Hapet thirrja për pjesëmarrje në Konferencën e IV-të Shkencore Studentore Ndërkombëtare!

Universiteti i Tiranës ka kënaqësinë të shpallë thirrjen për pjesëmarrje në edicionin e katërt të Konferencës Shkencore Studentore Ndërkombëtare
“Kërkimi shkencor dhe edukimi në perspektivën e studentëve dhe studiuesve të rinj (IV)”, duke ftuar studentët e cikleve Bachelor, Master dhe Doktoraturë, si edhe studiuesit e rinj, të bëhen pjesë e një forumi akademik kushtuar kërkimit shkencor, dialogut ndërdisiplinor dhe shkëmbimit të ideve.

Konferenca synon të krijojë një hapësirë frymëzuese ku studentët dhe studiuesit e rinj të prezantojnë rezultatet e punës së tyre kërkimore, të ndajnë përvoja dhe praktika të mira, si dhe të diskutojnë sfidat dhe perspektivat bashkëkohore të shkencës dhe arsimit.

Duke promovuar mendimin kritik, inovacionin dhe kreativitetin, konferenca kontribuon në zhvillimin e një kulture të qëndrueshme kërkimore dhe në fuqizimin e brezit të ri të studiuesve.

Njëkohësisht, konferenca synon të forcojë bashkëpunimin akademik ndërmjet universiteteve dhe institucioneve kërkimore, në nivel kombëtar dhe ndërkombëtar, duke nxitur krijimin e rrjeteve të reja profesionale dhe shkencore.

Aty ku mendjet e reja bashkohen, kërkimi shkencor shndërrohet në dije, bashkëpunim dhe ndikim për të ardhmen.

Kush mund të marrë pjesë?

Informacion shtesë

• Gjuhët e konferencës do të jenë shqip dhe anglisht.
• Pjesëmarrësit do të dorëzojnë dhe prezantojnë punën e tyre në gjuhën shqipe ose angleze.
• Pjesëmarrja është pa pagesë.
• Konferenca do të mbahet në Dhjetor 2026, në Tiranë.
• Punimet do të zhvillohen fizikisht dhe online.
• Të gjithë autorët do të marrin certifikatë pjesëmarrjeje.

Data të rëndësishme

Temat e konferencës

Temat e konferencës përfshijnë fushat në vijim. Inkurajohet edhe trajtimi i tematikave ndërdisiplinore që lidhin këto fusha, duke përfshirë edhe integrimin e Inteligjencës Artificiale në kontekste të ndryshme akademike dhe profesionale.