Një delegacion i drejtuar nga Rektori i Universitetit të Tiranës Prof. Dr. Artan Hoxha, mori pjesë në një takim të organizuar në qytetin e Napolit, Itali, me qëllim nënshkrimin e një Marrëveshje Bashkëpunimi me Universitetin Oriental të Napolit.

 

Kjo marrëveshje synon kryerjen e kërkimeve shkencore të ndërsjellëta, shkëmbimi i personelit akademik, studentëve dhe programeve arsimore, duke përfshirë shkëmbimin e përvojës në edukimin e studentëve dhe stafit si dhe krijimin e programeve të përbashkëta të studimit.

 

Në këtë takim ishte prezente edhe ambasadorja Znj. Anila Bitri Lani, Ambasadore e Republikës së Shqipërisë në Republikën Italiane.