Universiteti i Tiranës renditet i dyti në Kampionatin Ndërkombëtar në “Beach Volleyball”, organizuar në Izrael

Universiteti i Tiranës u përfaqësua në Kampionatin Ndërkombëtar ASA Izrael (Shoqata Akademike e Sportit), me një grup vajzash në disiplinën “Beach Volleyball”.

Në këtë aktivitet sportiv morën pjesë 1 500 studentë nga 25 Universitete ndërkombëtare. Pjesëmarrja në këtë aktivitet u mundësua me mbështetjen financiare të Universitetit të Tiranës.

Ekipi sportiv i vajzave të Universitetit të Tiranës, në këtë aktivitet ndërkombëtar, u rendit në vendin e dytë. Dëshirojmë të theksojmë që pjesëmarrja në Kampionatin Ndërkombëtar ASA Izrael (Shoqata Akademike e Sportit) ishte një mundësi e mirë jo vetëm për të shkëmbyer njohuri dhe për të ndarë eksperienca në zhvillimin e sporteve universitare në mbarë botën, por dhe një mundësi për të promovuar misionin dhe vlerat e Universitetit të Tiranës në fushën e sporteve.

Universiteti i Tiranës do të ofrojnë një mbështetje të vazhdueshme për studentët pasi shëndeti, mirëqenia dhe përvojat që ata fitojnë nga sporti i ndihmojnë të bëhen anëtarë aktivë në shoqërinë tonë.

Falenderojmë ekipin e vajzave pjesëmarrëse në këtë aktivitet, profesorët dhe

Departamentin e Edukimit Fizik dhe Sporteve pranë Universitetit të Tiranës për angazhimin në rritjen e ndërgjegjësimit për rëndësinë e sportit në institucionet e Arsimit të Lartë.