Zgjedhjet e reja në Konferencën e Rektorëve 

U mblodh sot Konferenca e Rektorëve, me rektorë të universiteteve publike dhe jopublike në Shqipëri.

Gjatë këtij takimi u zgjodh Kryetari i Konferencës së Rektorëve, detyrë të cilën do të vazhdojë ta mbajë Rektori i UT-së, Prof. Dr. Artan Hoxha. Gjithashtu u zgjodhën edhe dy nën kryetarët, Prof. Dr. Tonin Gjuraj për IAL-të publike, dhe Prof. Dr. Besnik Aliaj për IAL-të private. 

Në këtë takim mori pjesë edhe Ministrja e Arsimit dhe Sportit Ogerta Manastirliu, e cila gjatë fjalës përshëndetëse vlerësoi bashkëpunimin për fuqizimin e universiteteve, zgjerimin e programeve në kuadër të ndërkombëtarizimit dhe punën e përbashkët për profilizimin e universiteteve rajonale. 

Kryetari i Konferencës, profesor Artan Hoxha gjatë fjalës së tij theksoi se kanë qënë në komunikim të vazhdueshëm me Ministrinë e Arsimit, në interes të zhvillimit të Arsimit të Lartë në vënd dhe nevojave të shoqërisë. Ai i’u uroj suksese të gjithë të pranishmëve për detyrat që kanë marrë përsipër këtë mandat.