Alumni – Universiteti i Tiranës

Rubrika Alumni e Universitetit të Tiranës është një hapësirë institucionale e dedikuar për ndërtimin dhe forcimin e lidhjes së vazhdueshme ndërmjet Universitetit dhe komunitetit të të diplomuarve të tij. Kjo rubrikë synon të evidentojë arritjet profesionale dhe akademike të Alumni UT, të promovojë historitë e suksesit dhe të krijojë mundësi të reja bashkëpunimi ndërmjet universitetit, studentëve aktualë dhe tregut të punës.

Universiteti i Tiranës e konsideron komunitetin Alumni një pjesë të rëndësishme të identitetit dhe zhvillimit institucional, duke vlerësuar kontributin e të diplomuarve në fusha të ndryshme të jetës akademike, profesionale, publike dhe shoqërore.

Nëpërmjet kësaj platforme synohet:

krijimi i një databaze institucionale të Alumni UT;

promovimi i profileve dhe historive të suksesit;

publikimi i aktiviteteve, eventeve dhe nismave të përbashkëta;

krijimi i urave të bashkëpunimit për mentorim, praktika profesionale dhe mundësi punësimi;

forcimi i rrjetit profesional dhe akademik të të diplomuarve të Universitetit të Tiranës.

Rubrika Alumni do të shërbejë gjithashtu si një hapësirë komunikimi dhe angazhimi të vazhdueshëm, ku të diplomuarit mund të kontribuojnë në zhvillimin e komunitetit universitar, ndarjen e eksperiencave profesionale dhe mbështetjen e studentëve aktualë në rrugëtimin e tyre akademik dhe profesional.

Universiteti i Tiranës mbetet i përkushtuar për të ndërtuar një komunitet Alumni aktiv, bashkëpunues dhe përfaqësues të vlerave akademike dhe qytetare të UT-së.