Agjencia Universitare për Frankofoninë në Evropën Qendrore dhe Lindore (AUF-ECO), në bashkëpunim me Radio France Internationale (RFI) Rumani, po lançon dy thirrje për aplikime për stazhe përkthimi në distancë për artikuj shtypi, të destinuara për studentët frëngjishtfolës të regjistruar në një program bachelor ose master në një institucion anëtar të AUF-ECO.

Dy stazhet profesionale do të zgjasin tre muaj dhe do të zhvillohen duke filluar nga shtatori 2025. Ky program është pjesë e projektit rajonal Europa Plus dhe synon të forcojë integrimin profesional dhe punësimin e të rinjve frëngjishtfolës në rajon. Personat e përzgjedhur do të marrin një bursë për një periudhë prej tre muajsh.

Afati i fundit i aplikimit: 31 gusht 2025.

Fushat për aplikim: gazetari, komunikim, gjuhë të huaja, përkthim, sipas linkeve:

https://www.auf.org/europe-centrale-orientale/nouvelles/appels-a-candidatures/stages-de-traduction-langue-nationale-francais-distance-en-partenariat-avec-la-rfi-roumanie-1er-appel-2024-2/

https://www.auf.org/europe-centrale-orientale/nouvelles/appels-a-candidatures/stages-de-traduction-francais-roumain-distance-en-partenariat-avec-la-rfi-roumanie-2-2-2-2/

Për më shumë informacion mund të kontaktohet me adresën stages-eco@auf.org.

Universiteti i Tiranës ju uron suksese!