 2026, ora 10:00.

Dokumentat duhen dorëzuar dorazi në Rektoratin e Universitetit të Tiranës, Sektori i Marrëdhënieve me Jashtë si edhe të skanuara përmes postës elektronike në adresën iro@unitir.edu.al.

Për më shumë informacion mbi bursat mund të na kontaktoni në Sektorin për Marrëdhëniet me Jashtë në adresën: iro@unitir.edu.al

Universiteti i Tiranës ju uron suksese në aplikimin tuaj!

The post Hapet thirrja për për bursa për studentët e Universitetit të Tiranës në Universitetin e Molise, Itali, për semestrin e dytë të vitit akademik 2026-2027. appeared first on UNIVERSITETI I TIRANËS.

https://www.vu.lt/en/

Nivelet e mobilitetit për studentët:

• Bachelor;
• Master;

Kohëzgjatja e mobilitetit:

• 1 semestër (01.02.2026 – 30.06.2026)

Fushat e studimit:

Për informacion mbi katalogun e lëndëve:

https://is.vu.lt/pls/pub/vustud.public_ni$wwwtprs.dalsar_show

Bursat përfshijnë:

• Kompensimin mujor (800 EUR në muaj për studentët);
• Kostot e udhëtimit (në varësi të distancës midis universitetit pritës dhe atij të origjinës)

Për të përcaktuar distancën ju lutem referohuni link-ut:

https://erasmus-plus.ec.europa.eu/resources-and-tools/distance-calculator

Studentët që përfitojnë nga mobiliteti Erasmus + nuk do të paguajnë asnjë tarifë për shkollim në universitetin pritës. Studentët do të vazhdojnë të paguajnë shkollimin e tyre dhe/ose tarifat e regjistrimit në universitetin e tyre të origjinës.

Dokumentat e nevojshme për aplikim për studentët:

• CV (në gjuhën angleze);
• Kopje e Pasaportës;
• Vërtetim studenti (në gjuhën shqipe dhe të përkthyer në mënyrë zyrtare në gjuhën angleze);
• Listë notash (në gjuhën shqipe dhe të përkthyer në mënyrë zyrtare në gjuhën angleze); për studentët Master duhet përcjellë edhe lista e notave Bachelor (në gjuhën shqipe dhe të përkthyer në mënyrë zyrtare në gjuhën angleze);
• Letër Motivimi në gjuhën angleze;
• Certifikatë e gjuhës së huaj;
• *Learning Agreement (15-35 ECTS);

* Learning Agreement është një kontratë midis universitetit të origjinës dhe aplikantit dhe shërben për të përcaktuar lëndët që do të zhvilloni në universitetin pritës. Ju duhet të plotësoni vetëm seksionin e parë ‘‘Before the mobility”. Në tabelën A përcaktohen lëndët dhe kreditet që do të merrni në universitetin pritës, në tabelën B përcaktohet se cilat prej lëndëve të Tabelës A do të njihen në Universitetin e Tiranës kur ju të keni përfunduar periudhën e shkëmbimit.

KUJDES: Ju duhet të përzgjidhni të kryeni në Universitetin pritës lëndë të njëjta me ato që do të kryenit në semestrin e parë në fakultetin tuaj, kjo në mënyrë që lëndët dhe kreditet t’ju njihen kur të ktheheni. Nëse lëndët e përzgjedhura ndryshojnë nga ato që do të zhvillonit në fakultetin tuaj në semestrin e parë, atëherë kur të ktheheni duhet të zhvilloni lëndët që nuk përshtaten në Universitetin e Tiranës.

Dokumenti ‘‘Learning Agreement’’ tek seksioni ‘‘Commitment’’ firmoset nga aplikanti, nga koordinatori akademik në nivel departamenti, koordinatori akademik në nivel fakulteti dhe në fund në Rektorat nga Koordinatori Institucional i Erasmus +. Nëse studenti bën ndryshime të lëndëve gjatë mobilitetit, pjesa During mobility duhet të firmoset nga personat përgjegjës në fakultet dhe më pas nga personi përgjegjës në Rektorat.

Për të shkarkuar formatin e Learning Agreement klikoni në adresën:

https://unitir.edu.al/wp-content/uploads/2024/09/Learning-Agreement-outgoing-student-template.docx

Afati për aplikim: 21 Tetor 2026, ora 10:00.

Dokumentet duhen dorëzuar dorazi në Rektoratin e Universitetit të Tiranës, Sektori i Marrëdhënieve me Jashtë si dhe duhet të dërgohen të skanuara në e-mailin iro@unitir.edu.al.

Për më shumë informacion mbi bursat mund të na kontaktoni në adresën: iro@unitir.edu.al.

Universiteti i Tiranës ju uron suksese në aplikimin tuaj!

The post Hapet thirrja për aplikime për studentët e Universitetit të Tiranës në Universitetin Vilnius, në Lituani, në kuadër të Programit Erasmus +, për semestrin e dytë të vitit akademik 2025-2026. appeared first on UNIVERSITETI I TIRANËS.

https://erasmus.ahievran.edu.tr/

Llojet e mobilitetit:

• Shkëmbimin e stafit akademik me kohë të plotë për mësimdhënie;

Fushat e shkëmbimit:

• Ekonomiks;
• Manaxhim dhe Administrim;
• Literaturë dhe Linguistikë;
• Histori dhe Arkeologji;
• Gjeografi;
• Matematikë;
• Shkenca politike.

Për më shumë informacion referohuni linkut:

https://ahisinav.ahievran.edu.tr/

https://obs.ahievran.edu.tr/oibs/bologna/index.aspx?lang=en

Bursat përfshijnë:

• Kompensim ditor (148 Eur/ditë);
• Kostot e udhëtimit (në varësi të distancës midis universitetit pritës dhe atij të origjinës)

Për të përcaktuar distancën ju lutemi referohuni:

https://erasmus-plus.ec.europa.eu/resources-and-tools/distance-calculator

Dokumentat e nevojshme për aplikim për stafin akademik me kohë të plotë:

• CV + Lista e publikimeve, në gjuhën angleze;
• Kopje e Pasaportës;
• Letër motivimi (në gjuhën angleze);
• Vërtetim punësimi;
• Vetëdeklarim nëse keni kryer apo jo më parë mobilitete Erasmus+ (nëse po, ku, duke specifikuar universitetet dhe periudhën për secilin mobilitet);
• Plani i mobilitetit për Mësimdhënie;

Për të shkarkuar formatin e Planit të Mobilitetit për Mësimdhënie klikoni në adresën:

https://unitir.edu.al/wp-content/uploads/2024/10/Mobility-Plan-Mesimdhenie.docx

Plani i Mobilitetit është një dokument në të cilin duhet të specifikohet programi juaj i propozuar që do të kryeni gjatë periudhës së shkëmbimit. Ky dokument firmoset nga aplikanti në momentin e aplikimit dhe më pas në Rektorat.

Afati për aplikim: 09 Tetor 2026, ora 10:00.

Dokumentat duhen dorëzuar dorazi në Rektoratin e Universitetit të Tiranës, Sektori i Marrëdhënieve me Jashtë, si dhe duhet të dërgohen të skanuara në e-mailin iro@unitir.edu.al.

Për më shumë informacion mbi bursat mund të na kontaktoni në adresën: iro@unitir.edu.al.

Universiteti i Tiranës ju uron suksese në aplikimin tuaj!

The post Hapet thirrja për aplikime për bursa në kuadër të Programit Erasmus + për personelin akademik me kohë të plotë të UT-së, në Universitetin Kırşehir Ahi Evran – Erasmus code TR KIRSEHI01, në Turqi, për appeared first on UNIVERSITETI I TIRANËS.