Marrëveshje Bashkëpunimi midis Universitetit të Tiranës dhe Kolegjit të Evropës në Bruges, Belgjikë
Në një takim të zhvilluar online, Rektori i UT-së Prof. Dr. Artan Hoxha nënshkroi një tjetër marrëveshje me Rektoren e Kolegjit të Evropës, Federica Mogherini.
Nënshkrimi i këtij mëmorandumi vjen nga përvoja e Kolegjit të Evropës në fushën e Studimeve Evropiane, veçanërisht në nivelin master. Iniciativa e krijimit të një Masteri Ekzekutiv në anëtarësimin dhe negociatat në BE dhe komponentët e tjerë të trajnimit, janë disa nga elementët shtytës që ISE të marrë pjesë në proces.
Kjo marrëveshje synon bashkëpunimin strategjik për zhvillimin e kapaciteteve institucionale të ISE (UT) dhe ofertës së tij akademike. Qëllimi është të kontribuojë në fuqizimin dhe shndërrimin e ISE në një pikë referimi për njohuri dhe ekspertizë në procesin e anëtarësimit në BE. Marrëveshja synon të përmbushë nevojat akademike të ISE në këtë drejtim, duke përfituar nga kapacitetet, rrjeti dhe përvoja e kolegjit. Dhe, nga ana tjetër, marrëveshja rrit praninë dhe vizibilitetin e Kolegjit në rajon, si pjesë e strategjisë së tyre.
Disa nga aktivitetet e propozuara përfshijnë:
??Asistencë teknike dhe konsultime për strategjinë e zhvillimit afatmesëm dhe afatgjatë, staf akademik të përfshirë në modulet mësimore për Masterin Ekzekutiv mbi Negociatat,
??Organizimin e përbashkët të aktiviteteve trajnuese mbi temat specifike të negociatave për anëtarësim,
??Shkollë të përbashkët verore rajonale për çështjet e BE-së,
??Organizimin e sesioneve informuese mbi Kolegjin dhe ofertën e tij akademike në Tiranë,
??Përfshirjen e të diplomuarve shqiptarë të Kolegjit në aktivitetet e ISE, duke përfshirë mësimdhënien, shqyrtimin periodik të mundësive për aplikime të përbashkëta për projekte për fondet e BE-së
