Universiteti i Tiranës iu përgjigj me angazhim maksimal thirrjes së publikuar nga Agjencia Kombëtare e Kërkimit Shkencor dhe Inovacionit (AKKSHI) për aplikime me projekt-propozime që financohen në fushën e Teknologjisë dhe Inovacionit (PTI), si dhe në fushën e Infrastrukturës së Kërkimit Shkencor(PIKSH).

Në përfundim të procesit të aplikimit dhe vlerësimit të projekt-propozimeve të depozituara, AKKSHI ka shpallur Universitetin e Tiranës fitues me 7 projekte në total, si vijon:

Projekte fituese të fushës së Teknologjisë dhe Inovacionit (PTI) janë:

• Vlerësimi dhe ngritja e kompetencave digjitale në qeverisjen vendore për shërbime lokale të qëndrueshme;

• Hartimi i një manuali model për rritjen e kapaciteteve të edukatorëve dhe prindërve të fëmijëve me aftësi ndryshe për përballimin e sfidave në mediat sociale;

•  Zhvillimi i një modeli të aplikueshëm për transformimin e zinxhirit linear në zinxhir qarkullues në sektorin e qelqit në Shqipëri;

• Krijimi i një modeli për ngritjen e kapaciteteve të burimeve njerëzore të Drejtorisë Rajonale të Formimit Profesional Publik përmes arsimit digjital-Rast studimor, qarku Elbasan.

Projekte fituese të fushës së Infrastrukturës dhe Kërkimit Shkencor (PIKSH) janë:

• Konsolidimi i infrastrukturës së kimisë së trupit të ngurtë-faza plotësuese drejt një platforme kërkimore sipas standarteve të BE-së;

•  Infrastrukturë Kërkimore për Përpunim të Avancuar Kompjuterik dhe Siguri Digjitale;

•  Ngritja e Infrastrukturës Kërkimore për Excellence HUB.

Për më shumë informacion: https://nasri.gov.al/dokumente/

The post AKKSHI shpall fitues Universitetin e Tiranës me 7 projekte në kuadër të Programeve PTI dhe PIKSH appeared first on UNIVERSITETI I TIRANËS.

1. Thirrje për projekt-propozime të përbashkëta në fushat e kërkimit shkencor dhe teknologjik, Shqipëri – Turqi 2026–2028, në kuadër të marrëveshjeve dhe protokolleve të bashkëpunimit ndërmjet Republikës së Shqipërisë dhe Këshillit për Kërkimin Shkencor dhe Teknologjik të Turqisë (TUBITAK).

2. Thirrje për aplikim për Projekte të Infrastrukturës së Kërkimit Shkencor (PIKSH) për vitin 2026.

3. Thirrje për projekt-propozime në kuadër të Programeve Kombëtare të Teknologjisë dhe Inovacionit (PTI) për vitin 2026.

4. Thirrje për Projekt-Propozime në kuadër të Programeve Kombëtare të Kërkimit dhe Zhvillimit (PKKZH) për vitin 2026.

The post Agjencia Kombëtare për Kërkimin Shkencor dhe Inovacionin (AKKSHI), ka shpallur thirrjet për aplikime për vitin 2026 appeared first on UNIVERSITETI I TIRANËS.

Referencë: Nr. 963/8 Prot., datë 15.08.2023;

Kohëzgjatja: Shtator 2023 – Mars 2025;

Qëllimi i projektit është të japë zgjidhje konkrete për problemet e integrimit te Teknologjisë së Informacionit në kurrikulat e Matematikës të arsimit parauniversitar dhe në programet e studimit në sistemin universitar të cilat kanë pjesë të programit të tyre disiplina të ndryshme të Matematikës me synim që, duke i bërë ato pjesë të qenësishme të silabuseve, të reduktohen vështirësitë që paraqesin nxënësit dhe studentët në përvetësimin e koncepteve matematikore dhe në zgjidhjen e problemave matematikore.

Synimi: Të shqyrtojë ndikimin, sfidat dhe zgjidhjet e mundshme për integrimin e mjeteve digjitale në edukimin e matematikës në shkollat e mesme dhe universitetet e Shqipërisë.

Objektivat:

•  Identifikimi i përdorimit të llojeve të software-ve të Teknologjisë të Informacionit që përdoren në disiplinën e Matematikës në disa sisteme arsimore (universitare dhe parauniversitare) në vend dhe jashtë tij.
• Implementimi i Teknologjisë së Informacionit në kurrikulën e Matematikës në Shqipëri.
• Identifikimi i efikasitetit të Teknologjisë së Informacionit në sistemin arsimor shqiptar.

Koordinator UT: Fakulteti i Shkencave të Natyrës;

Programi: Programi Kombëtar i Kërkimit Zhvillimit, AKKSHI;

Raport shkencor i projektit: Klikoni këtu për tu njohur me raportin

The post Projekt financuar nga AKKSHI, Ndikimi i përdorimit të Teknologjisë së Informacionit në mësimdhënien dhe mësimnxënien e Matematikës në arsimin e mesëm shqiptar’ appeared first on UNIVERSITETI I TIRANËS.

Referencë: Nr. 948/1 Prot., datë 14.08.2023

Kohëzgjatja: 19 muaj;

Projekti synon të ofrojë përfitime për akademikët, politikë-bërësit dhe kompanitë e biznesit në mënyrë që të ndikojë në stilet e komunikimit në përmirësimin e shëndetit mendor dhe mirëqenies së konsumatorëve dhe qytetarëve. Studimi mund të zbatohet gjithashtu për të optimizuar sjelljet e konsumatorëve ndaj një marke ose produkti ose shërbimi që mungon për qëllime, që lidhen me marketingun për arsye të paplanifikuara, si pamundësia për të marrë përbërës ose për shkak të mungesës financiare lidhur me konsumatorin.

Koordinator: Fakulteti i Ekonomisë;

Programi i Projekteve të Teknologjisë dhe Inovacionit (PTI) në bashkëpunim me biznesin/industrinë, për vitin 2023-2024, AKKSHI.

The post Titulli: “Zhvillimi i komunikimeve të marketingut me qëllim përmirësimin e mirëqenies psikologjike të konumatorit në kushte mungese (skarsiteti) appeared first on UNIVERSITETI I TIRANËS.

Referencë: 101085418 — MPO_EPA — ERASMUS-JMO-2022-HEI-TCH-RSCH;

Kohëzgjatja: 36 muaj;

Projekti synon zhvillimin e 2 moduleve, “Menaxhimi i Organizatave Publike (MPO)” dhe “Administrata Publike Evropiane (EPA)”. Të dy modulet janë shumë të lidhura me procesin e integrimit të Shqipërisë në BE. Përmes moduleve studentët do njihen me kontekstet profesionale të jetës reale me synim rritjen e punësueshmërisë së tyre. Së dyti, duke ofruar strategji efikase menaxhimi, vendimmarrje demokratike dhe qeverisje të mirë brenda kontekstit të BE-së, synohet t’i ofrohen administratës publike dhe organizatave publike punonjës shumë të aftë për të rritur kapacitetet menaxhuese dhe drejtuese.

Koordinator: Fakulteti i Ekonomisë;

Programi: Erasmus+, Jean Monnet Actions

The post Developing Management of Public Organizations and European Public Administration in the framework of Albania’s EU Integration»- MPO_EPA appeared first on UNIVERSITETI I TIRANËS.

Referencë: Nr. 908/1 Prot., datë 31.07.2023;

Kohëzgjatja: 24 muaj;

Qëllimi i projektit është të ofrojë një përqasje të integruar kimike dhe biologjike për të studiuar dhe kuptuar ndikimet e mundshme të ndotjes farmaceutike në ekosistemet ujë-ëmbël dhe detare në Shqipëri, me qëllim krijimin e një pakete të tjeshtë biomarkerësh për vlerësimin e shpejtë, të besueshëm dhe me kosto të ulët, të toksicitetit të lëndëve farmaceutike në organizmat model.

Objektivat kryesorë janë:

• Studimi i ndërveprimeve të lëndëve farmaceutike të pranishme në mjedis me organizmat e gjallë, në skenarë të ndryshëm të ngrohjes globale (ndryshimi i temperaturës);
• Zhvillimi i një “baterie” të vlefshme biomarkerësh biokimikë, fiziologjikë, morfologjikë dhe gjenetikë për vlerësimin e efekteve të mundshme negative të disa medikamenteve të përzgjedhur, në biotën detare dhe atë ujë-ëmbël, në rregjime të ndryshme temperaturash;
• Hulumtimi i mekanizmave toksikë të lëndëve farmaceutike të gjetura në mjedis, tek organizmat model si peshqit, molusqet, duke u fokusuar në efektet sub-letale dhe kronike;
• Zhvillimi dhe testimi i teknikave in vitro për të vlerësuar citotoksicitetin dhe ndryshimet fiziologjike përmes teknikave in vitro/in situ dhe modeluar këto ndryshime duke përdorur bioinformatikën dhe machine learning (in silico);
• Shpërndarja e gjetjeve të studimit te kërkuesit e rinj përmes organizimit të workshop-ve dhe trajnimeve të shkurtra ku transferohen dijet praktike, dhe publikimit të gjetjeve më të rëndësishme në një raport shkencor dhe/ose artikull shkencor të publikuar në revistë të indeksuar.

Koordinator: Fakulteti i Shkencave të Natyrës

Programi: Bilateral Kërkimor, Tekniko-Shkencore, mes Shqipërisë dhe Italisë 2023-2024, AKKSHI

The post Të jetosh në medikamente: Studimi i ndikimit të mundshëm të komponimeve farmaceutike në mjediset ujore detare dhe biotën e tyre në Shqipëri appeared first on UNIVERSITETI I TIRANËS.

Referencë: Nr. 908/1 Prot., datë 31.07.2023;

Kohëzgjatja: 24 muaj;

Qëllimi i projektit është të ofrojë një përqasje të integruar kimike dhe biologjike për të studiuar dhe kuptuar ndikimet e mundshme të ndotjes farmaceutike në ekosistemet ujë-ëmbël dhe detare në Shqipëri, me qëllim krijimin e një pakete të tjeshtë biomarkerësh për vlerësimin e shpejtë, të besueshëm dhe me kosto të ulët, të toksicitetit të lëndëve farmaceutike në organizmat model.

Objektivat kryesorë janë:

• Studimi i ndërveprimeve të lëndëve farmaceutike të pranishme në mjedis me organizmat e gjallë, në skenarë të ndryshëm të ngrohjes globale (ndryshimi i temperaturës);
• Zhvillimi i një “baterie” të vlefshme biomarkerësh biokimikë, fiziologjikë, morfologjikë dhe gjenetikë për vlerësimin e efekteve të mundshme negative të disa medikamenteve të përzgjedhur, në biotën detare dhe atë ujë-ëmbël, në rregjime të ndryshme temperaturash;
• Hulumtimi i mekanizmave toksikë të lëndëve farmaceutike të gjetura në mjedis, tek organizmat model si peshqit, molusqet, duke u fokusuar në efektet sub-letale dhe kronike;
• Zhvillimi dhe testimi i teknikave in vitro për të vlerësuar citotoksicitetin dhe ndryshimet fiziologjike përmes teknikave in vitro/in situ dhe modeluar këto ndryshime duke përdorur bioinformatikën dhe machine learning (in silico);
• Shpërndarja e gjetjeve të studimit te kërkuesit e rinj përmes organizimit të workshop-ve dhe trajnimeve të shkurtra ku transferohen dijet praktike, dhe publikimit të gjetjeve më të rëndësishme në një raport shkencor dhe/ose artikull shkencor të publikuar në revistë të indeksuar.

Koordinator: Fakulteti i Shkencave të Natyrës

Programi: Bilateral Kërkimor, Tekniko-Shkencore, mes Shqipërisë dhe Italisë 2023-2024, AKKSHI

The post Të jetosh në medikamente: Studimi i ndikimit të mundshëm të komponimeve farmaceutike në mjediset ujore detare dhe biotën e tyre në Shqipëri appeared first on UNIVERSITETI I TIRANËS.

Referencë: Nr. 907/1 Prot., datë 31.07.2023;

Kohëzgjatja: 24 muaj;

Qëllimi i studimit synon të testojë hipotezën se grimcat e ngurta të pezulluara përfaqësojnë një komponent thelbësor ujor kur duhet të vlerësohet origjina dhe fati i ndotjes mikrobiologjike në ujërat e ëmbla.

Objektivat e projektit janë:

– Të monitorojë fluksin e grimcave të pezulluara me anë të përcaktimit direkt sasior të grimcave të pezulluara në ujërat e lumenjve në regjime të ndryshme hidrologjike dhe kushte të kundërta klimatike;

– Të karakterizojë nivelin e ndotjes kimike dhe mikrobiologjike të lidhur me grimcat;

– Të testojë aplikimin e citometrisë me fluks (Floë Cytometry, FCM), si një metodë e re për të dalluar dhe për të përcaktuar sasinë e grimcave të pezulluara, mikroorganizmave të pezulluar dhe të atyre që janë të lidhur me grimcat;

– Të krijohet një grup treguesish kimikë dhe mikrobiologjikë të lidhur me grimcat e pezulluara si një parametra kritik për vlerësimin e cilësisë së ujit.

Koordinator: Fakulteti i Shkencave të Natyrës

Programi: Bilateral Kërkimor, Tekniko-Shkencore, mes Shqipërisë dhe Italisë 2023-2024, AKKSHI

The post Mikroorganizmat e shoqëruara me grimcat e pezulluara: Një çështje e re e lidhur me cilësinë e ujit të lumenjve appeared first on UNIVERSITETI I TIRANËS.

Referencë: Nr. 892/1 Prot., datë 31.07.2023;

Kohëzgjatja: 24 muaj

Qëllimi i këtij studimi është të karakterizohet biodiversiteti i popullatës Flavi të seksionit Aspergillus në kulturën e misrit, i prodhuar në rajonet bujqësore më të rëndësishëm të Shqipërisë me metoda molekulare dhe kimike dhe të përzgjidhen shtamet vendase atoksigjene si kandidatë potencialë për trajtimin me metoda biokontrolli për të parandaluar kontaminimin e kësaj kulture bujqësore me aflatoksina;

Koordinator: Fakulteti i Shkencave të Natyrës

Programi: Bilateral Kërkimor, Tekniko-Shkencore, mes Shqipërisë dhe Italisë 2023-2024, AKKSHI

The post Biodiversiteti i popullatës së mykut Aspergillus Sect Flavi dhe rreziku i kontaminimit nga mykotoksinat në kulturën e misrit, i prodhuar në Shqipëri, si shkak i ndryshimit klimatik appeared first on UNIVERSITETI I TIRANËS.

Referencë: Nr. 822/1 Prot., datë 11.07.2023;

Kohëzgjatja: 2023;

Qëllimi i këtij projekti kërkimor shkencor është të kontribuojë për të rritur nivelin e mësimdhënies në fushën e shkencave të komunikimit masiv. Ai do ketë karakter ndërdisiplinor dhe do të integrojë studime shkencore në fushën e medias dhe komunikimit masiv, por ka potenciale për të integruar edhe kërkime shkencore në fusha të përafërta ose të konvergjueshme sikurse janë sociologjia e opinionit publik, shkencat politike, antropologjia, kulturologjia etj.

Objektivat janë:

• krijimi i bazës së të dhënave cilësorë për studimin e procesit të prodhimit dhe transmetimit të përmbajtjeve audiovizive;
• realizimi i matjeve sasiore të procesit të transmetimit në fushën e mediave audiovizive dhe online;
• stokimin e bazave të mëdha voluminoze të dhënash në formë zanore, tekstuale, vizive, fotosh, diagramesh etj;
• realizimi i intervistave audio-vizive;
• eksperimentimi në mënyrë alternative për video, podcast-e, kolona zanore për qëllime studimore etj.

Koordinator: Fakulteti i Historisë dhe Filologjisë;

Programi: Infrastruktura e Kërkimit Shkencor (PIKSH) për vitin 2023, AKKSHI

The post LAB i Integruar i Mediave Digitale appeared first on UNIVERSITETI I TIRANËS.