Burime dhe biblioteka online në dispozicion të Universitetit të Tiranës
JSTOR
Universiteti i Tiranës, në bashkëpunim me AADF, ka finalizuar marrëveshjen për abonimin në JSTOR.
Biblioteka digjitale JSTOR ofron më shumë se 12 milion artikuj akademikë,
85.000 libra dhe 2 milion dokumente në 75 disiplina.
JSTOR u jep mundësi stafit akademik dhe studentëve të kërkojnë në fusha si:
biznesi, teknologjia, ekologjia, shkencat sociale, historia, drejtësia etj.
Si të hyni nga jashtë rrjetit UT:
-
Shkoni në faqen zyrtare të
JSTOR
. -
Në menunë Register, zgjidhni opsionin
“Continue with Microsoft” dhe vendosni adresën zyrtare
të postës elektronike të ofruar nga Universiteti i Tiranës. -
Pas këtij veprimi, ju do të keni akses në JSTOR dhe në krye të faqes
do të shfaqet mesazhi:
“Access provided by University of Tirana”.
Elsevier / Scopus
Universiteti i Tiranës ka siguruar akses institucional në platformën ndërkombëtare
Elsevier, duke përfshirë databazën shkencore Scopus dhe shërbimin Scopus AI Foundation.
Ky akses u mundëson studentëve, stafit akademik dhe kërkuesve shkencorë të Universitetit
të Tiranës përdorimin e një prej platformave më të avancuara në nivel ndërkombëtar për
kërkimin shkencor, analizën bibliometrike, monitorimin e citimeve, identifikimin e revistave
të indeksuara dhe eksplorimin inteligjent të literaturës akademike përmes teknologjive të
inteligjencës artificiale.
Shërbimi mbështet zhvillimin e kërkimit shkencor, rritjen e dukshmërisë ndërkombëtare të
publikimeve të Universitetit të Tiranës dhe forcimin e proceseve të ndërkombëtarizimit dhe
cilësisë akademike.
U-library
U-library ofrohet nga Projekti për krijimin e Qendrës Ndëruniversitare të
Shërbimeve dhe Rrjetit Telematik Universitar.
COBISS+
COBISS+ u mundëson bibliotekave dhe përdoruesve qasje online në bazat
e të dhënave COBIB dhe bazat lokale.
Platforma është e disponueshme për studentë, profesorë dhe publikun.