Hapet thirrja për aplikime për bursa për mësimdhënie dhe trajnim në Universitetin e Molise, Itali, për stafin me kohë të plotë të Universitetit të Tiranës në kuadër të programit Erasmus, për semestrin e dytë të vitit akademik 2025-2026.

 

Në kuadër të Programit Erasmus + është hapur thirrja për aplikime për bursa për mobilitete për mësimdhënie / trajnim në Universitetin e Molise në Itali, për stafin me kohë të plotë të Universitetit të Tiranës, për semestrin e dytë të vitit akademik 2025-2026.

 

https://www.unimol.it/english/

 

Llojet e mobilitetit:

 

– Shkëmbimin e stafit akademik me kohë të plotë për mësimdhënie / trajnim;

– Shkëmbimin e stafit ndihmës akademik me karakter administartiv / administrativ për trajnim;

 

Fushat e shkëmbimit (për stafin akademik):

 

• Biologji dhe shkencat e saj;
• Shkenca mjedisore.

https://www.unimol.it/english/about-us/departments/

 

Shkëmbimi i stafit ndihmës akademik me karakter administartiv / administrativ për trajnim mund të kryhet për të gjithë personelin e UT-së, bazuar departamenteve përkatëse në universitetin pritës. Stafi aplikues duhet të citojë departamentin që si propozon për të kryer mobilitetin e tij.

 

Kohëzgjatja e bursave:

 

– 5 ditë + 2 ditët e udhëtimit;

 

Bursat përfshijnë:

 

-Kompensimin për stafin (160 EUR në ditë për stafin);

-Kostot e udhëtimit (në varësi të distancës midis universitetit pritës dhe atij të origjinës)

 

Për të përcaktuar distancën ju lutemi referohuni:

 

http://ec.europa.eu/programmes/erasmus-plus/tools/distance_en.htm

 

 

Dokumentat e nevojshme për aplikim:

 

– CV + Lista e publikimeve, për stafin akademik (në gjuhën angleze / italiane);

– Kopje e Pasaportës;

– Letër motivimi (në gjuhën angleze / italiane);

– Vërtetim Punësimi (në gjuhën shqipe);

– Certifikatë e gjuhës së huaj;

– Vetëdeklarim nëse keni kryer ose jo më parë mobilitet Erasmus+ (nëse po, ku, duke cituar universitetet dhe periudhat për secilin mobilitet të kryer);

 

– Plani i mobilitetit për mësimdhënie / trajnim*;

 

Për të shkarkuar formatin e Planit të Mobilitetit për mësimdhënie klikoni në adresën:

 

https://unitir.edu.al/wp-content/uploads/2024/10/Mobility-Plan-Mesimdhenie.docx

 

Për të shkarkuar formatin e Planit të Mobilitetit për trajnim klikoni në adresën:

https://unitir.edu.al/wp-content/uploads/2024/10/Mobility-Plan-per-Trajnim.docx

 

*Plani i Mobilitetit është një dokument në të cilin duhet të specifikohet programi juaj i propozuar që do të kryeni gjatë periudhës së shkëmbimit. Ky dokument firmoset nga aplikanti dhe nga personi përgjegjës në Rektorat, i cili është Koordinatori Institucional i Erasmus +.

Afati për aplikim: 28 shkurt 2026, ora 10:00.

Dokumentat duhen dorëzuar dorazi në Rektoratin e Universitetit të Tiranës, Sektori i Marrëdhënieve me Jashtë, si dhe duhet të  dërgohen të  skanuara në  e-mailin iro@unitir.edu.al.

 

Për më shumë informacion mbi bursat mund të na kontaktoni në adresën: iro@unitir.edu.al.

Universiteti i Tiranës ju uron suksese në aplikimin tuaj!