Universiteti i Tiranës njofton se revistat shkencore të botuara nga njësitë akademike janë tashmë të pajisura me Digital Object Identifier (DOI), duke garantuar kështu identifikimin unik dhe citueshmërinë e tyre në nivel ndërkombëtar.

Këto revista përbëjnë një instrument të rëndësishëm të transparencës akademike, duke kontribuar në përhapjen dhe shkëmbimin e dijes shkencore sipas standardeve të Bashkimit Europian dhe parimeve të Open Access. Me këtë hap, Universiteti i Tiranës forcon më tej rolin e tij si qendër e rëndësishme e kërkimit dhe publikimit shkencor në vend dhe rajon.