Në kuadër të programit Erasmus + është hapur thirrja për aplikime për praktikë për studentët e Universitetit të Tiranës në Universitetin e Janinës në Greqi, për semestrin e dytë të vitit akademik 2021-2022.
Llojet e mobilitetit përfshijnë:
– Shkëmbimin e studentëve për praktikë në Zyrën e Marrëdhënieve Ndërkombëtare dhe me Publikun në Universitetin e Janinës;
Nivelet e mobilitetit për studentët:
– Bachelor;
– Master;
Kohëzagjatja e bursave:
– Bachelor (3 muaj);
– Master (3 muaj);
Fushat:
– Informatikë;
– Informatikë Ekonomike;
Bursat përfshijnë:
– Kompensimin mujor (800 EUR në muaj për studentët);
– Kostot e udhëtimit (në varësi të distancës midis universitetit pritës dhe atij të origjinës)
Për të përcaktuar distancën ju lutem referohuni link-ut:
http://ec.europa.eu/programmes/erasmus-plus/tools/distance_en.htm
Studentët që përfitojnë nga mobiliteti Erasmus + nuk do të paguajnë asnjë tarifë në universitetin pritës. Studentët do të vazhdojnë të paguajnë shkollimin e tyre dhe/ose tarifat e regjistrimit në universitetin e tyre të origjinës.
Dokumentat e nevojshme për aplikim për studentët e nivelit Bachelor:
– CV (në gjuhën angleze / greke);
– Kopje e Pasaportës;
– Vërtetim studenti (në gjuhën shqipe dhe të përkthyer në mënyrë zyrtare në gjuhën angleze / greke);
-Listë notash (në gjuhën shqipe dhe të përkthyer në mënyrë zyrtare në gjuhën angleze / greke);
-Letër Motivimi në gjuhën angleze / greke;
– Certifikatë e gjuhës së huaj (gjuha Angleze, niveli C);
*Preferohet që studentët të jenë njohës edhe të gjuhës greke (minimalisht niveli B1);
Dokumentat e nevojshme për aplikim për studentët e nivelit Master:
– CV (në gjuhën angleze / greke);
– Kopje e Pasaportës;
– Vërtetim studenti e nivelit bachelor dhe master (në gjuhën shqipe dhe të përkthyer në mënyrë zyrtare në gjuhën angleze / greke);
– Listë notash e nivelit bachelor dhe master (në gjuhën shqipe dhe të përkthyer në mënyrë zyrtare në gjuhën angleze / greke);
– Diplomë e nivelit Bachelor;
– Letër Motivimi në gjuhën angleze / greke;
– Certifikatë e gjuhës së huaj (gjuha Angleze, niveli C);
*Preferohet që studentët të jenë njohës edhe të gjuhës greke (minimalisht niveli B1);
Afati për aplikim: 14 Shkurt 2022
Dokumentet duhen dorëzuar dorazi në Rektoratin e Universitetit të Tiranës, Sektori i Marrëdhënieve me Jashtë si dhe duhet të dërgohen të skanuara në e-mailin iro@unitir.edu.al.
Për më shumë informacion mbi bursat mund të na kontaktoni në adresën: iro@unitir.edu.al.
Universiteti i Tiranës ju uron suksese në aplikimin tuaj!