Blerina ZAIMI - KUJTESA SI MJET PËR TË HULUMTUAR BOTËN E BRENDSHME TË PERSONAZHEVE NË ROMANET E KAZUO ISHIGUROS  - UNIVERSITETI I TIRANËS

Blerina ZAIMI – KUJTESA SI MJET PËR TË HULUMTUAR BOTËN E BRENDSHME TË PERSONAZHEVE NË ROMANET E KAZUO ISHIGUROS 

Titulli i Disertacionit: KUJTESA SI MJET PËR TË HULUMTUAR BOTËN E BRENDSHME TË PERSONAZHEVE NË ROMANET E KAZUO ISHIGUROS 

Autori: Blerina ZAIMI
Institucioni: Universiteti i Tiranës, Fakulteti i Gjuhëve të Huaja, Departamenti i Gjuhës Angleze
Fusha e studimit: Shkenca Humane me nënfushë “Letërsi botërore moderne dhe postmoderne”
Data e publikimit online: 16.11.2026
Disertacioni gjendet i publikuar në Gjuhën Shqip

© E drejta e autorit:  Blerina ZAIMI
Publikuar nga Universiteti i Tiranës
Bazuar në aktet ligjore, rregulloreve dhe politikave të UT-ës

👉 Klikoni këtu për të parë disertacionin e plotë (PDF)

 

ABSTRAKT

Ky studim synon një analizë të thelluar të romaneve të shkrimtarit anglo-japonez Kazuo Ishiguro, një nga zërat më të rëndësishëm të letërsisë bashkëkohore. Kujtesa zë një vend qendror në krijimtarinë e tij dhe paraqitet jo thjesht si një rezervuar kujtimesh besnike, por si një proces kompleks rindërtimi. Përmes rrëfimeve të personazheve të shënjuara nga pasiguria, keqardhja dhe mohimi, autori hulumton marrëdhënien ndërmjet kujtesës individuale, identitetit dhe përgjegjësisë morale. Personazhet rikthehen vazhdimisht tek e kaluara për t’i dhënë kuptim ekzistencës së tyre, por nxjerrin në pah edhe mekanizmat e vetëmashtrimit dhe të harresës së qëllimshme. Kujtimet fragmentare, heshtjet dhe kontradiktat që përshkojnë romanet e Ishiguros vënë në pikëpyetje besueshmërinë e rrëfimit dhe mënyrën se si ndërtohet e vërteta. Kujtesa shfaqet, gjithashtu, si një hapësirë ku ndërthuren historia personale dhe ajo kolektive, veçanërisht në kontekstin e traumave të shkaktuara nga ndryshimet e mëdha historike e shoqërore ose nga humbjet e thella emocionale. Duke u mbështetur në teoritë e Zigmund Frojdit, Frederik C. Bartletit, Moris Halvaksit, Pol Rikërit dhe Daniel L. Shehterit, ky punim argumenton se kujtesa tek Ishiguroja është njëkohësisht mjet për ruajtjen e identitetit dhe pengesë për përballjen me realitetin, çka nxit si rezultat një reflektim mbi vetënjohjen, faljen dhe harresën.

Fjalë kyçe: kujtesë individuale, kujtesë kolektive, kujtesë traumatike, kujtesë nostalgjike, kujtesë me karakter rindërtues, kujtesë e bllokuar, kujtesë e manipuluar, kujtesë e detyruar, kujtesë autobiografike, përsëritje kompulsive, nostalgji, vajtim dhe melankoli, emplotment, kujtesë-falje-harresë, faj, turp, mohim, mashtrim dhe vetëmashtrim.

 

ABSTRACT

This study aims to provide an in-depth analysis of the novels of the Anglo-Japanese writer Kazuo Ishiguro, one of the most significant voices in contemporary literature. Memory occupies a central place in his work and is presented not merely as a reliable repository of the past, but as a complex process of reconstruction. Through narratives shaped by uncertainty, regret, and denial, Ishiguro explores the relationship between individual memory, personal identity, and moral responsibility. His characters repeatedly return to the past in an attempt to make sense of their existence, while simultaneously revealing the mechanisms of self-deception and deliberate forgetting. The fragmented memories, silences, and contradictions that permeate Ishiguro’s novels challenge the reliability of narration and the ways in which truth is constructed. Memory also emerges as a space where personal and collective histories intersect, particularly in the context of traumas caused by major historical and social transformations or profound emotional losses. Drawing on the theories of Sigmund Freud, Frederic C. Bartlett, Maurice Halbwachs, Paul Ricoeur, and Daniel L. Schacter, this study argues that memory in Ishiguro’s fiction functions both as a means of preserving identity and as an obstacle to confronting reality, encouraging thus reflection on self-knowledge, forgiveness, and forgetting.

Keywords: individual memory, collective memory, traumatic memory, nostalgic memory, reconstructive memory, blocked memory, manipulated memory, obligated memory, autobiographical memory, compulsion repetition, nostalgia, mourning and melancholia, emplotment, remembering-forgiving-forgetting, guilt, shame, denial, deception and self-deception.

Uni Education by Shark Themes