Agence Universitaire de la Francophonie (AUF) është një rrjet ndërkombëtar i universiteteve dhe institucioneve arsimore që përdorin gjuhën frënge si mjet të arsimit dhe kërkimit shkencor. AUF ka për qëllim të promovojë bashkëpunimin akademik, shkencor dhe kulturor mes anëtarëve të saj dhe të mbështesë zhvillimin e arsimit të lartë dhe kërkimit në mbarë botën frankofone.

Objektivat kryesore të Agence Universitaire de la Francophonie (AUF)janë:

• Nxitja e bashkëpunimit ndërkombëtar mes universiteteve frankofone;
• Promovimi i mobilitetit të studentëve, pedagogëve dhe kërkuesve shkencorë;
• Mbështetja e projekteve kërkimore dhe inovative në arsimin e lartë;
• Shkëmbimi i praktikave më të mira në fushën e mësimdhënies, menaxhimit universitar dhe zhvillimit të kapaciteteve;
• Përforcimi i rolit të universiteteve frankofone në zhvillimet globale dhe në promovimin e gjuhës dhe kulturës franceze;

Universiteti i Tiranës, përmes Fakultetit të Gjuhëve të Huaja dhe fakulteteve të tjera të tij, ka qenë i angazhuar në mënyrë aktive në kuadër të projekteve të përbashkëta me Agence Universitaire de la Francophonie (AUF). Këto projekte kanë kontribuar në forcimin e kapaciteteve kërkimore, mësimore dhe inovative të institucionit tonë, duke promovuar ndërkombëtarizimin dhe bashkëpunimin rajonal e ndërkombëtar.

Në këtë kuadër, Universiteti i Tiranës ka marrë pjesë dhe ka fituar projektet e mëposhtme:

Përmes këtyre projekteve, Universiteti i Tiranës ka konsoliduar rolin e tij si një aktor kyç në fushën e kërkimit dhe mësimdhënies në gjuhën frënge, ka promovuar diversitetin kulturor dhe ka kontribuar në zhvillimin e praktikave inovative në pedagogji, shkencë dhe trashëgimi kulturore.