Rektorati i Universitetit të Tiranës shpall konkursin për 1(një) vend pune për personel ndihmësakademik me karakter administrativ, të emërtesës, “Specialist” në Sektorin e Kërkimit Shkencor dhe Projekteve, në Drejtorinë e Kërkimit Shkencor, Projekteve dhe Marrëdhënieve me Jashtë
Kandidatët konkurentë për këtë vend pune, duhet të plotësojnë këto kritere:
Kritere të përgjithshme:
- Të jetë shtetas shqiptar me zotësi të plotë për të vepruar;
- Të zotërojë diplomë të nivelit ”Master i Shkencave” ose diplomë ekuivalente me të. Për diplomat jashtë vendit, të jetë berë njohja e tyre nga ministria përgjegjëse për arsimin;
- Të mos jetë dënuar me vendim të formës së prerë të gjykatës për kryerjen e një vepre penale me dashje;
- Të mos jetë marrë ndaj tij masa disiplinore e largimit nga puna.
Kritere specifike:
- Preferohet të ketë eksperience pune në IAL ose në fushën shkrim/zbatim projekti, kërkim shkencor;
- Preferohet të ketë eksperiencë në programet evropiane (Erasmus +, Horizon Europe, etj);
- Preferohet të ketë eksperiencë në shkrimin dhe manaxhimin e projekteve si edhe në organizimin e aktiviteteve dhe konferencave shkencore;
- Të njohë shumë mirë legjislacionin në fuqi lidhur me Arsimin e Lartë;
- Të ketë njohuri shumë të mira në perdorimin e kompjuterit;
- Të ketë njohuri shumë të mira të gjuhës angleze;
- Të ketë aftësi shumë të mira komunikimi, etikë profesionale dhe të punojë në grup.
Kandidatët duhet të dorëzojnë pranë Sektorit të Burimeve Njerëzore, në Drejtorinë e Shërbimeve të Brendshme, në Rektoratin e Universitetit të Tiranës, këto dokumenta:
- Kërkesë me shkrim;
- Curriculum vitae;
- Diplomë e studimeve universitare (fotokopje e noterizuar) dhe lista e notave Për diplomat e marra në universitetet e huaja, duhet të dorëzohet fotokopja e noterizuar e çertifikatës së njohjes nga organi kompetent;
- Të paktën dy referenca nga punëdhënësit e mëparshëm;
- Dëshmi penaliteti;
- Fotokopje e dokumentit të identifikimit;
- Dëshmi e zotërimit të gjuhës së huaj (fotokopje e noterizuar);
- Dëshmi që të vërtetojë njohuritë bazë të përdorimit të kompjuterit (fotokopje e noterizuar);
- Kopje të librezës së punës (fotokopje e noterizuar);
- Çertifikatë personale;
- Çertifikatë e gjendjes familjare;
- Raport i lëshuar nga Komisioni Mjeko Ligjor;
- Raport për kryerjen e kontrollit mjekësor bazë;
Dokumentat pranohen në Rektoratin e Universitetit të Tiranës, Sheshi “Nënë Tereza”, Tiranë, nga data 12.01.2026 – 26.01.2026. Përzgjedhja e kandidatëve fitues do të bëhet nëpërmjet konkurimit me dosje dhe me intervista të drejtëpërdrejta.