FTESË PËR OFERTË

Nr.  187/1,  Datë 16.12.2024

Për “Blerje reagentë dhe materiale laboratorike”                                                           

Financuar në kuadër të projektit “SUSNANO”, Programi “HORIZON

DREJTUAR:      TË GJITHË TË INTERESUARËVE PËR TË MARRË PJESË

Publikuar në website-n e Universitetit të Tiranës

Referimi ynë:  Urdhër blerje nr.187, datë 16.12.2024

Subjekti:         Ftesë për ofertë me objekt “Blerje reagentë dhe materiale laboratorike”

• Shkarko dokumentin në formatin word (Kliko këtu)
• Shkarko dokumentin në formatin pdf (Kliko këtu) 

 

Të nderuar Zonja / Zotërinj,

Rektorati i Universitetit të Tiranës, mbështetur në Programin Kuadër i BE-së për Kërkim dhe Inovacion, nënshkruar nëpërmjet një Marrëveshjeje ndërmjet Shqipërisë dhe BE-së në 1 Korrik 2014, në Ligjin nr.37/2015 “Për ratifikimin e marrëveshjes kuadër ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, dhe Komisionit Evropian për rregullat e zbatimit të mbështetjes financiare të BE-së për Shqipërinë, në kuadër të instrumentit për asistencën e paraanëtarësimit (IPA II)”, në Ligjin nr.44, datë 30.04.2015 “Kodi  i  Procedurave Administrative në RSh”, në Grant Agreement me REA si Kordinator Lider, në kuadër të projektit “HORIZON-WIDERA-2021-ACCESS-02” me titull “Twinning to boost the scientific and innovation capacity of the Universiteti i Tiranes to develop sustainable nanosensors for water pollution detection” – (SUSNANO), Programi “Horizon Europe Framework” me nr.ref: 101059266, bazuar në parashikimet e udhëzuesit sipas versionit të fundit “Guidelines  for the use of the grant”; në vijim të kërkesës së Fakultetit të Shkencave të Natyrës, përcjellë Administratorit nga DKSHPMJ me nr.prot.3449/1, datë 27.11.2024 për blerje reagent dhe pajisjesh laboratorike në kuadër të projektit, si dhe në vijim të Urdhrit të blerjes nr.187, datë 16.12.2024,

 

Ju fton të paraqisni ofertën tuaj me objekt “Blerje reagentë dhe materiale laboratorike” sipas specifikimeve teknike bashkëlidhur: (Kliko këtu për dokumentin)

 

Buxheti/Budget:

Fondi limit i parashikuar është 3,300,000.00 (tremilion e treqind mijë) Lekë pa tvsh.

 

Nga kandidatët kërkohet që të bëjnë oferta financiare nën këtë buxhet maksimal.

 

Vendi dhe data e dorëzimit të ofertës/ Place and date of bid submission:

 

Aplikimet duhet të dorëzohen ekskluzivisht në autoritetin kontraktor në protokoll, në një zarf të mbyllur të vulosur dhe firmosur, në adresën:

Universiteti i Tiranës

Address: Bulevardi “Dëshmorët e Kombit”, Sheshi “Nënë Tereza”, Tiranë, Shqipëri

 

Afati i fundit i dorëzimit të ofertave do të jetë data 27.12.2024, deri në ora 14:00 pm.

 

Kriteret e përjashtimit/ Exclusion criteria:

 

Aplikuesit, duhet të vërtetojnë se përmbushin situatat e renditura më poshtë duke plotësuar formularin e vetdeklarimit mbi përmbushjen e kritereve të përgjithshme ligjore bashkëlidhur kësaj ftesë (shtojca 2):

7. a) Është i regjistruar në Qendrën Kombëtare të Biznesit dhe ka në fushën e veprimtarisë objektin e prokurimit. Në rastin kur ofertuesi është një organizatë jofitimprurëse, duhet të deklarojë se është i regjistruar si person juridik, sipas Ligjit Nr.8788, datë 07.05.2001 “Për Organizatat jo Fitimprurëse” në rastin kur është person fizik/shpk.
8. b) nuk është në proçes falimentimi, (statusi aktiv) në rastin kur është person fizik/shpk,
9. c) nuk është dënuar për ndonjë vepër penale,
10. d) nuk është dënuar me vendim gjyqësor të formës së prerë në lidhje me veprimtarinë profesionale;

 

• Në çdo rast, autoriteti kontraktor ka të drejtë të kryejë verifikimet e nevojshme mbi vërtetësinë e informacionit të deklaruar nga operatori ekonomik si më sipër.

 

Kriteret e përzgjedhjes/Selection criteria:

                  

Operatorët ekonomik duhet të dorëzojë në një zarf të mbyllur të vulosur/firmosur, me protokoll pranë autoritetit kontraktor, jo me vonë se data dhe ora e caktuar, plotësimin e dokumentave si më poshtë (dhe sipas shtojcave bashkëlidhur):

Kërkesat minimale të kualifikimit:

1. Formulari i ofertës ekonomike, sipas shtojcës 1 bashkëlidhur.
2. Formulari i vetdeklarimit, sipas shtojcës 2 bashkëlidhur.
3. Specifikimet teknike, të vulosura e nënshkruara.
4. Dokumenti mbi Ekstraktin tregtar të subjektit, të lëshuar nga Qendra Kombëtare e Biznesit, i cili duhet të përfshijë objektin ose ekuivalentin e objektit të prokurimit, lëshuar jo më parë se 3 muaj nga data e zhvillimit të tenderit.
5. Furnizime të ngjashme gjatë tre viteve të fundit nga data e zhvillimit të tenderit, vërtetuar nëpërmjet Faturave tatimore të shitjes me subjektet private ose me subjektet publike, ku totali i tyre të jetë me vlerë jo më të vogël se 40 % fondi limit.
6. Vërtetim për xhiron vjetore për 3 vitet e fundit financiare 2021, 2022, 2023 ku vlera e xhiros për të paktën një nga vitet e periudhës së kërkuar duhet të jetë jo më e vogël se 40 % e fondit limit.

7. Operatori ekonomik duhet të paraqesë katalogë / broshurë ose fragmente(faqe) të katalogut/eve për të gjithë mallrat objekt prokurimi, duke markuar në mënyrë të qartë dhe të dallueshme artikujt që oferton, me specifikimet përkatëse të markuara, në mënyrë që të verifikohet përputhshmëria me kërkesat, si dhe të plotësohen të dhënat për ofertën teknike sipas tabelës së mëposhtme.

 

Shënim: Fragmentet e katalogut/ve duhet të tregojnë lehtësisht dhe qartë që janë pjesë katalogu, si dhe cilit katalog dhe cilit prodhues i përkasin.

 

Dokumentat e mësipërme duhet të jenë origjinalë ose kopje të noterizuara të tyre e të përkthyer.  Rastet e mos-dorëzimit të një dokumenti, ose të dokumentave të rreme e të pasakta, konsiderohen si kushte për skualifikim.

 

Shënim: Autoriteti Kontraktor në zbatim te ligjit Nr. 87/2019 “Per faturën dhe sistemin e monitorimit të qarkullimit”, i ndryshuar, do pranojë të likujdojë vetëm fatura elektronike për furnizimin e marrë.

 

Kriteri i vlerësimit /Award criteria:

 

Çdo aplikant duhet të paraqesë ofertën në një zarf të vetëm të mbyllur, të vulosur.

 

Oferta fituese do të bazohet në parimin e ofertës së përgjegjëshme (që plotëson kërkesat minimale të kualifikimit) me çmimin më të ulët (ofertës ekonomikisht më të favorshme).

 

Aplikanti fitues do të ftohet për lidhjen e kontratës.

 

Kohëzgjatja e kontratës/ Duration of contract:

 

Afati i realizimit të furnizimit, do të jetë 90 ditë nga data e nënshkrimit të kontratës.

 

Nënkontraktimi / outsourcing:

 

Nënkontraktimi nuk është i lejuar.

 

Gjuha e tenderit / Tender language:

 

Oferta e tenderit dorëzohet në shqip. Dokumentat në gjuhë të huaj duhet të shoqërohen me një përkthim të noterizuar në gjuhën shqipe. Ofertat e tenderit të paraqitura në ndonjë gjuhë tjetër do të refuzohen automatikisht.