Fakulteti i Drejtësisë është themeluar në vitin 1954, me emrin “Instituti i Lartë Juridik”. Pas krijimit të Universitetit Shtetëror të Tiranës, Instituti i Lartë Juridik u përfshi në këtë Universitet, si një nga të shtatë fakultetet, me emrin “Fakulteti i Drejtësisë”.

Në vitin 1965, u riorganizua dhe u quajt “Fakulteti i Shkencave Politike dhe Juridike”, ku u përfshinë dega e shkencave politike dhe ajo e drejtësisë. Këto degë përgatitnin, përkatësisht, specialistë të profilit politik për organet qendrore e lokale të pushtetit dhe juristë për organet e drejtësisë dhe të administratës shtetërore.

Në vitin 1967, pranë këtij Fakulteti u çel edhe dega e gazetarisë, e cila përgatiste gazetarë për organet e shtypit dhe të Radio-Televizionit Shqiptar. Në vitin 1991, dega e drejtësisë u nda nga ajo e filozofisë, e cila kishte zëvendësuar degën e shkencave politike. U krijuan kështu dy fakultete të veçanta, ndërsa dega e gazetarisë u transferua në Fakultetin e Historisë dhe të Filologjisë.

Aktualisht Fakulteti quhet “Fakulteti i Drejtësisë”. Deri në vitet ’70, kohëzgjatja e studimeve ishte katërvjeçare, ndërsa më pas, ajo u reduktua në tre vjet studime, të ndjekura nga një vit praktikë mësimore pranë organeve të drejtësisë. Në vitet ’80, në këtë Fakultet u rikthye afati i studimeve katërvjeçare.

Pas viteve ’90, Fakulteti i Drejtësisë pësoi ndryshime të shumta. Përfshirja e nocioneve dhe e praktikave të reja të shtetit të së drejtës diktonte detyrimisht edhe reformimin e Fakultetit në aspektet akademike, shkencore, edukative dhe të kapaciteteve fizike. Duke filluar nga viti 1991, planet dhe programet mësimore u ndryshuan dhe u hartuan sipas modeleve perëndimore, gjithashtu Fakulteti është riorganizuar dhe ristrukturuar në formë dhe përmbajtje sipas kërkesave të kohës.

Aktualisht, Fakulteti operon në bazë të programeve të reja mësimore, në përputhje me programet e shkollave perëndimore, bazuar në deklaratën e Bolonjës dhe të përshtatura ndaj kushteve konkrete të vendit tonë, duke ofruar programe studimi në të tre ciklet: Bachelor, Master dhe Doktoraturë.

Fakulteti ka bashkëpunim me një sërë institucionesh për kryerjen e praktikave mësimore të studentëve apo për punësimin e tyre. Gjithashtu ofron facilitetet e duhura për përgatitjen dhe formimin e studentëve.

Organizimi

Departamentet:

• Departamenti i të Drejtës Civile
• Departamenti i të Drejtës Penale
• Departamenti i të Drejtës Publike

Programet e Studimit:

• Një program studimi i integruar, “Master i Shkencave” në “Drejtësi”
• “Master i Shkencave”
• “Master Profesional”
• Programe studimi të ciklit të tretë: “Master Ekzekutiv” dhe “Doktoraturë”

Drejtuesit e Njësive Kryesore dhe Bazë të FD:

• Prof. Dr. Dorina HOXHA, Dekane
• Prof. Asoc. Dr. Ela KËRKA, Zv.Dekane për ciklin e tretë
• Prof. Asoc. Dr. Jonad BARA, Zv.Dekan për Master dhe marrëdhëniet me studentët
• Dr. Erjon MUHARREMAJ, Zv.Dekan për Masterin e Integruar
• Prof. Asoc. Dr. Iv RROKAJ, Departamenti i të Drejtës Penale
• Prof. Dr. Kestrin KATRO, Departamenti i të Drejtës Civile
• Prof. Asoc. Dr. Oriona MUÇOLLARI, Departamenti i të Drejtës Publike

Arkiva: Drejtues FD (2020-2024 Gusht)

Organika e personelit akademik me kohë të plotë Fakulteti i Drejtësisë (Kliko këtu)

Struktura Organizative e Fakultetit të Drejtësisë (Kliko këtu)

Kontakt (Kliko këtu)

The post Fakulteti i Drejtësisë appeared first on UNIVERSITETI I TIRANËS.

Arkiva: Drejtues FE (2020-2024 Gusht)

Organika e personelit akademik me kohë të plotë FE (Kliko këtu)

Struktura Organizative e Fakultetit të Ekonomisë (Kliko këtu)

The post Fakulteti i Ekonomisë appeared first on UNIVERSITETI I TIRANËS.

Më 1972 degët e gjuhëve të huaja u shkëputën nga ky fakultet, për të formuar Fakultetin e Gjuhëve të Huaja, ndërsa dy vjet me vonë të dy fakultetet u bashkuan në një të vetëm, për t’u rindarë sërish më 1992. Pranë këtij fakulteti ka ekzistuar edhe depatamenti i pavarur ndërdisiplinar i psikologjisë dhe i pedagogjisë, i cili u bë bazë e mëvonshme e Fakultetit të Shkencave Sociale.

Në Fakultetin e Historisë dhe të Filologjisë kanë dhënë mësim personalitetet dhe shkencetarët më të njohur shqiptarë në fushen e shkencave albanologjike: si E. Çabej, A. Buda, M. Domi, Sh. Demiraj, S. Luarasi, N. Bulka, V. Kokona, I . Kadare, Z. Sako, Q, Haxhihasani, S. Prifti, A. Kostallari, J. Xoxa etj. Profesorati i këtij fakulteti ka dhënë një ndihmesë të dukshme edhe per ngritjen dhe funksionimin e fakulteteve të Universiteteve të tjera të Shqipërisë, duke përfshirë dhe Universitetin e Prishtines.

Duke filluar nga viti shkollor 1969-1970, pranë degëve gjuhë shqipe – letërsi dhe histori janë krijuar herë pas here, në varësi nga nevojat, edhe profile të veçanta për gjuhë të tjera të huaja, si për gjuhën latine, greke e vjetër, italiane, bullgare, rumune, sërbo-kroate, çeke, poloneze, hungareze, gjermane e spanjolle.

Nisur nga nevojat e një pergatitjeje me të plote të mesuesve dhe të specialisteve, edhe struktura dhe profili i degeve ka ardhur duke u ndryshuar. Kështu, në vitin 1982 u arrit ndarja e deges histori-gjeografi në dy degë të veçanta: Histori me elemente të gjeografise dhe Gjeografi me elemente të historisë. Rezultatet pozitive të kësaj ndarjeje të pjesshme, ngritja e nivelit të kualifikimit të profesoratit dhe, sidomos mundësitë e krijuara pas vitit 1990, e bëne të domosdoshëm thellimin e mëtejshëm të specializimit të këtyre degëve.

Kualifikimi pasuniversitar ka nisur qysh në vitin 1981, kur pranë këtij fakulteti u hapën disa kurse pasuniversitare njëvjeçare: fillimisht ai i psikologjisë dhe i pedagogjisë, një vit më vonë kursi i gjuhës shqipe, në vitin 1984 kursi i historisë, me 1985 kursi i kritikës letrare dhe me 1987 kursi pasuniversitar i psikologjisë dhe i pedagogjisë, pa shkeputje nga puna. Në vitin 1991 këto kurse u mbyllen, per t’u hapur përsëri më 1996, kësaj here si shkolla pasuniversitare (fillimisht me korrespondencë), dmth. si shkallë e pare e nje sistemi të plotë dyshkallësh të kualifikimit pasuniversitar, që u ndërtua sipas departamenteve përkatëse: Shkolla Pasuniversitare e Departamentit të Gjuhësisë, shkolla pasuniversitare e Departamentit të Letërsisë, Shkolla Pasuniversitare e Departamentit të Historisë, shkolla pasuniversitare e Departamentit të Gjeografisë.

Fakulteti i Historisë dhe i Filologjisë ka qenë dhe është një ndër institucionet e rëndësishme shkencore të AL te vendit, me një veprimtari të gjerë, ku përfshihet organizimi i konferencave shkencore dhe pjesëmarrja në tubime shkencore kombëtare, rajonale e ndërkombëtare, botimet e monografive, punimeve shkencore e të teksteve mësimore per shkollën e lartë, të mesme dhe 8-vjeçare (sot 9-vjeçare). Njëherazi, ai mbetet institucioni më i rëndësishëm i vendit për përgatitjen dhe kualifikimin e studiuesve.

Sipas profileve përkatëse të shkencave albanologjike, këtu njihet e drejta e mbrojtjes së tezave të doktoratës prej kandidatësh vendas e të huaj.

Edhe përmbajtja e proçesit mësimor ka pësuar ndryshime të shumta, në përputhje me shkallën e zhvillimit të shoqërisë shqiptare, me nevojat e saj dhe me kërkesat e shtruara para shkollës së lartë. Kështu, në fiilim të gjitha degët kishin si detyrë kryesore përgatitjen e mësuesve per shkollën e mesme, megjithëse, në të vërtetë, mesuesit e diplomuar prej këtij Fakulteti kanë punuar edhe në ciklin e lartë të shkollës 8-vjeçare. Krahas kësaj, këto degë kanë siguruar edhe kontigjentin per institucionet kërkimore-shkencore dhe per institucionet e tjera kulturore të vendit, si ATSH-ja, Radioja e Televizioni, insitutet e Akademise së Shkencave dhe me vone universitetet në rrethe, shtëpitë botuese etj, për të plotësuar kërkesat e këtyre institucioneve per kuadro.

Këto specializime e profilizime janë shoqëruar edhe me një punë të madhe për hartimin e planeve të reja mësimore, të programeve të lëndeve të shumta që janë shtuar në këto plane, si dhe për rishikimin e programeve të lendëve ekzistuese, me qëllim që në to të pasqyrohen arritjet e shkencës botërore. Nga ana tjeter, për vetë profilin që ka ky fakultet, pas viteve ’90 u bë një riorganizim i përgjithshëm i programeve, të cilat kishin qene tejet të politizuara. Ato u reformuan totalisht si në formë dhe në përmbajtje.

Një ndihmesë të çmuar ka dhënë Fakulteti i Historisë dhe i Filologjisë për përgatitjen e studenteve të huaj si përkthyes, gjuhëtare, historianë, studiues të letërsisë shqiptare etj. Veçanërisht e madhe ka qenë puna e bërë nga dega e gjuhës dhe e letërsisë shqipe, pranë së cilës kanë studiuar dhe janë diplomuar 282 studentë të huaj, nga 25 vende të ndryshme të botës, kryesisht nga vendet i sh-socialiste, nga Azia, Afrika dhe Amerika Latine. Veç këtyre, pranë katedrës së gjuhës shqipe kanë ndjekur kurse përgatitore njëvjeçare të gjuhës mjaft studentë nga vende të ndryshme. Kjo traditë vijoi deri në vitin 1982, kur, si rrjedhim i politikës së vetizolimit të ndjekur nga qeveria e kohës, këto kurse u mbyllën, Tani po bëhen përpjekje të shumta per ta ringjallur këtë traditë të bukur. Kështu, nga viti 1991 e këndej pranë Departamentit të Gjuhësisë kanë ardhur, kryesisht në kuadrin e konventave kulturore, specializantë dhe studentë të huaj, një pjesë e të cilëve, pas përfundimit të kursit përgatitor njëvjeçar, po studiojnë për gjuhë shqipe dhe letërsi, ose mbrojnë teza dhe diploma të ndryshme të albanologjisë. Pranë këtij departamenti kanë kryer kualifikime pasuniversitare docentë kineze, docentë rumunë, grekë, zvicerianë etj e pritet të vijnë dhe të tjerë.

Prej vitit shkollor 1994-1995 kanë rifilluar të funksionojnë edhe kurset e verës të gjuhës dhe të kulturës shqiptare, në të cilat marrin pjesë studentë nga vende të ndryshme të botës.

Në vitin 2012 është krijuar në këtë fakultet Departamenti i Arkeologjisë dhe Trashëgimisë Kulturore.

Organizimi

Departamentet

• Departamenti i Arkeologjisë dhe Trashëgimisë Kulturore

• Departamenti i Gazetarisë dhe i Komunikimit

• Departamenti i Gjeografisë

• Departamenti i Gjuhësisë

• Departamenti i Historisë

• Departamenti i Letërsisë

Fakulteti i Historisë dhe i Filologjisë ofron programe në tre ciklet e studimit, Bachelor, Master i shkencave, dhe Doktoraturë.

Drejtuesit e Njësisë Kryesore dhe Bazë të Fakultetit të Historisë dhe i Filologjisë (FHF)

• Prof. Dr. Mark MARKU, Dekan. 

• Prof.Dr. Romeo HANXHARI, Zëvendësdekan

• Prof.Dr.Linda MËNIKU , Zëvendësdekan

• Prof.Asoc.Dr. Edlira MACAJ, Zëvendësdekan

• Dr. Erinda NDREÇKA, Zëvendësdekan

• Prof. Dr. Persida ASLLANI, Departamenti i Letërsisë

• Prof. Dr. Dhimitri BELLO, Departamenti i Gjuhësisë

• Prof. Dr. Valentina DUKA, Departamenti i Historisë

• Prof. Dr. Sonila SINJARI, Departamenti i Gjeografisë

• Prof. Asoc.Dr. Iris LUARASI, Departamenti i Gazetarisë dhe Komunikimit

• Prof. Dr. Iris POJANI, Departamenti i Arkeologjisë dhe Trashëgimisë Kulturore

Arkiva: Drejtues FHF (2020-2024 Gusht)

Organika e personelit akademik me kohë të plotë në FHF(Kliko këtu)

Struktura Organizative e Fakultetit të Historisë dhe i Filologjisë (Kliko këtu)

Kontakt (Kliko këtu)

Adresa: Rruga e Elbasanit, Tiranë, 

Email: fhf@fhf.edu.al

WEB: https://www.fhf.edu.al/

Tel: (+355 4) 2369987

The post Fakulteti i Historisë dhe Filologjisë appeared first on UNIVERSITETI I TIRANËS.

Në vitin 1960, u themelua Departamenti i Gjuhës Angleze (ish-katedra e Gjuhës Angleze). Fillimisht programi mësimor synonte kryesisht përgatitjen e mesuesve të ardhshëm të gjuhës angleze dhe gjuhës e letërsisë shqipe për shkollat e mesme dhe tetëvjeçare. Pesë vjet më vonë, në vitin 1965, u krijua Departamenti i Gjuhës Frënge.

Departamenti i Gjuhës Italiane u krijua në vitin 1984 me synimin për të përgatitur mësuesit e ardhshëm të gjuhës italiane si dhe për të përhapur dhe njohur kulturën dhe botëkuptimin italian.

Në shtator të vitit 1991, krijohet Fakulteti i Gjuhëve të Huaja. Ky fakultet në përbërjen e tij kishte Katedrën e Gjuhës Ruse, Katedrën e Gjuhës Angleze, Katedrën e Gjuhës Frënge dhe Katedrën e Gjuhës Italiane. Në vitin 1992 fakultetit i shtohet Katedra e Gjuhës Gjermane. Në vitin 1995 krijohet Departameni i Gjuhëve Sllavo- Ballkanike, i cili në përbërjen e tij përfshiu Degën e Gjuhës Rusë, Degën e Gjuhës Turke (1996) dhe degën e Gjuhës Greke(1998). Në vitin 2008, fakultetit i shtohet edhe departamenti i Gjuhës Spanjolle.

Organizimi

Departamentet

• Departamenti i Gjuhës Angleze

• Departamenti i Gjuhës Italiane

• Departamenti i Gjuhës Frënge

• Departamenti i Gjuhës Spanjolle

• Departamenti i Gjuhës Gjermane

• Departamenti i Gjuhëve Sllave dhe Ballkanike

• Departamenti i Gjuhës Greke

Fakulteti i Gjuhëve të Huaja ofron programe  në të tre ciklet e studimit Bachelor, Master Profesional, Master i Shkencave, si dhe Doktoraturë.

Drejtuesit e Njësisë Kryesore dhe Bazë të Fakultetit të Gjuhëve të Huaja (FGJH)

• Prof. Dr. Esmeralda KROMIDHA,  Dekan i Fakultetit të Gjuhëve të Huaja.

• Prof. Asoc. Dr. Marsela Likaj, Zëvendësdekan për Ciklin e parë të studimeve 

• Dr. Drita RIRA,  Zëvendësdekan për Ciklin e dytë të studimeve, marrëdhënieve ndërkombëtare

• Prof. Asoc. Dr. Anida Kisi, Zëvendësdekan për Ciklin e tretë të studimeve, kërkimin shkencor dhe inovacionin

• Dr. Kristina Sheperi, Zëvendësdekan për Marrëdhëniet me Studentët, formimin e vazhduar dhe zhvillimin e qëndueshëm 

• Prof. Asoc.Dr. Daniela Hasa,Departamenti i Gjuhës Angleze

• Prof. Asoc.Dr. Alba Frashëri, Departamenti i Gjuhës Frënge

• Prof. Asoc.Dr. Jonida Bushi, Departamenti i Gjuhës Gjermane

• Prof. Asoc.Dr. Mirela Papa, Departamenti i Gjuhës Italiane

• Prof. Asoc.Dr. Adriatik Derjaj, Departamenti të Gjuhëve Sllave dhe Ballkanike

• Prof. Asoc.Dr. Sofia Delijorgji, Departamenti i Gjuhës Greke

• Prof.Asoc.Dr. Flavia Kaba ( komandohet), Departamenti i Gjuhës Spanjolle

Arkiva: Drejtues FGJH (2020-2024 Gusht)

Organika me kohë të plotë e personelit akademik në FGJH (Kliko këtu)

Struktura Organizative e Fakultetit të Gjuhëve të Huaja (Kliko këtu)

Kontakt (Kliko këtu)

Adresa: Rruga e Elbasanit, Tiranë.

Tel: +355 4 2452610

Fakulteti i Gjuhëve të Huaja e ka selinë e vet me zyra dhe auditorë në Rrugën e Elbasanit dhe ndan të njëjtën ndërtesë me Fakultetin e Historisë dhe të Filologjisë

The post Fakulteti i Gjuhëve të Huaja appeared first on UNIVERSITETI I TIRANËS.

Fakulteti i Shkencave të Natyrës:

• Prof. Dr.Eglantina KALLUÇI, Dekan.

• Prof. Asoc. Dr. Dhurata PREMTI, Zëvendësdekan për kualifikimin pedagogjiko-shkencor dhe Ciklin e tretë të studimeve 

• Prof. Dr. Etleva HAMZARAJ, Zëvendësdekan për projektet shkencore dhe Qendrat e Kërkimit Shkencor 

• Prof.Asoc. Dr. Rudina OSMANAJ, Zëvendësdekan për kurrikulat e ciklit të parë dhe të dytë të studimeve

• Prof. Dr. Valbona ALIKO, Departamenti i Biologjisë

• Prof. Dr. Rigerta SADIKAJ, Departamenti i Bioteknologjisë

• Prof. Asoc. Dr. Gerti XHIXHA, Departamenti i Fizikës

• Prof. Dr. Alda KIKA, Departamenti i Informatikës,

• Prof. Dr. Bujar SEITI, Departamenti i Kimisë

• Prof. Asoc. Dr. Ilirjana BOCI, Departamenti i Kimisë Industriale

• Prof. Asoc .Dr. Eriola SILA, Departamenti i Matematikës

• Prof. Asoc. Dr. Aurora SIMONI, Departamenti i Matematikës së Aplikuar>

• Prof.Dr. Julian SHEHU, Drejtues i Qëndrës së Kërkimit Shkencor: Qendra Kërkimore e Florës dhe Faunës

Arkiva: Drejtues FSHN (2020-2024 Gusht)

Organika e personelit akademik me kohë të plotë të FSHN (Kliko këtu)

Struktura Organizative e Fakultetit të Shkencave të Natyrës (Kliko këtu)

The post Fakulteti i Shkencave të Natyrës appeared first on UNIVERSITETI I TIRANËS.

Fakulteti një vit më vonë u shtua me degën e Filozofi-Sociologjisë e më pas me degët e tjera të shkencave sociale. Me kalimin e viteve, Fakulteti i Shkencave Sociale u rrit, si në cilësinë e stafit, ashtu edhe në larminë e specialistëve që ai diplomon. Kështu, në vitin 1996 u hap dega e Psikologjisë dhe në vitin 2000 u hap dega e Shkencave Politike. Në vitin 2009 u krijuan departamentet e veçanta të Sociologjisë, Filozofisë dhe Shkencave Politike. Fakulteti ka 5 departamente, si dhe 3,290 studentë në të gjitha ciklet e studimit gjatë vitit akademik 2017-2018.

Fakulteti i Shkencave Sociale gjatë veprimtarisë së tij ka mision parësor përmbushjen e tre detyrimeve themelore që janë:

• Realizimi i procesit të mësimdhënies në auditor sipas standardeve bashkëkohore të zonës evropiane të arsimit të lartë.
• Nxitjen dhe realizimin e kërkimit shkencor në ndihmë të zhvillimeve të politikave sociale dhe humane të shoqërisë shqiptare.
• Nxitjen e mendimit kritik dhe krijues me qëllim zhvillimin e frymës së qytetarisë demokratike

Përmbushja e këtij misioni realizohet nëpërmjet arritjes së qëllimit kryesor të veprimtarisë së Fakultetit të Shkencave Sociale, që është përgatitja e specilistëve të rinj të fushave sociale me standard profesional, të aftë për t’u integruar në tregun evropian të shërbimeve sociale dhe humane.

Arritja e këtij qëllimi realizohet në Fakultetin e Shkencave Sociale nëpërmjet përmbushjes së objektivave të tij parësore, që janë:

• Standarde të larta në procesin e mësimdhënies
• Adoptimin e kërkimit shkencor si pjesë e punës së stafit akademik
• Realizimin e studimeve me rëndësi kombëtare në disiplinat sociale dhe humane
• Pjesëmarrjen në studime rajonale mbi hartimin e politikave sociale integruese me rajonin
• Kualifikimin e vazhdueshëm të stafit akademik nëpërmjet hapjes së programeve të reja të studimit në të gjitha ciklet e shkollimit universitar
• Ofrimin e mundësive për një arsim të specialistëve në fushat sociale për gjatë gjithë jetës
• Nxitjen e studimeve krahasuese dhe aplikative me ndikim mbi nxitjen e zhvillimeve ekonomike të vendit
• Dhënien e kontributeve për rritjen e standardeve demokratike të shoqërisë shqiptare
• Trajnimin me standarde bashkëkohore të studentëve në fushën e shkencave sociale dhe humane
• Rritjen e pjesëmarrjes së studentëve të fushave sociale në programe kërkimi kombëtare dhe rajonale
• Ndërmarrjen e punimeve shkencore teorike dhe aplikative me një numër të madh studentësh
• Rritjen e peshës së kualifikimit shkencor pasuniversitar
• Krijimin e një hapësire publike universitare që karakterizohet nga debati i lirë, serioz dhe me përkushtim ndaj të mirës publike.

Për realizimin e këtyre objektivave, Fakulteti i Shkencave Sociale ka një strategji afatgjatë të zhvillimit. Strategjia aftagjatë e Fakultetit të Shkencave Sociale, 2014-2020, fokusohet tek thellimi i mendimit kritik dhe konsolidimi dhe ekuivalentimi i programeve të studimit sipas kërkesave dhe standardeve evropiane. Kjo arrihet nëpërmjet:

• Hapjes së një numri programesh të reja studimi në të gjitha ciklet e shkollimit në arsimin e lartë shqiptar;
• Kualifikimit të vazhdueshëm të specialistëve në fushën sociale;
• Konsolidimit të profesioneve të reja në fushën e shkencave sociale;
• Zhvillimit të lëndëve që kultivojnë përdorimin kritik të intelektit.

Fakulteti, bazuar në sistemin e Bolonjës, ofron programe studimi në të tre ciklet: Bachelor, Master dhe Doktoraturë. Ai ka një staf të kualifikuar në disa prej universiteteve më të mira në SHBA dhe Evropë.

Fakulteti i Shkencave Sociale ka 5 departamente të cilat janë:

Organizimi:

Drejtuesit e Njësisë Kryesore dhe Bazë të Fakultetit të Shkencave Sociale (FSHS)

Arkiva: Drejtues FSHS (2020-2024 Gusht)

Organika me kohë të plotë e personelit akademik në FSHS (Kliko këtu)

Struktura Organizative e Fakultetit të Shkencave Sociale (Kliko këtu)

Kontakt (Kliko këtu)