Më datën 3 shtator 2014, në orën 11:00 në Sallën e Senatit Akademik të Rektoratit të Universitetit të Tiranës, u organizua ceremonia e dhënies së titullit “Doctor Honoris Causa” për Z.Ahmet Çal?k.

 

Z. Çal?k e morri këtë titull me motivacionin: “Për kontribut të veçantë dhe këmbëngulje të pashoqe në zhvillimin e ekonomisë shqiptare si dhe për vlerësimin dhe mbështetjen e vazhdueshme të universiteteve  në Shqipëri.”

 

Në ceremoni ishin të pranishëm Prof. Dr. Dhori Kule, Rektor i Universitetit të Tiranës, Senatorët e UT-së, Znj. Lindita Nikolla, Ministër i Arsimit dhe Sportit, Znj. Brunilda Paskali, Zv. Ministre e Zhvillimit Ekonomik, Tregtisë dhe Sipërmarrjes, SH.T Z. Hidayet Bayraktar, Ambasador i Republikës Turke në Shqipëri,  shumë personalitete nga fusha e politikës dhe arsimit, përfaqësues të kompanisë “Çal?kHolding”, Rektorë të Universiteteve Publike dhe Private, drejtues dhe pedagogë të  Universitetit të Tiranës si dhe shumë të ftuar të tjerë.