Hapet thirrja për aplikime për stafin akademik me kohë të plotë të Universitetit të Tiranës në Universitetin e Nantes, Francë, për semestrin e dytë të vitit akademik 2022-2023, në datat 5 – 9 qershor 2023.
Në kuadër të programit Erasmus+ është hapur thirrja për aplikime për bursa për trajnim për stafin me kohë të plotë të Universitetit të Tiranës në Universitetin e Nantes, Francë, për semestrin e dytë të vitit akademik 2022-2023, në datat 5 – 9 qershor 2023.
Llojet e mobilitetit përfshijnë:
-Shkëmbimin e stafit akademik me kohë të plotë për trajnim;
Fushat e shkëmbimit:
– Gjeografi;
Kohëzgjatja:
– 5 + 2 ditë;
Bursat përfshijnë:
-Kompensim ditor (160 Euro / dita);
-Kostot e udhëtimit (në varësi të distancës midis universitetit pritës dhe atij të origjinës)
Për të përcaktuar distancën ju lutemi referohuni:
http://ec.europa.eu/programmes/erasmus-plus/tools/distance_en.htm
Dokumentet e nevojshme për aplikim për stafin akademik me kohë të plotë për trajnim:
– CV + Lista e publikimeve (në gjuhën angleze / frënge);
– Kopje e Pasaportës;
– Letër motivimi (në gjuhën angleze / frënge);
– Vërtetim punësimi (në gjuhën shqipe);
– Certifikata e gjuhës së huaj;
– Vërtetim nëse keni kryer apo jo më parë një mobilitete Erasmus+ (nëse po, ku, duke cituar universitetet ku keni kryer mobilitet dhe periudhën për secilin);
– Plani i mobilitetit për trajnim;
Për të shkarkuar formatin e Planit të Mobilitetit për trajnim klikoni në adresën:
https://unitir.edu.al/wp-content/uploads/2020/09/Mobility_Agreement_Training_outgoing-1.docx
Plani i Mobilitetit për trajnim është një dokument në të cilin duhet të specifikohet programi juaj i propozuar që do të kryeni gjatë periudhës së trajnimit. Ky dokument firmoset nga aplikanti në momentin e aplikimit dhe më pas nga Koordinatori Institucional Erasmus+.
Afati për aplikim: 10 Prill 2023
Dokumentat duhen dorëzuar dorazi në Rektoratin e Universitetit të Tiranës, Sektori i Marrëdhënieve me Jashtë, si dhe duhet të dërgohen të skanuara në e-mailin iro@unitir.edu.al.
Për më shumë informacion mbi bursat mund të na kontaktoni në adresën: iro@unitir.edu.al.
Universiteti i Tiranës ju uron suksese në aplikimin tuaj!