Njoftim për të gjithë maturantët të cilët nuk janë regjistruar ende në një program studimi.

Të dashur maturantë që akoma nuk jeni regjistruar në një program studimi në institucionet e arsimit të lartë (IAL), Universiteti i Tiranës ka kuota të lira në programet e tij të studimit.

Në periudhën 13 – 24 tetor 2025, Ju ftoj të zgjidhni programet e Universiteti të Tiranës dhe të ndiqni procedurat përkatëse të regjistrimit, për t’u bërë pjesë e institucionit më të vjetër, më të madh dhe lider në vend.

Ju urojmë mirëseardhjen në familjen e madhe të UT-ës!

Rektori i Universitetit të Tiranës,
Prof. Dr. Artan HOXHA

Informacion për kandidatët e interesuar

Kandidatët që dëshirojnë të ndjekin programet e studimit në Universitetin e Tiranës, pavarësisht nëse kanë zgjedhur apo jo një nga programet e tij gjatë fazave paraprake të aplikimit, kandidatët e çregjistruar, si dhe kandidatët e evidentuar në portalin U-Albania si të paregjistruar në asnjë program studimi, janë të ftuar të paraqiten pranë fakulteteve përkatëse të Universitetit të Tiranës për t’u regjistruar në programet ku ka vendet e lira, gjatë periudhës 13–24 tetor 2025.

Gjithashtu, bazuar nër Urdhrin nr. 214 dt. 08.10.2025, të gjithë kandidatët të cilët kanë aplikuar në formularin A1Z më datë 14 tetor 2025, mund të aplikoni në programet e studimit të Universitetit të Tiranës në periudhën 15-24 tetor 2025 për ato programe ku ka ende kuota të lira.

Për të marrë informacion të përditësuar mbi kuotat e lira, afatet e regjistrimeve dhe procedurat përkatëse, kandidatët mund të informohen në mënyrë të vazhdueshme duke u paraqitur fizikisht pranë Fakulteteve të institucionit, në sekretaritë mësimore përkatëse.

👉
Klikoni këtu për të parë kuotat e lira sipas fakulteteve dhe programeve të studimit.