Në datën 10 Dhjetor 2024, Grupi CMS-Albania UT-UPT mori pjesë online në mbledhjen e Bordit Institucional Muon (MuIB) të Eksperimentit CMS në CERN, në të cilin u diskutua aprovimi i klasterit institucional të përbërë nga Universiteti i Tiranës dhe Universiteti Politeknik i Tiranës si institucion partner me të drejta të plota sa i përket publikimeve shkencore. Tani e tutje, grupi jonë ka të drejta të plota të firmosjes së publikimeve në lidhje me kontributet përkatëse shkencore për nën-sistemin e RPC-ve. Njëkohësisht anëtari i grupit CMS-Albania UT-UPT, Prof. Asoc. Dr. Klaudio Peqini, është përzgjedhur nga vetë MuIB si përfaqësues i klasterit shqiptar në këtë bord.

Linku Indico: https://indico.cern.ch/event/1483288/

Prezantimi: https://indico.cern.ch/event/1483288/contributions/6249989/attachments/2983303/5255658/MUIB_Dec_2024_v2.pdf