Enkelejda BARA - REZULTATET E TË NXËNIT DHE FORMIMI I KOMPETENCAVE PROFESIONALE TË STUDENTËVE TË MËSUESISË NË KURRIKULËN E BIOLOGJISË - UNIVERSITETI I TIRANËS

Enkelejda BARA – REZULTATET E TË NXËNIT DHE FORMIMI I KOMPETENCAVE PROFESIONALE TË STUDENTËVE TË MËSUESISË NË KURRIKULËN E BIOLOGJISË

Titulli: REZULTATET E TË NXËNIT DHE FORMIMI I KOMPETENCAVE PROFESIONALE TË STUDENTËVE TË MËSUESISË NË KURRIKULËN E BIOLOGJISË

Autori: Enkelejda BARA
Institucioni: Universiteti i Tiranës, Fakulteti i Shkencave të Natyrës, Departamenti i Biologjisë
Fusha e studimit: Shkencat Biologjike
Data e publikimit: 16.11.2026
Disertacioni gjendet i publikuar në Gjuhën Shqipe


© E drejta e autorit: Enkelejda BARA 
Publikuar nga Universiteti i Tiranës
Bazuar në aktet ligjore, rregulloreve dhe politikave të UT-ës.

👉 Klikoni këtu për të parë disertacionin e plotë (PDF)

 

ABSTRAKT

Ky studim shqyrton marrëdhëniet ndërmjet elementeve të procesit të formimit universitar dhe zhvillimit të kompetencave profesionale të studentëve të mësuesisë në biologji. Studimi mbështetet në konceptin e një kurrikule të orientuar drejt rezultateve të të nxënit dhe synon të analizojë mënyrën se si formimi profesional, kurrikula dhe praktikat e mësimdhënies, si dhe procesi i vlerësimit, lidhen me perceptimin e studentëve të mësuesisë në biologji për zhvillimin e kompetencave të tyre profesionale.

Kërkimi është realizuar përmes një qasjeje sasiore me dizajn jo-eksperimental. Kampioni përfundimtar përbëhet nga 200 studentë të programeve universitare të mësuesisë në biologji. Të dhënat janë mbledhur përmes një pyetësori të strukturuar me shkallë Likert, të organizuar në katër dimensione kryesore: formimi profesional dhe standardet e mësuesit; kurrikula, mësimdhënia dhe mjedisi i të nxënit; zhvillimi i kompetencave profesionale; dhe procesi i vlerësimit të të nxënit.

Të dhënat janë analizuar përmes metodave statistikore përshkruese dhe inferenciale, duke vlerësuar si tendencat e përgjithshme të perceptimeve të studentëve, ashtu edhe marrëdhëniet ndërmjet dimensioneve të studimit. Rezultatet tregojnë se studentët e perceptojnë organizimin e procesit të formimit universitar si një element të rëndësishëm për zhvillimin e kompetencave profesionale. Në veçanti, mënyra e organizimit të mësimit, metodat e përdorura dhe lidhja ndërmjet përgatitjes teorike dhe përvojës praktike vlerësohen si aspekte që mbështesin formimin e kompetencave profesionale, veçanërisht ato që lidhen me kurrikulën.

Studimi nënvizon nevojën për një lidhje më koherente ndërmjet rezultateve të të nxënit, përmbajtjes kurrikulare, strategjive të mësimdhënies dhe formave të vlerësimit. Gjetjet mund të shërbejnë si bazë për rishikimin dhe përmirësimin e programeve të formimit fillestar të mësuesve të biologjisë dhe për forcimin e orientimit të tyre drejt zhvillimit të kompetencave profesionale.

Fjalë kyçe: kurrikula e biologjisë; rezultate të të nxënit; kompetenca profesionale; formimi i mësuesve; arsimi i lartë; mësimdhënia e biologjisë; vlerësimi i të nxënit.

 

ABSTRACT

This study examines the relationships between the elements of the university teacher education process and the development of professional competencies among students enrolled in biology teacher education programs. The study is grounded in the concept of a learning-outcomes-oriented curriculum and aims to analyze how professional preparation, curriculum and teaching practices, as well as the assessment process, are related to biology teacher education students’ perceptions of the development of their professional competencies.

The research was conducted using a quantitative approach with a non-experimental design. The final sample consisted of 200 students enrolled in university biology teacher education programs. Data were collected through a structured Likert-scale questionnaire organized into four main dimensions: professional preparation and teacher standards; curriculum, teaching and learning environment; development of professional competencies; and the learning assessment process.

The data were analyzed using descriptive and inferential statistical methods, assessing both the general trends in students’ perceptions and the relationships among the dimensions examined in the study. The results indicate that students perceive the organization of the university teacher education process as an important factor in the development of professional competencies. In particular, the organization of teaching, the methods employed, and the connection between theoretical preparation and practical experience are perceived as aspects that support the development of professional competencies, particularly those related to the curriculum.

The study highlights the need for a more coherent alignment among learning outcomes, curricular content, teaching strategies, and assessment methods. The findings may provide a basis for reviewing and improving initial biology teacher education programs and for strengthening their orientation toward the development of professional competencies.

Keywords: biology curriculum; learning outcomes; professional competencies; teacher education; higher education; biology teaching; learning assessment.

Uni Education by Shark Themes